2
ثژالّيتّ
1 خف ؤياد قرفاخ غيفش داث ن ـ مايد ئݣان شا كولّ، أداس ثتّرم ئي ربّي، ثژّالّيماس، ثبندقماس أها ثحمدمث خف ميدّن كولّ،
2 خف ئݣلّيدن د ـ وينّا لّانين كولّ ݣ ـ شان ثنباطّ، حما أنيدير يوث ن ـ ثودرث ن ـ لمان د ـ لهنا د ـ نوكني نمنا أر نتݣّ أينّا يلاقن داث ن ـ ربّي ݣ ـ مايد ئݣان شا.
3 أياد ئژيل ئرضو غيفس ربّي أمفوكّو نّخ،
4 نّا يران ئي ميدّن كولّ أد تّوفوكّان أها ييسينن لحقّ.
5 هاثين غاس يان ربّي أيد ئلّان د ـ غاس يوكّ أيد ئلّان نّا يسمّعدالن ئنݣر ربّي د ـ ميدّن: نتّا بنادم سيدنا عيسى لماسيح،
6 نّا يوشان ئخف نس ݣ ـ وانسا ن ـ ميدّن كولّ. س ـ ؤياد ئوشا ربّي ثاماثارث ݣ ـ لوقث نّا يزمّم ن ـ ئس ئرا ئي ميدّن كولّ أد تّوفوكّان.
7 أياد أخف ئي يسثي ربّي أد ݣخ أبرّاح د ـ أمازان، أر سّلمادخ ليمان د ـ لحقّ ئي وينّا ؤر ݣينين ؤداين، هاثين سثيتّ أي دا تّينيخ ؤر دا سحيلّيلخ.
8 ئوا ريخ أداي دا تژالّان ئرݣزن أها ياسين ؤراون نسن ݣ ـ مايد ئݣان أنسا، أثتݣّين س ـ وولاون ئزدّاݣن، ؤر ديكسن ئتّيلي ؤفلوفل ؤلا ثاغنّانث.
9 ريخ أود ثيوثمين أد لسّانث ئعبانّ ئلاقن دا يسنعاثن لحيا د ـ لوقر، عديلنث ئخفاون نسنث ؤر ئد س ـ ثونزيوين د ـ ؤرغ نغد س ـ لجوهر د ـ ئعبانّ ئغلان شيݣان،
10 مشان س ـ لفعايل نّا ژيلنين ئمشينّا يلاقن ئي ثوثمين نّا دا تّينين ئس دا تّعبادنث ربّي.
11 (أدّاي دا سّلمادن ئرݣزن ݣ ـ ؤݣراو،) ئخصّاسنث ئي ثوثمين أد لمدنث س ـ ئفسثي، ضاعنث ثانباط نسن ݣ ـ مايد ئݣان شا.
12 أد ؤر تّادجا ثامطّوط أتّسّلمد ؤلا ثنبض خف ؤرݣاز، مشان ئخصّاياس أتّقّيم س ـ ئفسثي،
13 ئدّخ أدم ئخلقث ربّي د ـ أمزوارو عّاد حوّا،
14 د ـ ؤر ئد أدم أيد ئغوا شّيطان مشان ئغوا ثامطّوط أها ثتّوتّي ݣ ـ لمعصيث.
15 مشان دّانث ثوثمين أد فوكّانث س ـ ثاروا ن ـ واراو مش ؤمژنث ݣ ـ ليمان د ـ ثايري، ؤر ديكسنث ئتّيلي لعيب أها ييلي ديكسنث لوقر.