ثابراتّ تيسّنات ن- ؤمازان بولوس ئي يمومنّ ن ـ ثمدينث ن ـ تسالونيكي
1
سّلام
1 زݣ بولوس د سلوانس د تيموثاوس، أيدا يارين تابراتّ-اد يي ؤݣراو ن-ئمومن ن تمدينت ن تسالونيكي، وينّا ݣانين وين ربّي ئبّاتنخ د مولانا عيسى لمسيح.
2 أد-اون ئوش ربّي ئبّاتنخ د مولانا عيسى لمسيح رّحمتa د لهناb!
ئدّا مولانا اد د-ئدّو حما أد ئحكم خف ميدّن ن دّونيت
3 أيايتماتنخ، ئخصّاخ أد نحمد ربّي دّيما زݣ تنيلا نّون. أياد ئݣا لحقّ، ئدّخ ليمان نّون دا ئتمغور ؤݣار، د تايري ن كو يون زّيݣون يي وييّاض دا تزاياد ئنݣراويت ؤݣار.
4 أياد أخف دا ديݣون نساوال س-ؤبورز يي ئݣراون ن-ئمومن ياضن نّا ئݣان وين ربّي، ئدّخ تصبرم أها تومژم ݣ ليمان نّون مغار كّان غيفون ئكرفيصن د ژيّار كول.
5 أياد كول دا ئسنعات ئس دا ئحكّم ربّي س لحقّ، حما أت تستاهلم أت تݣيم زݣ ميدّن ن تݣلدييت نّس، نّا خف غيفون دا تكّا تمارا دغي.
6 ئوا، ئدّخ دا ئحكّم ربّي س لحقّ، ئدّا أد ئسكّ تامارا خف وينّا غيفون تيسكّان،
7 أها ئوشاون كونّي نّا خف يوسّ لحال أنّيرست، ئوشاخت أود نكني، أدّاي د-ئباين مولانا عيسى زݣ ئݣنّا د لمالايكا نّس نّا ئجهدن
8 ݣ-ؤحدّيق ن لعافييت، حما أد ئعاقب وينّا ؤر ئسّين ربّي أها ؤر دا تضاعن لينجيل ن مولانا عيسى.
9 لعيقاب ن ميدّن-اد، تيخلي ن وابدا أها تواژعن غر لبعد زݣ ؤدم ن مولانا د لعزّ ن لجهد نّس.
10 أدّاي د-ئدّو ݣ واسّ نّا، أد-اس ݣين ميدّن نّا ئݣان وينّس أها أر-ئسّ تّامن لعزّ أها حمدنت.c د كونّي ألّو، تدّام أت تيليم أݣّيتسن، ئدّخ تومنم س شّهات نّخ نّاون دنيوي.
11 أياد أخف دا نتتّر ربّي غيفون دّيما، أد كون ئعاون أت تيديرم تودرت نّا ئواتان تاغوري نّس، أها س لجهد نّس أداون ئعاون أت تݣيم لخير كول نّا ترام أت تݣيم أها ئشمّل تاووري نّا تݣّيم س ليمان نّون.
12 س-ؤياد، ئدّا أد ئتواݣ لعزّ يي مولانا عيسى ئسّون أها ئتواݣّاون لعزّ ئسّ. أياد كول أد ئتواݣ س رّحمت ن ربّي نّخ د مولانا نّخ عيسى لمسيح.d