ثابراتّ ثامزواروتّ ن ـ ؤمازان بولوس ئي تيموثاووس
ثازوارايث
ثابراتّ أد ياريتّ ؤمازان بولوس ئي يان ؤفدّام ئسم نس تيموثاووس، ئݣان زݣ ثمدينث ن ـ ليسترا ئلّان ݣ ـ يوث ن ـ ثمناطّ زݣ ثمازيرث ن ـ أسيا نّامي دا تّينين دغي توركيا.
ئبّاس ن ـ تيموثاووس ئݣا أيوناني ئد مايس أفنيكي ثݣا ثودايثa. زݣوس ئݣا تيموثاووس أربا أمژّيان أيداس ثسّلمد مايس د ـ نانّا نس أوال ن ـ ربّيb. بولوس ياري ݣ ـ ثبراتّ نس هاثين مايس ن ـ تيموثاووس د نانّا نس ؤمننث س ـ لماسيح، أود نتّا يومن س ـ لماسيح عينخ لّيݣ ديكّا بولوس ليسترا ݣ ـ ؤمودّو نس أمزواروc.
ݣ ـ ؤمودّو نس ويسّ سينّ، ئكّاد بولوس ديخ ليسترا، داي يسثي تيموثاووس أد ئݣ يوكّ زݣ ئسمونّ نس ݣ ـ لخدمث ـ ربّي. أر ئتّمون تيموثاووس د ـ بولوس غر مايد ئݣان أنسا أر ساوالن ئي ميدّن خف لماسيح. يوث ن ـ ثيلمرتّ، ئزري بولوس تيموثاووس ݣ ـ ثمدينث ن ـ ؤفسوس أد ئسعاون ئمومنّ ديسّ.
داي ݣ ـ ثبراتّ أد ثامزواروتّ نّا يارياس بولوس ئي تيموثاووس مايد ئخصّا أد ئݣ حما أد ئرار لبال نس ئي ئمومنّ، ميمش أيداسن ئخصّا أد ئديرن ئمشينّا تݣّان ئمومنّ ئنݣراتسن. بولوس ئرا أد ييسين تيموثاووس ميمش غا يݣ أد ئݣ أنبداد خف ئمومنّ.