3
1 ئوا مش ئد ئس دتّوسكّرم د ـ لماسيح، رزوياث س ـ وولاون نّون خف ؤينّا يݣان وين ييݣنّا ماني ݣ ـ ئقّيما لماسيح [ݣ ـ وانسا ن ـ لعزّ د ـ ثنباطّ] خف ؤفاسي ن ـ ربّي.
2 ݣاث لعقل نّون غر أينّا يݣان وين ييݣنّا، ؤر ئيد غر أينّا يݣان وين دّونيث.
3 ئدّخ كونّي ثݣام أمّي ثمّوثم، د ـ ثودرث نّون ثاماينوتّ ثنثل د ـ لماسيح ݣ ـ ربّي.
4 أسّ ݣ ـ ديضهر لماسيح، ئݣان ثودرث نّون ثدّام أود كونّي أدّ ثيضهيريم أݣيدس ݣ ـ لعزّ نس.
ثودرث ثاماينوتّ
5 ئوا نغاث أينّا ديݣون ئݣان كولّ وين دّونيث: أمّ لفساد، د ـ ؤينّا ؤر ئزدّيݣن، د ـ لعشق ن ـ ؤينّا يݣان لعيب، د ـ شّهواث نّا ؤر ئحلين، د ـ طمع ئݣان أمّ لعيبادا ن ـ لاصنام.
6 ئدّخ هاثين ئسكّين أمّ ويد أس غا ديدّو ؤسخاض ن ـ ربّي.
7 أود كونّي س ـ ئخفاون نّون ثكّام أر تّيديرم ئمشيد أياد ئزرين لّيݣ أر تّݣّام ئسكّين أمّ ويد.
8 مشان دغي ئخصّاياون أتّكّسم زّيݣون أود ئسكّين أد كولّ: أسخاض د ـ ؤزعاف، د ـ ثوخّيث، د ـ ئزوارن، د ـ واوال ن ـ لعيب نّا دا ديتّفغن زݣ ئقما نّون.
9 أد ؤر تمسحيلّيلاث ئنݣراثون، ئدّخ هاثين ثكّسم زّيݣون بنادم أقبور نّا ثكّام ثݣام د ـ ݣار لفعايل نس،
10 أها ثنسيم يان بنادم أماينو. ربّي نّا ثيخلقن دا يتّزاياد أث ئتّݣّا د ـ أماينو أرد ئي ثيرويس حما أد ييسين سثيتّ مايد ئمس ربّي.
11 س ـ ؤياد ؤر ئتّغيما بطّو ئنݣر ن ـ ووداي ؤلا ؤنّا ؤر ثيݣين، ئنݣر ن ـ ؤنّا يزݣنن د ـ ؤنّا ؤر ئزݣينن، ئنݣر ن ـ ؤنّا ؤر ئݣين ؤثمازيرث د ـ ؤنّا يݣان أهيماجي (أسيݣّيثي)،a ئنݣر ن ـ ئسمغ د ـ ؤنّا ؤر ثيݣين؛ مشان ؤر ئلّي غاس لماسيح، نتّا أيد ئݣان مايد ئݣان شا ييلي ݣ ـ كّو يون (ݣ ـ وينّا ئسّ ؤمنّين كولّ).
12 كونّي يسثيكون ربّي أتّݣيم وينس أر كون ئتّيري، ئوا نساث ثاسا د ـ لحنينث، أد ؤر ديݣون تّيلي ثيخيثيرث، أها ييلي غورون لخاضر د ـ صّبر،
13 أر تمساعافم ئنݣراثون. داي مش ئلّا ما خف ئتلامّا يوكّ وايّاض، ثساماحم ئنݣراثون، ئدّخ ئمشينّا أون ئسامح مولانا ئخصّاياون أود كونّي أتّمساماحم ئنݣراثون.
14 د ـ نّيݣ ن ـ ؤياد كولّ نساث ثايري، هاثين ثايري ياد أكون ئزدين ݣ ـ يوث ن ـ ثامونتّ ئشمّلن.
15 ثادّجيم لهنا ن ـ لماسيح أد ئباض ݣ ـ وولاون نّون، هاثين ئدّخ ثݣام أمّ يوكّ أخف أون ئغرا ربّي غر لهنا ياد. أها يخصّاياون أد تّحمادم ئي ربّي.
16 أدّجاث أوال ن ـ لماسيح أد ئزدغ ݣ ـ وولاون نّون س ـ شيݣان ؤر غورس ئتّيلي لحدّ، د ـ س ـ مايد ئݣان ثانژّي تمّسّلماداث أر ثمنبّاهم ئنݣراثون، أر تهلّالم س ـ وولاون نّون س ـ ئيد زّابور د ـ تمديازين د ـ ثنشّادين ئمشينّا أون ئسنعث رّوح ن ـ ربّي، أر تحمادم ئي ربّي.
17 د ـ ؤينّا دا تّينيم د ـ ؤينّا دا تݣّام كولّ أد ييلي س ـ ييسم ن ـ مولانا عيسى، أر ئسّ تحمادم ئي ربّي يبّاثنخ.
لفرايض نّا يلّان خف ئمومنّ س ـ لماسيح
18 أثيوثمين، ئخصّاكونث أتّيليمث دّاو ن ـ ثنباطّ ن ـ ئرݣزن نكونث ئمشينّا ئلاقن ئي ثوثمين ݣانين ثين مولانا.
19 أييرݣزن، تّيرياث ثيوثمين نّون د ـ أد ؤر ثنث تّكرفاصاث.
20 أياراو، سّغاداث ئي لوالدين نّون ݣ ـ مايد ئݣان شا ئدّخ أياد أس غيفون ئتّرضو مولانا.
21 أييد بّاتسن (ن ـ واراو؟؟)، أد ؤر تژيّاراث أراو نّون حما أد ؤر تّوحيلن داي سيلوان ئي يخفاون نسن.
22 أييسمغان، سّغاداث ئي ييد بابين نّون ن ـ دّونيث ݣ ـ مايد ئݣان شا، ؤر ئيد غاس أدّاي دا ديݣون تّراعان أها ثيريم أد غيفون رضون؛ مشان سّغاداثاسن س ـ ثازدݣي ن ـ وول د ـ ثيݣدا ن ـ مولانا.
23 د ـ ؤينّا ثݣام كولّ، ثݣيمث زݣ وولاون نّون أمّي دا ثتݣام ئي مولانا ؤر ئيد ئي ميدّن،
24 ثيسينم ئد لاجر نّون غر مولانا [نتّا ثاكاسوتّ نّا يقّاول ئي ميدّن نس] ئدّخ مولانا لماسيح أمي دا ثخدّمم.
25 ئيد ؤنّامي خّانث لفعايل، ئدّا ربّي أداس ئخلّص خف لفعايل نس، ئدّخ نتّا ؤر دا يتݣّا ثودماوين.