ثابراتّ ن ـ ؤمازان بولوس ئي يمومنّ ن ـ ثمدينث ن ـ فيليبّي
ثازوارايث
فيليبّي ثكّا ثݣا يوث ن ـ ثمدينث نّا ستعمرن رّومان. ثوساد ݣ ـ ؤژلماض ن ـ ثمازيرث ن ـ ماكيدونيا (ليونان دغي).
ݣ ـ ثوادا نّس ثيسّ سناث، ئسمون بولوس د ـ ئسمونّ نّس أݣراو ن ـ ئمومنّ أمزوارو ݣ ـ ثمازيرث ن ـ ؤروبّا (ئسكّين نّا ݣان ئمازانّ 16: 12 ـ 40).
د ـ لشثاب أد زݣ لعاهد ؤجديد (ثاضا ثوجديتّ) نّا غر ئلّا ييسم ن ـ ثمدينث أد ن ـ فيليبّي، نتّا ثابراتّ نّا ياري ومازان بولوس ئي وݣراو ن ـ ئمومنّ ديسّ. ئرا أثن ئسنومّر خف ثرزّيفث نّاس ؤزنن، د ـ خف ؤسعاون نّا ثسعاونن اد ئبرّح س ـ ئنغميسن ژيلنين.
ݣ ـ ثبراتّ أد داخ ئسّلماد ؤمازان بولوس ميمش أيداخ ئخصّا أنفرح، نحمد ئي ربّي أها ؤر نتّاسي أنزݣوم. ؤر نسخاثار س ـ ئخخفاون نّخ ماشان أنحاسب وييّاض ئيس أخ ؤفن أها نزّوور نّفع نسن خف وينّخ.
أر نتّيسين ألثو ݣ ـ ثبراتّ أد ميمش أي نّيزري لماسيح أنسا ن ـ لعزّ يدّود غر دّونيث أد أها يضاع أود أد ئمّث خف ئحنيݣن ن ـ ؤطّورق، د ـ ؤفوكّا ؤر ئيد س ـ لاعمال ماشان س ـ سيدنا عيسى لماسيح، د ـ نوكني أيث ييݣنّا أيد نݣا.