8
توارݣيت تيسنات ن دانيال
1 ݣ ؤسݣّاس ويس شراض زݣ تانباط ن ؤݣليد بلشصّر، نكّين دانيال أنّايخ تاوارݣيت يضن.
2 ݣ توارݣيت أد أنّايخ ئس لّيخ ݣ تمدينت ن شوشان نّا مي ئدور صورئلان ݣ لعمالا ن عيلام، أها ليخ بدّيخ تاما ن واسيف نا مي تينين أولاي.
3 هزّاخ ألّن ئنو أنّايخ يون ؤحولي غورس سين ن واشّيون ئبد تاما ن واسيف. أشّيون سّين غزّيفن ولايني يون ئغزّيف زݣ واياض مغار ونا ئغزّيفن ئمغيد فير ن واياض.
4 داي أنّايخ أحولي دا ئكّات كول ونّاس ديدّان خف ئديس ن ؤغلوي ن تافوكت د خف ئديس أزلماض د خف ئديس أفاسي أها ؤر ئغي أود يون لوحش أد ئبد دات-اس نغد أد ئراح زݣ لحكام نس. دا ئتݣّا أينا ئرا أها يغول ئخاتر.
5 داي ليݣ أر تخمّامخ ݣ ؤياد، أنّايخ يون ؤعتروس ئدّاد زݣ لجيهت ن ؤغلّوي ن تافوشت خف ؤدم ن وشال أها ؤرت ئسيغ، ييلي غورس يون ن ييش أختارئضهرد ئنݣر والّن نّس.
6 ئدّود غر أحولي بو سين ن واشّيون نّا أنّايخ ئبد تاما ن واسيف أها يازّل غورس س لجهد نّس.
7 أنّايخ أعتروس ئهجم خف ؤحولي. ئوتيت ئرزاس أشّيون سين، ؤر ئقّيم لجهد غر أحولي، ئݣرت ؤعتروس خف وشال ئركشت أود يون ؤر ئغي أت تيفوكّا زيݣس.
8 يغول ؤعتروس ئخاتر شيݣان، ولاينّي ليݣ ئمقور لجهد نس ئرزاس ئش. أها مغيند ربعا ݣ أنسا نس كو ئش ئبرّم غر يوت ن تنيلا زݣ تينيليوين س ربعا ن دونيت.
9 داي ئمغيد زݣ يون ئش زݣ أشيوناد س ربعا يوت ن تيشت تامزيانت، ولايني تخاتر شيݣان غر ئديس أفاسي د ئديس ن ؤنقر ن تفوكت د غر تمازيرت ئغودان.
10 داي تمغورأليݣ تيوض لعسكر ن ئݣنا أها تݣر يون ؤمور زݣ لعسكر د ئتران غر اشال أها تركشتن.
11 ئسخاتر أها ئسمساسا ئخف نّس د ؤݣلّيد ن لعسكر ن ئݣنا ئكس تيمغراص نا ئتواݣن ئ ربّي كوياس أها ئهدم تادارت ن ربي.
12 س سباب ن ميدن نّا ئعصان ربي ئتواݣ لعسكر دّاو ن تنباط ن ئش أها ؤر قيمين تمغراص ن كوياس. ئݣرا ئش س لحق غر أشال أها ئنجح ݣ ؤينّا ئتّݣ كول.
13 سليخ ئ يون ن لمالاك ن ربّي أر ئساوال، ئسقسات يون ن لمالاك ن ربّي ياضن ئنياس: «أرمي دان أد قيمن ئسكين اد نا تانايد ݣ توارݣيت؟ أر مي دّان ؤر تغيمان تيمغراص ن كوياس؟ أر مي تدا أدام لمعصيت نّا د ئتاوين أهلاك أها توحقّر تادرت ن ربّي أها ئتوركش لعسكر ن ئݣنا؟».
14 ئواجبت لمالاك ن ربي أمزوارو ئنا: «ئخصا أبعدا أد تزري ألفاين د تلتميا ن ئض د واس، فيراس دان ميدّن أد ددون أد ديكس عبدن منّا ؤجديد».
لملاك جبريل ئسفسر توارجيت
15 نكين دانيال، ليݣ أر تخمّامخ ݣ توارݣيت أها أر ؤرزّوخ أد تفسرخ، ئبد داتي يون ئرويس بنادم ئجهدن.
16 داي سليخ ئ يون ن بنادم أر ئقّار زݣ تاما ياضن ن أسيف ن أولاي أر ئتيني: «أجبريل، فسّر تاوارݣيت ئ ؤرݣازاد».
17 ئحادزد جبريل غر أنسا نّا ݣليخ، داي ݣدخ شيݣان، توتيخ خف واشال أها ئنايي: «ابنادم. ئخصا أد تيسيند ئد تاورݣيت دا تساول خف تينݣيرا ن زمان».
18 داي لّيݣ أر ئ ئسّاول، ݣنخ يون ؤنودم ئزاين د ؤدم ئنو خف وشال. ئحاديي ئسبديي خف ئضارن ئنو.
19 أها ئنايي: «ديخ أك خبرخ س ؤينا ئدان أد ئجرو ݣ تنݣير ن زمان ن لغضب ن ربي، ئدخ أياد ئݣا لحق.
20 أحولي نا تانايد ونا غرلان سين ن وشّيون ئݣا ئݣليدن ن تمازيرت ن مادي د تمازيرت ن فارس.
21 ئد أعتروس بو شعرئݣا أݣلّيد ن تمازيرت ن ليونان د ئش أخاتار نّا ئلاّن ئنݣر ن والّن نّس ئݣا أݣليد أمزوارو ن تمازيرت اد.
22 ولايني ئرّز مغيند ݣ أنسا نّس ربعا ن أشيون ݣان ربعا ن تكلّيدين نّا ئدان أد ئلين ݣ ؤدغار ن تمزواروت، ولايني ؤرغورسن ئتيلي لجهد أم وينس.
23 ݣ ؤسّان ئنݣّورا ن تݣلّيدين اد أداي تاوض لمعصييت ن ميدن لحد نّس، أد ئباين يون ؤݣلّيد أغضارنا ݣ لاّن تحرميات.
24 ئدا أد ئمغور لجهد نس، ولايني لجهد اد ؤرديدي زيݣس ئدا أد دياوي شيݣان ن تيخلي، ئنجح ݣ ؤينّا ئخدم أها ئخلو ئخاتارن د صّاليحين ن ربي.
25 س تحرميات نّس أد ئخلو شيݣان ن ميدن، ئعمر ؤلن نس س لكيبر، أد ئهلك ميدن نا ئلّان ݣ لهنا، ئكر ضد ن ؤݣليد ن ئݣليدن، ولايني ئدا أد ئرز س لجهد نا ؤر ئݣين وين بنادم.