7
ثوارجيت ن دانيال س ربعا ن لوحوش
1 ݣ ؤسݣاس أمزݣارو ݣ لحكم بيلشاسرأݣليد ن تَمَزِرْتْ بابل، ئ يتوارجي دانيال تيويرجا، إيكّين خف ؤقرو نس د نتّا ليجنا ݣ تيسّي نس، دا يارييتن هان أينّا يري:
2 «أنّايخ ݣ ثوارجيت ئنو ݣيض، ربعا ن ئزووتن ؤوجنا ثهجيمد خف لبحر أكسواث،
3 دين نيت أفغند سݣ لبحر ربعا لمخليقات تيخثارين ؤر داتمشباهن ݣراتسن.
4 أمزوارو ئݣا أم ئزم غورس افريون أم وين لباز. داي قيمخ لترعاخ ديكس ألّيݣ أسكسن افريون، دا نتّا ئتوهزّا زݣ واشال أها ئبدّ خف إيدارن نس أم بنادم س لعقل نّس.
5 داي أنّايخ ألتو لموخليقت تيسنات ئݣان أم دب، تبدا خف ئضارن ئنݣورا ييلي ݣ ؤقمو نس ئنݣر ثغماس نس شارت إيغزديسن ها إيتونياس: "بيد ها ثشيث شايݣان ؤݣسوم".
6 داي أنّايخ فير ؤويا إيشت لموخليقت ضنين ئݣان أم ؤغلياس، خف ثداوت نس ربعا ن وافريون أم وين ن طير، ها يلين غيرس ربعا د إيقرا، ها تموشاس تنباط.
7 ضارت ن-ؤياد، أنّايخ ݣ تويرجا نّا يي ئتبايان ݣ-ييض لموخليقت تيس ربعا نّا ئسّاݣّادن، ئصحان شايݣان، غورس شايݣان ن توغماس ن ووزّال، دا تتّا، دا تبي، ار تقدّام س ئضارن نّس أينّا ئقّيمن، ؤر تݣي أم لوحوش نّا ت-ئزويرن أها غورس عشرا ن واشّيون.
8 أر تراعاخ ݣ واشّيون، ئفّغد يون ئشّ أمژيان ئنݣر واشّيون، أها تّوجدرن شارض زيݣسن حما أد ݣين أنسا يي ييشّ أمژيان. داي ئلين غر ئشّ-اد ألّن أم تين بنادم، د يون ؤقمو نّا ئساوالن س لكيبر.
لحكم ن ربي
9 داي لّيݣ أر سموقولخ، تّوسرسين لكراسا، داي ئقّيم ونّا مي تّينين أمغار ن وابدا، خف يون زيݣسن، ݣان ئعبان نّس ئملّالن أمّ ؤدفل، د وازّار ن ئخف نس ئرويس تاضوت تملّالت ئصفان، د لكرسي نّس دا زّيكس تفّغ لعافييت أها ݣين رّوايض ن لكرسي لعافييت ئحرّين.
10 ارئتازلا يون واسيف لعافييت دات-اس، ئد مليون ن لملايكا دا غيفس تسخارن، د ئد ميا ن ئد مليون بدين دات-اس، داي قيمن ئد لقضي ن لحكم، أها تّوفتكن لكتوب.
11 قيمخ ار سموقولخ أها أر سغادخ يي ئواليون ن لكبر نا ار ئتّيني ئشّ، أنايخ ئس تونغ لموخليقت تيس ربعا، تّوخلو دّات نّس أها توݣر ݣ لعافييت يوغن.
12 ئد لموخليقات نّا ئقّيمن تواكسسن تانبط نّسن، ولايني ئتموشاسن أد ئديرن أر لوقت د تساعت نا ئتعين.
13 داي ݣ تويرجا نو ݣ-ئض: انايخ خف ؤسيݣنو ݣ ئݣنا يون ئرويسن مميس ن بنادم. ئداد غر امغار ن وابدا، أها سحادزنت غورس.
14 داي تتموشاس تنباط، ئتواݣاس لعز أها تتموشاس تاݣليت، حما أت تضاعن ميدن كول، زݣ ماݣان شعب د لݣنوس د ئلس. تنباط نّس أد تقّيم ابدا ؤر تنّي أت تفنو، د تݣلديت نس ؤر تدّي أد تخلو.
أسفسر ن توارجيت
15 نكّين دانيال ئقلق لخاضر ئنو شايݣان، د تويرݣا نو ئوينييد تيݣت.
16 داي حادزخ غر يون لملاك زݣ وينا ئبدّين داد، سقسخت خف لمعنا ن ؤينا انايخ كول. ئوجبييي اها ئسفهميي ئسكين-اد ئنايي:
17 "لموخليقات-اد تيخثارين س ربعا، ݣنت ربعا ن ئݣليدن نا ئدان اد باين ݣ وشال.
18 فيراسن صّاليحين ن ربي ئعولان دان أد امژن تاݣلديت ديما خف وابدا".
19 داي ريخ أد ئسينخ ستيت لمعنا ن لموخليقت تيس ربعا نّا ؤر ئݣين أم لموخليقات ياضن، لموخليقت اد دا تسّاݣّاد شايݣان، غورس توغماس ن ووزّال د-ئبوشّارن ن نحاس، دا تتّا، تبّي أينّا توفا كول أها أر تقدّام س-ئضارن نّس اينّا ئقّيمن.
20 أها ريخ اد ئسينخ التو لمعنا ن عشرا ن واشيون نّا غورس خف ئخف، د ئشّ نّا ئمغين أها تّوتين دات-اس شارض ن واشيون. ئشّ-اد غورس ألّن د يون ؤقمو نّا ئساوالن س لكيبر. أها ئباين ئس يوݣر وييّاض.
21 لّيݣ ار سموقولخ، أنّايخ ئش اد أر ئتناغ د صاليحين أها ئرنوتن،
22 والاينّي ئدّاد ؤمغار ن وابدا ئحكم س لحقّ يي صاليحين ن ربّي ئعولّان. أدّاي تاوض لوقت، دّان صاليحين أد أمژن تاݣلّيت.
23 ونّا تسقساخ ئنّايي: "لموخليقت تيس ربعا نتّات أݣّان تاݣلّيت تيس ربعا ݣ واشال. تاݣلّيت-اد ؤر تݣي أم تݣلّيدين ياضن، تدّا أت تّش أينّا ئلّان كول ݣ دّونيت، تقّدمتن س-ئضارن نّس أها تبيتن.
24 أشّيون س عشرا ݣان عشرا ن-ئݣلّيدن نّا ئدّان أد دفّغن زݣ تݣلّيت-اد. أها ئدّا اد د-ئدّو يون ؤݣلّيد فّيراسن، ؤر ئݣي أم وينّا ت-ئزويرن، ئدّا اد يامژ تانباط اها ئكّس شارض ن ئݣلّيدن.
25 ئدّا اد ئسيول خف ربّي س ݣار أوال، اها ئدّا اد ئسّيك تامارا خف صّاليحين ن ربي ئعولان. ئعوّل اد ئبدّل ؤسّان ن لاعياد د شّرع نسن. صّاليحين-اد أد ئلين دّاو ن تنباط نّس شارض ئسݣّاسن د نّص.
26 والاينّي ئدّا اد غيفس ئتّوحكم غر تنݣيرا، اها تخلو تݣلديت نّس أبدا.
27 تاݣلّيت د تنباط د تخيترت ن تݣلّيدين كول نّا ئلّان دّاو ن-ئݣنّا، أد تموشين يي شّعب ن ربّي ئعولان. أها تدّا تݣلّيت نّس اد تݣ تين وابدا، ضاعنت تنباضين كول ن دّونيت، أها سخّرنت غيفس".
28 أياد ئݣا لحدّ ن توارݣيت. ئد نكّين دانيال سّيݣّدنتييي ئخمّيمن ئنو شايݣان، ئورّيغ وودم ئنو. والاينّي فّرخ تاوارݣيت ئنو ݣ وول ئنو».