6
دنيال ݣ تسرافث إيزماون
1 فّيرْ مَاݣ عايد دَارْيُوس ئݣا أَݣْلِّيد، إِختار ميّا و عشرين لْعَامْلْ أكْ أَدْ نْبْضنْ خفْ لْعَامَلَاتْ كولْ ن ݣْلِّيت،
2 ها إيݣا غيفسن شارت لوزرا زيكسن دانيال، أداسن دفعن ئد لعامل لحساب ن صندوق ن ݣليت، أكا ؤر إسخصار أݣيدج لمال ؤݣليد.
3 ياݣر دانيال لوزراء ضْنِينْ دي د لْعَامْلْ ݣْ نزازيت، لحقاش غورس لعقل ئشوان، داي إنوو ؤݣليد أت ت-يݣ كول خف ئسكين ن ݣليت.
4 بدعن لوزراء د ئد لعامل لتفتاشن خف شا ن خندلاسث إيݣا دانيال ݣ إسكين ن ݣليت ها ؤرتوفين، لحقاش إيݣا لامين ؤدا إيتيݣ شا ن نزلث ؤولا شا ن دّنب.
5 داي نّان ئرݣزن-اد: «ؤر ندّي أد ناف خف دانيال أݣد ئدّج ن دّنب نّا س ندّا أد ت نتهم، غاس مش نوفا شا ن تخدلّاست ݣ شّرع ن ربّي نّس».
6 فيمرا جمعن لوزرا د ئد لعامل غْرْ أَݣْلِّيدْ داريوس ها نّان: «أتعشث أبدا يا سيدي.
7 كول لوزرا ن تݣلديت د إخثارن لعسكر د ئد لعامل د ئمشاورن د ئنباضن ئختارن سيولن ݣراتسن أد سوفغن إيدج ن لقانون لمعقول أل ديكس تنين: كول وين تترن شا ن ثوثرا ئ شا ن ربّي ؤولا شا ن أبنادم بلا كيين أيا ݣليد ݣ ثلاثين واسّ، أد ئتّوݣر ݣ تسرافث إيزماون.
8 وسا ضبعيت أيا ݣليد أكا ؤر إيتوقاع ديكس أݣد إيدج ؤوغير، أكا د يغول أم شّرع نّخ نكني لقوم ن مادي د فارس نّا ؤر دا ئتوبدالن».
9 دا يضبع ؤݣليد داريوس لقانون.
دانيال إيخالف لامر ؤݣليد.
10 ألّيݣ ييوض إي دانيال لخبار ؤضباع ن لقانون-اد إيدّا غر تدارت نس ها يالي غر سطح ن لبيت أغرمي ألاّن سراجم قبلنين غر تمدينت لقدس، شارت لمرّات ݣ واسّ ليتغيما خف ئفادن نس حما أد ئيزّال، ها يحمد ربّي نس أم ؤينّا ئتݣا كوياس.
11 داي أسند إعداون نس س-زرب، أفن دانيال ليژلا إي ربّي نس ألاس إتتر.
12 دين نّيت دان غر ؤوݣليد، ها نان: «إيس ؤر إيضبيع ؤوݣليد لقانون إيسمناعن كول خف بنادم أد يسي ؤوراون غر شان ربّي ؤلا غر شا أبنادم بلا كيين ݣ تلاتين ؤواس، ها ون إيخالفن أيا أد ئتّوݣر ݣ تسرافت ن إيزماون؟» ها إيجاوب ؤݣليد: «لقانون اد إيصحا أم شّرع ن مادي د فارس نّا ؤر دا إيتوبدالن.»
13 أنان إوݣليد: «دنيال إيدج إيݣان ݣ وينّا تونفنين زݣ تمزيرت ن يهوذا ؤُرْ دَا تِيتَّاوِي دِيكْ أَسِيدِي، ئدّخْ ؤُرْ دَا ئِتْوْقَّارْ أَيْنَّا سْ تُومّرْتْ، ها لايسول لايژلا إي ربّي نس شارت لمرات ݣ واسّ.»
لحكام خف دانيال
14 ألّيݣ إيسل ؤوݣليد إيووال طيراس شيݣان ها إينوو أد إفوكا دنيال سݣ تخندلستا، قبل أتغلي تفوشت.
15 داي جمعن إيعداون ن دنيال ݣ ؤسقامو ؤݣليد لمرت تسنات ها نناس: «إسين أيا ݣليد إيسد شّريعا ن مادي د فارس ئتنين كول لوصيت د لقانون إضبع ؤوݣليد ؤردا إيتوبدال».
16 داي أمر ؤوݣليد أداوين دانيال ها ݣرنت ݣ تسرافت إيزماون. دا إينا ؤوݣليد ئ دانيال: «دا تترخ ئ ربّي نا تعبادت دّيما أك إسمنع».
17 ها يويند إيدج ؤزرو ها قنين إيس أقمو ن تسرافت ها يضبعيت ؤوݣليد س طّابع نس د طّابع إيختارن د إينباضن ن دّولا نس، أكا ؤر إيتفوكا أݣد إيدج دانيال.
18 ئعايد ؤوݣليد غر لقصر نس ها ئنس إيضنا لا يزوم، ئقيم وحدو نس ؤرت ئسلهو أود يون ها يفرو زيكس ؤنودم.
دانيال إيمنعن سݣ إيزماون
19 غر لفجر زيك إيكّر ؤوݣليد ها يدّو س زرب غر تسرافت ن إيزماون.
20 ألّيݣ إيقرب إيلاغى س واوال لغيار ها ينى: «أ دنيال، إتعبادن ربّي إيدرن، ئد ستيتّ ربّي نكّ تعبادت ديما إيقدا أك إيسمنع سݣ إيزماون؟»
21 ها ئ ير غيفس دانيال: «أتعشث أبدا يا سيدي.
22 رَبِّي يوزند لْمَالَاكْ نّس نّا ئِقّنْ ئِقْمَا ئِ يِيزْمَاون أَهَا ؤُرْ يِي ݣِينْ وَالُو، لحقاش نكّ ݣيخ أرياز أزدّاݣ دتاس، ها ؤ رݣيخ شا إيخان دتاك أيا ݣليد».
23 دين نّيت إيفرح ؤوݣلّيد بزّاف ها يتّر أد سّيلين دانيال زݣ تسرافت. أليݣ ئتسيلن ؤوفينت ؤراس تجري أود يوت لحاشت لحقّاش يومن س ربّي نّس.
أعاقب إيعداون ن دانيال
24 دا إيوش ؤوݣلّيد لامر نس أداوين إعداون ن دنيال إيت إيسوسّاخن ݣرنتن ݣ تسرافت إيزماون، أيد أراو نسن تعيالين نسن. سولن ؤر إيوضن ألّاغ ن تسرافت ألّيݣ إيت نومزن إيزماون غززن إيغصان نسن.
25 دا يزن ؤوݣليد داريوس تيبْرَاتِينْ يي ميدّنْ نْ مَا ݣَّانْ شّعْبْ، مَا ݣَّانْ لْݣنْسْ دْ مَا ݣَّانْ ئِلْسْ نَّا لَّانِينْ ݣْ دُّونِيتْ ها إنّياسين: «سّْلَامْ نْ رَبِّي غِيفُونْ.
26 هَانْ أَيْنَّا سْ تَّامْرْخْ ئِمْزْدَاغْ نْ ݣْلِّيتْ ئِنُو: أَدْ وْقّْرْنْ رَبِّي نْ دَانْيَالْ، لحقاش أنتا أݣين ربّي إيدرن أبدا، أنتا أݣين أمزݣارو د ؤنݣارو ݣ تݣليت تنباط نس ؤرغِيرْسْ لْحدّْ.
27 أنتا أݣ أسمناعن أل إيتفوكا أل إيتݣ تميتار د لعجايب ݣ ئݣنا د واشال، أنتا أݣ سروحن دانيال سݣ تغماس ن إيزماون».
28 داي نجح دانيال ݣ لوقت ن ؤݣليد ن داريوس د ݣ لوقت كورش أݣليد ن تمازيرت ن فارس.