5
أزردا ن بيلشاصر
1 إيݣا ؤݣليد بيلشاصر إشت ن زردا ثكسوات ئ ألف زݣ ئختر ن تݣلت نّس، ها إيسو شراب أݣيتسن.
2 ݣ لوقت أݣمي إيسول لاي تسا شراب يومّر أد سحضرن لكيسان ن دّهب د نقرث نّا د إيوي إيباس نبوخذنصر زݣ ثدارث ن ربّي ݣ تمدينت لقدس، أكا ديكسن إيسو أنتا د ئخترن ݣليت نس د تعيالين نس د توتمين نس ئمي ؤرئݣي لشاريض.
3 ها سّحضرناس لكيسان ن دّهب نّا د إيوين زݣ ثدارث ن ربّي ݣ تمدينت لقدس، ها إيسو ديكسن ؤݣليد د ئخترن نس د تعيالين نس د توتمين ئمي ؤرئݣي لشاريض.
4 ألّيݣ سوان شراب بدان أل تعبادن ئد ربي ن دّهب د نقرث د نحاس د ووزال د ؤوكشوض د إسليون.
5 تسّاعت نّا ضهرن إيضوضان ن إيدج ؤوفوس ن بنادم أل ئ يتاري طْرْفْ لْفْتَّشَا خف لحيض أملال ن لقصر ؤوݣليد، دا ينّاي أفوس إيتارين.
6 داي إيبديل ؤودم ؤݣليد ها ئيݣد ريين لمفاصل نس أر أسترججين إيفادن،
7 دا يامَّرْ سْ إِدجْ ؤُغُويِّي أَكْسْوَتْ أداسد أسحضرن إشوافن د لمجوس د وِنَّا إِتْكَشَفْنْ سْ إِتْرَنْ، دا إينا ئ اَيْتْ لْحْكْمَا ن بابل: «أكما إيݣا ؤرݣاز اراي قران ثيرّايا ها إيوشيي لمعنى نس، أداس سّينسخ لكسوث ن ئݣلدان ها أݣلخاس أسدي ن دّهب ݣ ثمݣرت نس ها يغول أرݣاز ويشارت ݣ ثنباط ن ݣليت».
8 داي أدوند كول اَيْتْ لْحْكْمَا ن ؤݣليد وليني ؤر قدان أد قران ثيرا ؤلا أد سنعثن أسفسر نّس.
9 داي ئݣد شيݣان ؤݣليد بيلشاصرها إيبدل ؤدم نس ئد إخترن نّس حارن ؤر سينن ماي تݣّان.
10 خف واوال ؤݣليد د إيخترن نس، ثدّاد مايس ؤݣليد أل أنسا أݣمي ݣين أزردا ها ثناس: «أتعشث أبدا يا سيدي. أد ؤرتݣد ؤلا تسخسرث ؤدم نيك،
11 ئيلاّ ݣ ثݣليت نيك يون ؤرݣاز أݣمي ئيلاّ روح ن ئد ربّي إمقدّسن، ها إيتواسن ݣ لعهد ن إيباك س ؤشاور د نزازيت أم نزازيت ن ئد ربّي، إِݣِيث إيباك أݣليد نبوخذنصر رايس خف ئسحّارن د ئشوافن د لمجوس د وينّا ئتكشافن س ئتران.
12 إِدّخْ أَرْݣَازْ ادْ دنيال، إيلا لاي تواسن س روح إصفان د ثوسنا دا ئتفوكا تقسيسين، أر ئسفسارتويرجا أها أر ئتروي تموكرسين. ئوا أغرات إدنيال نّا ئتوسمان بلطشاصّرأكا أداون إيسنعث أسفسر ن ثيرا ياد».
13 دين نيث سكشمن دانيال دات ن ؤݣليد، ها إينياس ؤݣليد: «ئد كيين أَݣَانْ دانيال إنفا إيبا أݣليد زݣ تمازيرت ن يهوذا؟
14 سليخ ديك روح ن ئد ربّي ها تيلي ديك نژژيت د لعقل إيشوان.
15 إيفاث حضرن داتي أيت لحكما د إشوافن أكاد إيقران ثيرايا ها سنعثنيي أسفسير نس وليني ؤرقدان.
16 هاد نكين سليخ غيفك زعما كيين ثقداث أت تسفروت ها ثرييث ثموكرسين. مش ثقداث واسا أت تقرات ثيرايا ها ثسنعتيي أسفسر نس، أك سّينسخ لكسوت ن ئݣلدان ها علقخاك أسدي ن دّهب ها تفوكيد أرݣاز ويشارت ݣ ثنباط ن ݣليت».
17 داي جاوب دانيال أݣليد: «أداك قيمن توكّيوين نيك، أتن تتوشت ئ وين ضنين، ها يي ديخ اداك قراخ ثيرا ياد ها سنعثخاك أسفسر نّسنت.
18 أسِيدِي، رَبِّي ئعولان ئِݣَا إِيبَّاك نبوخذنصر دْ أَݣلِّيدْ، إِوْشَاسْ تِيخِتْرْتْ، إِݣَاسْ لْعزّْ أَهَا وْقّرْنْتْ مِدّنْ.
19 دايْ خْفْ لْعزّْ دْ تْخِيتْرْتْ أس إيوشا ربّي، ييلي كول شّعب د كول لݣنوس د كول إيلساون لزيكس تݣدين أل ترججين دثاس، إيلا لا إينق ون إيرا أليتجا وين إيرا، ليتهزا وين ئرا أها أر ئيسروسا وين إيرا.
20 مشان لّيݣ يغول ديكس لكيبر، إيتواكس سݣ لعرش ن ݣليت نس ها إيتوكساس لعزّ نس،
21 دا إيتوازع زݣ ورماس ميدن، ها يغول إيݣا أم لبهايم أليدجان أيد إغيال ن لخلا، أل إيتت توݣا أم ازݣارن، ها تبزي دّات نس س نّدا ن ئݣنا، أليݣ إيسن إيسد ربّي ئعولان أݣين أنبّاض خف مݣّان تݣليت ن ميدن، ها نتّا أݣ إيتران غيفس وين إيرا.
22 كيين أ بيلشاصر مميس نبوخدنصر، ؤر إيرطيب ؤول نيك، وخا ثسنيث كول أيا.
23 أليك تسمغورث إخف نّك خف ربّي ئعولان، ثسحضرد دثاك لكيسان ن ثدارث ن ربّي، أكا ديݣسن ثسوث شراب، كيين د إخترن ن ݣليت نيك د تعيالين نيك د توتمين ئمي ؤر تݣيت لشاريض ݣ لقصر نيك، ها ثعبديث ئد ربّي ن نقرث د دّهب د نحاس د ووزال د ؤݣشوض د ئسلّيون وخا ؤردا ترعان ها ؤردا تسلان ؤلا ؤر سينين. وليني ربّي أغرمي إيلا روح نيك ها إيلن غرس كول إيبردان نيك، كول ؤراس ثكيث لعزّ.
24 خف ؤياد يوزن ربّي أفوساد ها ياري ثيراياد.
25 نتاث أكين: منا منا تقيل د فرسين.
26 أفسّر ن منا: أحسب. إحاسب ربّي ؤسان ن ݣليت نيك ها إِݣَاسْ لْحدْ.
27 أفسّر ن تقيل: لعبار. توعبرت س لميزان ها توافت تناقصت.
28 فارس لمعنى نس: بضو. ثݣليت نيك ثبضا خف سين ها تموش إي الݣنس ن مادي د فارس».
29 ݣ ثاسعثن يومر بيلشاصر ئ دانيال أد ئيلس إيعبان ن ئݣلدان ها أݣلناس أسدي ن دّهب ها برحن إيس يغول إيݣا أنباض و شارت ݣ ثݣليت،
30 ݣ إيضنا إيتونغ بيلشاصر أݣليد ن بابل،
31 ها يغول داريوس نّا ئݣان زݣ مادي أݣليد فير بيلشاصر د لعمر نس تناين ؤستين ؤسكاس.