4
تاوارجيت تيس سنات ن نبوخدنصر
1 زݣ ؤݣلّيد نبوخذنصر. ؤزنخ تابرات-اد يي ميدّن كول ن ماݣّان شّعب د ماݣان لݣنس د ماݣّان ئلس نّا لانين ݣ وشال كول: ﻻ تترخ ئ ربّي أد-اون ئوش لهنا أخاتار.
2 ؤفيخ ئس ئژيل أداون سيولخ خف لعجايب د تميثار إيݣا ربّي ئعولان.
3 تميتار نّس خاترن د لْعْجَايْبْ نسْ جهْدَنْتْ، تنباط نس اتقيم أبدا د تݣلّييت نّس ؤر تّيلي لحدّ.
4 نكين نبوخذنصر لّيخ هنّاخ ݣ تمازيرت ئنو، ها برعخ ݣ لقصر ئنو.
5 أنايخ إشت نوارجيت إيسوݣذن ها تسيفرو زيݣي أنودّم.
6 داي نّيخاسن أد سحضرن غيري كول أيت لحكما ن بابل أكا أد يي سفرون لمعنا ن ثوارجيتا.
7 دا يدوند ئسحّارن د ئشوافن د لمجوس د وينّا ئتكشافن س ئتران ها عاود خاسن ثوارجيتا، ماشان ؤر قدان أد إيتسوفغن.
8 غر ثنݣيرا إيكشمد غيري دانيال نّا ئݣان إسم نس بلطشاصر أم ئسم ن يون زݣ ئد ربّي نو، ييلي ديكس روح ن ئد ربّي إمقدّسن داي قيمخ لستعوادخ ثوارجيت ئنو:
9 «أبلطشاصر أياخثار ن ئسحّارن، هانك سنخ إيس ديك إيلا رّوح ن ئد ربّي إمقدّسن ؤرإلّي شا ن سّر نّا غيفش إيوعرن. هان تاوارجيت ئنو، ئوا ئنيي عافاك لمعنا نّس.
10 ليݣ جنيخ ݣ تيسّي نو، أنايخ ݣ ورمّاس ن واشال يان ؤسكلو إغزيفن شيݣان.
11 داي مغور ؤوسكلو ها إيصحو ألّيݣ ثيود ثغزي نس غر ئݣنا، ها ال ت توعلون ميدن كول زݣ لحد ن دونيت.
12 ها إيلين وفريون نس غودان ثلي ديكس لغلت إعدان ييلي ديكس ؤتشي ن دونيث كول، أل تغيمان ݣ ؤمالو نس كول لوحوش ن لخلا ها أرغورس تتدّون ئجضاض ن-ئݣنّا زدغن ئنݣر ن-ئشبضان نّس، أل زيكس تتين كول مايد إيخلق ربّي ݣ دونيث.
13 ها أنايخ ݣ ثورجيت ئنو د نيك لجنيخ ئدج لملاك إقدسن إيرساد سݣ ئݣنا،
14 داي يسغوي س جّهد: "بياث أسكلو يا ثرزم ئِشْبْضَانْ نس ثسفروريم أفريون نس ها ثزلعم لغلت نس، أكاد رولن لوحوش دّواس ها د طيور زݣ ئشبضان نّس.
15 وليني أد جاث أبوض ن ؤسكلو ݣ واشال، ها ثقنمث س ؤشاريف ن ؤزال د نحاس أمّاس توݣا إييݣر، أك اد إيبزي س نّدا ئݣنا، ئتش توݣا د لوحوش.
16 أها إيحوّل لعقل نس سݣ لعقل ن بنادم غر لعقل لبهينث أل غيفس كّين سبعا ن زمناث".
17 لحكام إيتوازند سك لملايكا، أكا د إسينن وين أدرنين ونّا إيعولان أݣ ؤمزين ثݣليت ميدّن، ألت يكّا إيوين إيرا ها إييرار غيفس ميدن ونّا ؤر واثانين.
18 أيا أݣين ثوارجيت، نّا أنّايخ نكّ نبوخذنصر أݣليد، ها ييلي غيفك كيين أبلطشاصر أتسوفغث، لحقاش كول أيت لحكما ن تݣليت ئنو ؤر سّينن أديت سفسرن. ئد كيين ثسنثاس لحقاش ديݣ روح ن ئد ربّي نّك ئمقدسن».
أسفسر ن وارجيت د لوصيث.
19 داي إيبهض دنيال إمي تنين بلطشاسر ها إيروّن لعقل نس، إشت لوقت ها إينّياس ؤݣليد: «أدور كتسݣّاد ثوارجيت وﻻّ أسفسر نس أبلطشاسر». دا إيرار غيفس دنيال: «أمولاي أتعايد ثوارجيتا د ؤسفسر نّس خف وينا ؤورك حميلنين.
20 أسكلو ثنايث إيمقورن ها يصحو ياوض إيخف نس ئݣنا ألث تنّاين كول ميدن ن دّونيت،
21 ها إيلين وفريون نس غودان ثلي ديكس لغلت إعدان ييلي ديكس ؤتشي ن دونيث كول، أل تغيمان ݣ ؤمالو نس كول لوحوش ن لخلا ها أرغورس تتدّون ئجضاض ن-ئݣنّا زدغن ئنݣر ن-ئشبضان نّس، أل زيكس تتين كول مايد إيخلق ربّي ݣ دونيث،
22 شݣين أياݣلّيد ترويست اسكلوياد، إزايد جهد نيك ها تزايد لعضما نيك، ألّيݣ ثيوض ئݣنا ها ييوض لحكام نيك كول لحد ن دونيث.
23 ها يݣا ونّا ثنايث أحضاي أمقدس ئرسان زݣ ئݣنا ها إينّا: "بياث أسكلوأها ثخلومث، و ليني أدجثاس أبوض نس ݣ واشال، ها تشرفمث س ؤشاريف ن ؤوزّال د نحاس أماس ن توݣا إييݣر، أديبزي س نّدا ن ئݣنا، أكا أد ييتش توݣا إييݣر د لوحوش ن لخلا أل غيفس كّين سبعا ن زمناث".
24 أيا أيد إيݣان أسفسر نس، أيا أيد إقسم ربّي ئعولان أرا إيجرون خف سيدي أݣليد.
25 دان ميدن أكزعن ها تسكنث د لوحوش لخلا، ها ثتشث توݣا أݣيتسن، ثبزييت س ندا ن ؤوجنا، أل ثفاث غيفك سبعا ن زمناث، أل ثسينث إيسد ون إيلان ݣ ؤوجنا أݣ ؤمزن ثݣليت ن ميدن أل تياكّا إيون إيرا.
26 ئدّخ ؤدجان أبوض ن ؤسكلو زعما ها ن ثݣليت نّش أشثقيم أل تقرّات ئد ثنباط ثلا غر ربّي ن ئݣنا.
27 خف ؤوياد أيا ݣليد، مش ثريث أتݣث أراي ئنو أتبعدث ئ لمعصياث نيك ثتّابعث أبريد لحقّ ها ثبدلث لقسوحيث نيك ترحمث لمساكين، بارأد إيغزيف لهنا نّش».
أعاقب ؤوݣليد خف ّتكبر
28 إيجروياس إي وݣليد نبوخذنصر كول ماس إينا دنيال.
29 ألّيݣ ثكمّل ثناعش ؤوايور فّيرن وارجيت، إلاّ نبوخذنصر لا يتدو خف ّسطح لقصر ݣ بابل،
30 إيسّيول ؤݣليد نبو خدناصر ها إينا: «إيسورد ثاد أݣين تمدينت ن بابل ثخثارت نّا بنيخ أكا تݣ أزدّوغ ن ؤݣليد؟ هاتين ئ لجهد ئنو اختار د ئ لعز ئنو د ئتخيترت ئنو د ئد لوقر ئنو أمي ݣيخ أياد».
31 ئسول أر ئسّوال إيجاوبيث إيدج ن صوت ݣ ئݣنا ها إيناس: «أنبوخذنصر أݣليد ثداياش ثݣليت.
32 تدّيت أت توازعد زݣ ئنݣر ن ميدّن، ها تزدغت د لوحوش لخلا ها تتشت توݣا أم ئزيارن أل غيفك كّين سبعا ن زمنات. أل تقرّات بلي ون إيعولّان نتّا أݣين بو تݣليت ن ميدن ألت يكا إيوين إيرا».
33 ݣ تساعتن إيحكم بو تنباط خف نبوخذنصر، إيتوازّع سك ميدن، ئتش توݣا أم ئزيارن، إيبزي إيخف نس س نّدا ؤوجنا، ئمغور وزّار نس أم وين لباز، ها أمغورن وشّارن نس أم إيجضاض.
توبت ؤوݣليد هاد لصحايت نّس
34 أليك زرين سبعا ن زمنات، نكين نبوخذنصر، هزّاخ ألّن ئنو غر ئݣنا، يغولد غري لعقل ئنو، ها حمدخ ون ئلان ݣ ئݣنا ها سبحخت ها عبدخت لحقاش نتّا أݣ درن أبدا يبديدان ها ييݣ بو لحكام ديما، ها تلي تنباط نس كول خف لاجيال.
35 إيمزداغ ن واشال ݣان غيرس كيف والو، د نتّا أݣ إيتݣين ما ݣرا، ݣ لملايكا إݣنّا د إمزداغ ن واشال ها ؤر إيلي ماݣ غيّن أت ئضضّا نغد أداس ييني: «ماي تݣت؟».
36 ݣ لوقتن إيعايد غيري لعقل ئنو، ها إيعايد غيري لعزّ ن ݣليت ئنو د لمجد ئنو، ها رحبن ئسي إيمشاورن د إختارن ن تمازيرت، داي تعايديي تناباط ئنو لمرت ياضن ها إيمغور شان ئنو شيݣان.
37 واسا، نكين نبوخذنصر، ال تسباحخ أل تمّجادخ أر تحمادخ أݣليد ن ئݣنوان إتݣين إيسكين لحقّ ها سݣدين إيبردان نس ها إيقدا أد إيغلب كول وين زرينين س لكيبر.