3
لصنام ن دهب د ؤفرّان لعافيت
1 إعديل ؤݣليد نبوخدنصر لصنام زݣ دّهب ثغزي نس ثلاثين ميترو، ثيروث نس أتّاين شارت ن لمتروهاي إيسرسيث ݣ وانسا إيمي تنين دورا ݣ لعامالا ن بابل.
2 فّيراسْ ئِغْرْدْ ؤُݣلِّد ئ ئمازان أد غرين ئ ئد لعامل د إخثارن لعسكر د ئنبّاضن د ئمشاورن نس د ئد لامين ن لخزين د ئد لقاضي د لمعلمين ن شرع د كول ئخاتارن ن لعامالات أد ددّون أد حضيرن ئ لفيشطا ن ؤدشن لاصنام نّا ئعديل ؤݣلّيد.
3 داي ألّيݣ مونن كول نسن بدين داث ن لصنام.
4 هاي إيبرح ؤبرّاح ئنّا: «وا ميدن ن مايد ئݣان شّعب د مايد ئݣان لݣنس د مايد ئݣان ئلس، سغداث دغي يي وينّا س يومر ؤݣليد،
5 أداي تسلم إيغويان ن لبوق ت غانين د ألّون د لݣنبرد لعود د لغيطا د كول ما يد إيݣان دّوزان-ئزلان أتبندقم تعبدم ربي ئعديل ؤݣليد نبوخذنصر سك دّهب.
6 كول ونّا ؤر إيرين أد إبندق أها ئسجد داتاس، أد إيتوݣر فيمرّا أمّاس لكوشت لعافيت ئحرّين».
7 خف ؤويا ألّيݣ سلين ميدن حضرنين سك ما يدݣان شّعب د لݣنوس د إلساون ئ لبوق ت غانين د ألّون د لݣنبرد لعود د لغيطا د كول ما يد إيݣان دّوزان-ئزلان بندقن أها سجدن دات ن ربي إيسبد ؤݣليد نبوخذنصر.
8 خف ؤياد، ربعض ن ميدن سك لمجوس دّان فيمرّا غر ؤݣليد شتكان س-ؤوداين.
9 ها أنان ئ ؤݣليد نبوخذنصر: «أتعشث أبدا يا سيدي.
10 شݣ أيا ݣليد، تومّرت ئ كول ونّا إيسلن إيغويان ن لبوق ت غانين د ألّون د لݣنبرد لعود د لغيطا د كول ما يد إيݣان دّوزان-ئزلان، أد ئبندق أها إيسجد دات ن ربي ن دّهب.
11 كول ونّا ؤرئݣين س-ووال نّك أد إيتوݣر ݣ وماس لكوشت لعافيت ئحرّين.
12 إيميل أﻻن شان إيرݣزن سك تمازيرت ن يهودَا نامي توشيث ثنباط خف لعامالا ن بابل زّيكسن شدرخ د ميشخ د عبدنغو، ؤرݣين س-ووال نّك ؤراك ݣين شان أسيدي، ها ؤرين أد بندقن يي ئد ربّي نّك ؤلا أد سجدين دات ن ربي ن دّهب نّا ثسبديث».
13 داي ئقلّق وݣليد شيݣان، يامر أداس داوين شدرخ د ميشخ د عبدنغو. نْتّا أَوِينْتْنْدْ مْنِيد-اس.
14 إينياسن نبوخذنصر: «ئد ستيتّ ؤرثريم أتبندقم ئد ربّي نو ؤلا تسجدم ئ ربي ن دّهب نّا سبدخ؟
15 دغي ثدام أتسلّم إيلهيز ن لبوق ت غانين د ألّون د لݣنبرد لعود د لغيطا د كول ما يد إيݣان دّوزان-ئزلان، مش تبندقم أها تسجدم دات ربي نو أنّا سبديخ، أد عفوخ غيفون. وليني مش ؤر ثريم أتسجدم ݣ ثساعثن أد كون ݣرخ أماس لكوشت لعافيت إحرين. ها نعلو متا ربّي نّا إيقدان أݣون إيفوكا سݣ أفوس ئنو؟».
16 ها ئواجبث شدرخ د ميشخ د عبدنغو نّاناس: «أسيدي، ؤرندي أداك نسيول خف ؤيا.
17 ربّي نخ نّا نتعباد إيغي أداخ إينجا زݣ لكوشت لعافيت إحرّين، ها إفوكّياخ زݣ أفوس نّك أسيدي.
18 واخا مش ؤر اخ إيفوكا، إيخصاك أتسينث أيا ݣليد نكني شاور نتعباد ئد ربّي نش، ها ؤر ننّي أنسجد ئ لصنام ن دّهب نّا ثسبديث».
19 داي إيقلق نبوخذنصر خف شدرخ د ميشخ د عبدنغو، إيدغمم وودم نس ها إيوش لأمر أد إيتوشعل وافا سبعا لمرات ؤݣار ن كو ياس.
20 ها يامر ئتس إيرݣزن جهدنين سݣ لعسكر نس أد شرفن شدرخ د ميشخ د عبدنغو ها ݣرنثن أماس لكوشت لعافيت إحرين.
21 كرن إيرݣزن شرفنتن أها ݣرنتن أماس لعافيت س ئعبان نسن، ئسراولن نسن، د إزنارن نسن، د رژوژ نسن.
22 أوال ؤݣليد إيݣا أقورار د لعافيت ثݣوث شيݣان، ألّيݣ إينغا صهد نس ئيرݣزن نّا ؤوسنين شدرخ د ميشخ د عبدنغو، حما أت نݣرن ݣ لعافيت.
23 داي ئتّوݣرن إيرݣزن س شارت شرفنين، ݣ أماس لكوشت لعافيت إحرّين.
24 دين نيث إيحار نبوخذنصر، دا إيبد س زرب ها إيسيول إيمشوارن نس: «إيس ؤر نݣري شارت إيرݣازن شرفنين أرماس لكوشت لعافيت؟» واجبنت: «ييه أسيدي».
25 دا إينى: «نكين أعلاخ ربعا د إرݣازن ؤر شريفن دا تدون أماس لعافيت، ؤرثن يوغ شا، ها تݣا لحالث ويسّ ربعا أم مميس ن ئد ربّي».
26 ݣ لوقثن إيقرب نبوخذنصر ئ لباب ن لكوشث لعافيت دا إينا: «ياشدرخ د ميشخ د عبدنغو أيي إيخدامن ن ربّي ئعولّان فغاد ثدومد غري». داي فغند زݣ وماس لعافيت.
27 دا إيمجماعن ئد لعامل د إخثارن لعسكر د ئنبّاضن د ئمشاورن ن-ؤݣلّيد، دا يعلون جهد لعا فيث ؤر ثسغوس أݣد إيدج ݣ إيرݣازنا، دا ؤر ثسغوس أݣد إيدج إنزض ݣ إيخفاون نسن، ها ؤر ثبديل لحالث ن إيعبان نسن، ؤﻻ ثوث زّيكسن ريحث لعافيت.
28 دا إيسيول نبوخذنصر ها إينا: «أمبارك أݣا ربّي ن شد رخ د ميشخ د عبدنغو، نّا يوزن لملاك نس حما أد إفوكّا إسمغان نس عولنين غيفس نّا ؤر ݣين س-واوال ؤݣلّيد، ها وشين إيخفاون نسن ئ لعافيت أكا ؤور تبنداقن ؤلا أد سجدن ئ ئد ربي ؤر-يݣين وينسن.
29 خف ؤياد لا تّامرخ: مش شا ن بنادم زݣ ماݣان شعب نغد زݣ ماݣّان لݣنس نغد زݣ ماݣّان ئلس ئسّيول س ݣار أول خف ربّي ن شدرخ د ميشخ د عبدنغو، أت تبّيخ ݣخت د لقراضي، كخ تادّارت نّس د أمازير، لحقاش ؤر إيلي شا ن ربّي ضنين نّا إيقدان أد إفوكّا أم نتا».
30 ضارت ن-ؤياد ئسخاتر ؤݣلّيد شّان ن شدرخ د ميشخ د عبدنغو ݣ لعامالان بابل.