56
ثامديازث ثيسّ 56
ئي ؤخاثار ن ـ ئمديازن، س ـ لّغا نّامي دا تّينين "ثاثبيرث ئرسن خف ثاسافث ئبعدن". ثايفّارث ن ـ داوود لّيݣ ثومژن أيث فيليسطين ݣ ـ جاتّ.
1 يا ربّي رحمي،
ئدّخ هان بنادم دا يي يتركّاش،
أليض ديدي يتّناغ ئݣايي ݣ ـ ثمارا.
2 ئيّيه،
أليض ئي تركّاشن ئنضليبن ئنو،
ئدّخ مشثا أس لّان وينّا دا تّناغنين أݣيدي س ـ ثيخيثيرث نسن.
3 أسّ ݣ ـ ݣّدخ،
شݣ أخف دا تعوّالخ.
4 ربّي دا ثتحمادخ خف واوال نس،
ربّي أخف عوّلخ،
ؤر ݣويدخ شا.
مايد ئرا بنادم أد ئي يݣ؟
5 مايد ئلا واسّ سّفراغن أوال ئنو،
د ـ ئخمّيمن نسن غاس غيفي ميمش تݣين أد ئي خلون.
6 كّو تموتّورن ئنݣراتسن،
ئي تخوتّولن،
أر غيفي ترقّاصن،
ران أد ئي نغين.
7 أد ؤر ثن تسراح خف ؤينّا ݣان،
س ـ ؤطيّر نّش ؤث ميدّن أد أربّي.
8 هان شݣ ثحسيد مشثا ن ـ ثيلمرّات أيد أر روݣّلخ،
سمون ئمطّاون ئنو ݣ ـ ؤيدّيد نّش،
ئيس ؤر تّوزمّيمن ݣ ـ لشثاب نّش؟
9 أدّاي أش غرخ
دا تّاغولن ئنضليبن ئنو غر ضارث،
أياد سّنخث ئدّخ ربّي ئلّا ݣ ـ ثمناط نو.
10 ربّي دا ثتحمادخ خف واوال نس.
ئيّيه، مولانا دا ثتحمادخ خف واوال نس.
11 ربّي أخف عوّلخ ؤر ݣّويدخ شا،
مايد ئرا بنادم أد ئي يݣ؟
12 دّيخ أد ݣخ أينّاش قّاولخ أربّي،
أها ݣخاش ثيمغراص أش حمدخ.
13 ئدّخ ثسراحد رّوح ئنو زݣ لموث،
أها ثحضوض ئضارّ ئنو زݣ ووشوض،
حما أد تدّوخ داثاش أربّي ݣ ـ ؤسيدّ نش نّا دا ياكّان ثودرث.