23
ثامديازث ثيسّ 23
ثايفّارث ن ـ داوود. مولانا أمكسا نو نّا يي يكسان.
1 مولانا أمكاسا نو نّا يي يكسان،
ؤر دا يي يتّاغ ؤناروز ن ـ أود ئميقّ.
2 ݣ ـ ئلموثن فوحلانين أݣ دا يي يتݣّا أسݣن أد سّݣونفاخ،
د ـ غر ثاما ن ـ وامان نّيرسنين أغر دا يي يحرّي.
3 دا ييد ئتّرارا ݣ ـ ئخف ئنو،
أر ئي يسيكّا ݣ ـ ئبردان نّا منانين حما أد ئتّوسّمغر ييسم نّس.
4 أود مغار كّيخ زݣ وامّاس ن ـ واقّا ن ـ ثيلي ن ـ لموث،
ؤر دا تݣّدخ أد ئي ياغ شا ئدّخ شݣين ثلّيد أݣيدي،
ثاغريث نّش د ـ ؤعكّاز نّش دا يي سهنّان.
5 دا تحبّالد ئي لميدا داثي منيد وينّا ؤر ئي يحميلن،
ثامسد زّيث ئي ؤقشاش ئنو أد ئي ثرحبد،
أغرّاف ئنو ثعمّرديث أر أقمو.
6 سّنخ سثيتّ،
لخير نس د ـ ثايري نس نّا ؤر دا يتقضون أد ئي ثفارن
ؤسّان ن ـ ثودرث ئنو س ـ ماس لّان،
أها زدغخ ݣ ـ ثدّارث ن ـ مولانا أينّا مي دّرخ كولّ.