23
1 ويتخ ئواليون ئمݣورا ن دَاوُد: أوال ن دَاوُد ممّيس ن يسّى، أوال ن-ؤرياز ئتّوسعلاّن، ونا يخثار ربّي ن يعقّوب، أمدياز ن-إسرائيل ياثفوثن:
2 رّوح ن ربّي ئسيول ديݣي، ئواليون نّس خف ئيلس ئنو.
3 ئسيول ربّي ن-إسرائيل، ونّا ئخلقن إسرائيل ئنايي: «مارا ئحشمن خف لقوم س لحق، د مرا ئحشمن س ثيݣت ن ربّي.
4 أد ئسيد غيفسن أم ثفويث أداي ثنقّر، أم ثفويث ن صباح تار ئسيݣنو، ئيݣثن أم توݣا ن واشال فير ن-ؤنژار».
5 ئس ؤر-يد ئمشي أي ثݣا تادّارث ئنو غر ربّي؟ ئتخ لعاهد ئدومن أيد-يݣا ديدي، ئعدل يي كولشي ئحفضت، ئتخ كول أفوكّو نو د لفراحيث ئس ؤر تيسمغور؟
6 ئد ثاروا ثار نفع كول أم ئسنّان ئتوݣران، ئتخ ؤر دا ثن ئتاسي ؤفوس.
7 ئد أرياز نّا ثن ئتحدان دا ئتاسي ي-ؤفوس نّس ثازرث ن ووزال، ئݣرثن ݣ لعافيت».
8 ويتخ أݣان ئسماون ن-يمحاربن داود: يوشّيب بشّبثّ أتّحكومونيّ، رّايس ن شراض نا جهدنين نا ݣ-وسين أحريش ئنغ ثمن ميا ݣ ياث ثيكّلت.
9 ضاراس أليعازر ممّيس ن داودو ممّيس ن أخوخي، يون ݣ شراض ئمحاربن ن دَاوُد، أليي عاير ئفلسطنيين نّا جمعنين دينّا ئيمنغان، تيارون ئرݣزن ن-إسرائيل.
10 ئد أليعازر ئكر ئيوث ئفلسطنيين ألّيݣ أس ئوحل ؤفوس، ئنضاس سّيف ݣ-ؤفوس ئيش ربّي نصر أخاتار ݣ واسّ نّا يي شعب ن-إيسرائيل، ئعايد ضاراس شعب غاس أداوين لمال ن ئفلسطنيين.
11 ضاراس شمّا ممّيس ن-أجّي أهراري، جمعن ئفلسطنيين لعسكر نّسن يي لحرب، ݣ يون ئݣر ئتوزرعن س لعدس، ئد شعب ئرول زݣ داث ن-ئفلسطنيين.
12 ئيبد شمّا ممّيس ن أجّي ݣ وامّاس ن-ئݣر ئفوكاثن، ئوث ئفلسطنيين، ئشاسن ربّي نصر أخاتار يي شعب ن-إيسرائيل.
13 ݣزند شراض زݣ ثلاثين ن ريّاس دّوند ݣ لوقث ن-ؤمݣر غر دَاوُد غر ئفري ن عدّولام، ييلي لعسكر ن ئفلسطنيين خيمن ݣ ثالات ن-ئرفائيين.
14 ئد دَاوُد لوقث نّا ئيلاّ ݣ-ئغرم ن لقشلا، ئد ئفلسطنيين لوقت نّا لان ݣ بيت لحم.
15 ئشتها دَاوُد ئنّا: «أواد يوفان أد ئسو أمان ن وانو ن بيت لحم نّا ئلاّن ݣ لباب».
16 بّين ئمحاربن س شراض لموخيّام ن-ئفلسطنيين، أݣمند أمان زݣ وانو ن بيت لحم نّا ئلاّن ݣ لباب، أيمند أمان، أوينثنيد يي دَاوُد، داي ؤر-ئري أت تن ئسو ئنغلثن يي ربّي.
17 ئنّا: «حاشا أربّي نُو أد ݣيخ أيا! ئدامن ن-ئرݣز نّا خاطرن س لارواح نّسن». ؤر ئري أت تن ئسو. أياد أس توشهر أم شراض.
18 ئد أبيشاي ؤماس ن يوآب ممّيس ن صرويا، نتّا رّايس ن شراض ياضنين. نتّا ئهزّا أحريش نّس خف تلت ميا ئوتن ئينغثن، أياد أس-اس سمان ئسم ن شراض.
19 ؤݣار ن شراض تخ ئتّوشاس لعزّ ئݣ لكمندار ن تلث، والاينّي ور هنين يوض.
20 د بنياهو ميس ن يهوياداع، ميس ن ؤرياز ئجهدن، أوݣرنث لفعايل نّس تين آيث قبصيئيل، نتّا أيد ئيوثن سين شداد أم ئزماون ن موآب. د نتّا أيد-يݣزن ئيوث ئيزم ݣ وامّاس ن-ؤحفور ݣ واسّ ن-ؤثفل.
21 نتّا ئوث أرياز أميصري ئسخلاعن، مي ئلاّ ݣ-ؤفوس نّس أحريش، ئݣز غورس بنياهو س-ؤمعراض يامزض أحريش زݣ ؤفوس ن-ؤميصري، ئينغث س-ؤحريش نّس.
22 أياد أݣا بنياهو ميس ن يهوياداع، يلي غورس ئسم ݣ شراض ئمحاربن.
23 ؤݣار ن ثلاتين ئتوشاس لعزّ، والاينّي ؤر ن-يوض غر شراض-اتخ، ئعينث دَاوُد ݣ وينّا تيحطّون.