19
1 نّناس يي يوآب: «هاياش أݣلّيد دا ئترو أر ئسغويّو خف أبشالوم».
2 ئعايد نصر ن واسّ نّا ئݣا لحزن يي لعسكر كول، ئتخ سلان ئس ئيحزن ؤݣلّيد خف ممّيس.
3 ئرول لعسكر ئحشّم، ئكشم غر ثمدينث، ئعايد ئݣا أم لعسكر نا ئرول زݣ ئمنغان.
4 ئد أݣلّيد ئدل يي وودم نّس، آر ئسغويو س لجهد: «أممّي أبشالوم، أممي أبشالوم».
5 ئكشم غورس يوآب غر لبيت ئنّاياس: «تشحشمث أسّا ؤدماون ن لعسكر نّش كول، نّا ك-يفوكّان شݣ د ورّاو نّش د ثاراوين نّش د تعيالين نّش د تعيالين مي ور ثييث لشارض.
6 تشيث ثايري نّش يي وينّا ؤر ش-ئحميل، تشث لشره نّش يي وينّا ش-ئيران، ئتخ تسباينث أسّا ئد والو غورش لكمندراث ولا لعسكر، ئتخ سنخ أسّا مور ئس ئدر أبشالوم أنمّث كول نّخ أسّا ئدا أداش دياس ؤينا ئغودا ݣ والّن نّش.
7 دغي كر فغ تعدلث ؤلاون يي ئسمغان نّش ئتخ ݣولّيخ س ربّي مش ؤر ثفيغث ؤر ئيتغيما غورش أود يون ئيضا، أها ئخّو غيفش لحال ؤݣار ن كول وينّا غيفش ئكّان ن ثيخوت، زݣ ثمزي نّش أر دغي».
8 ئيكر ؤݣلّيد ئقّيم ݣ لباب ن ثمدينث داي خبّرن شعب كول نّاناس: «هاياون أݣلّيد ئقّيما ݣ لباب». ئدّود شعب كول غر داث ؤݣلّيد. ئد إسرائيل رولن كو يون ئدا غر ثخامث نّس.