12
أوال ن نّبي ناتان يي ؤݣلّيد دَاوُد
1 يازن ربّي نَاثَان غر دَاوُد داي ئدّو غورس ئنّياس: «لاّن سين ن-ئرݣزن ݣ يوث ن ثمدينث، يون ئݣا شّابع ئد وايض ئݣا أمزلوض.
2 شّابع نّا لاّنث غورس وُولّي د-ئيزݣار عدّان شيݣان.
3 ئد أمزلوض نّا، ؤر غورس غاس يوث ن ثيخسي ثامژيانث ئسغات ئسݣمت ثخيثر نتّات د ورّاو نّس، زݣ ؤتشي نّس أي داتتشّا د زݣ لكاس نّس أي داتسّا أرثݣان ݣ ئغيل نّس. أها تݣ غورس أم ئيلّيس.
4 ئدّود ؤنبݣي غر شّابع، ئسعز ؤولّي نّس د ئزݣار نّس ؤر ئري أد يامژ زيݣسن أود يوث يي ؤنبݣي نّا ديدّان غورس يامژ تيخسي ن-ؤرياز نّا أمژلوض ئغرساس، ئسنوياست ئ-ونبݣي نّا ديدّان غورس».
5 ئيقلق ثطايراس يي داود خف ؤرياز نّا ئݣان شابع شيݣان، داي ئنّاياس يي ناثان: «س ربّي ناݣ درن أياريازا ئيݣان أيا أر ئسثاهل لموث».
6 أها ئبرماس ثيخسي-ياد س ربعا ن-ئيلان خف نّيرث ن-ؤينّا ئݣا أليݣ ؤر ديس ئحنّا».
7 ئنّاياس ناثان يي دَاوُد «شݣ أݣان أرياز نّا! نّيث ئمشيد أݣ نّا ربّي ن-إسرائيل: "نك خثارخش أتݣث أݣلّيد خف شعب ن-إسرائيل أها فوكّاخش زݣ ؤفوس ن شاول،
8 أها شخاش تدّارث نّس د تعيّالين نّس، رارخش ثݣث أݣليد خف إسرائيل شخاش تدّارث ن يهوذا، مشاش ديدا ؤوينا ئدروس أداش زايدخ.
9 مّاخ ألّيݣ ؤر ثݣيث س ووال ن ربّي أها ثݣث أينا ئخان دثاس؟ ثوّت أُورِيَّا أحيثّي س سّيف ن بني عمون ثنغيت ثاويث ثامطوت نّس أت تݣ ثامطوت نّش.
10 خف ؤويا ثݣيث ؤسار ئيفّيغ سّيف تادّارث نّش أبدا ئتخ ثحقرثي ثاويث ثامطوث ن-أُورِيَّا أحيثّي أت تّݣ ثامطوت نّش".
11 هان مايد ئنّا ربّي: "دّيخ أد سكرخ غيفش ئعداون زݣ تدّارث نّش كسغاش ثيعيالين نّش داث ن والن نّش شخثنث ئ-ونا شيقربن أها ݣن د ثعيالين نّش س واس تحما ثافويث.
12 شݣ ثݣيث أياد س-ثوفرا نك ديخ أدݣخ أياد داث ن-والن إسرائيل س-واس ثحما ثافويث"».
13 ئنّاياس دَاوُد يي ناثان: «خضيخ داث ن ربّي». ئنّاياس ناثان يي دَاوُد: «أود ربّي هاثين ئسامحاش خف لخطا نّش ؤر ئينّي أك ئينغ.
14 والاينّي ئتخ ثسحشمثاخ داث ن-ئيعداون ن ربّي س لخدمثا تخ أود لعيل ئدّان أد غورش ديزايد ئدّا أد ئيمّث».
15 ئيعايد نّبي ناثان غر ثدّارت نّس، ئيوث ربّي لعيل نّا ثورو ثمطوث ن-أُورِيَّا يي دَاوُد ياغث شا.
16 أر ئقّار دَاوُد يي ربّي خف سّيبث ن لعيل ياژوم س واسّ د ييض، ئيكشم ئيݣن ماݣلا ئيض خف وشال.
17 كرن ئيمغار ن تدّارث نّس غورس أتّيد هزّان زݣ وشال أها ؤر ئيري أد ئيتسن ئيتش ؤتشّي.
18 ݣ واسّ ويس سبعا ئمّث لعيل، ݣدن ئسمغان ن دَاوُد أداس علمن خف لموث ن لعيل أها نّان: «هاياش ألّيݣ ئسول لعيل ئدّر نسيولاس ؤر دا ئسّفليد يي ووال نّخ. دغي مش أس ننّا ئمّوث لعيل ئدّا أد ئيݣ شا ؤر ئحلين ݣ ئخف نّس».
19 ينّاي دَاوُد ئسمغان نّس دا تمسوال ئنݣراسن داي ئيفهم ئس ئمّوث لعيل. ئنّا داود يي ئسمغان نّس: «ئيس ئيمّوث لعيل؟» نّناس: «ئيمّوث».
20 ئيكّر دَاوُد زݣ وشال ئعوم ئدهن س زيث ئيبدل ئعبان نّس، ئدّو غر تدّارث ن ربّي ئژال ئسجد ئيعايد غر تدّارث نّس ئيتراسن ؤوتشّي داي سوجدناسث ئيتش.
21 نّناس ئسمغان نّس: «متّا ؤوياتخ ثݣيث؟ أّلّيݣ ئدّر لعيل ثاژومث ثروث، ئد ألّيݣ ئيمّوث لعيل ثكرث أر تتشّاث أغروم».
22 داي ئنّياسن: «ألّيݣ ئدّر لعيل أزومخ روخ ئتخ نّيخ: مايد ئسّن؟ ئس ؤر ئتحنّا ديݣي ربّي أها ييدير لعيل.
23 دغي ييمّوث، ماخ أد-أژومخ؟ ئس ديخ أد يغييخ أتّيد رارخ؟ نك أݣ دّان أغورس ئدّون ئد نتّا ؤر ئينّي أد-ئيعايد غوري».
24 ئيعزّا دَاوُد بيتشبع ثامطوت نّس، ئدّو غورس ئݣن ئتس تارو لعيل سمّاناس سليمان داي ئحوبّاث ربّي.
25 يازن داود خف ؤوفوس نّبي ناثان ئسمّاس ئسم ن يَدِيدِيَّا (لمعنى نّس ونّا ئرا ربّي) ئتخ ئراث ربّي.
26 ئهجم يوآب خف ثمدينث ن ربّة، ن بني عمّون يامژت.
27 يازن يوآب ئيمازان غر دَاوُد ئينّياس: «حاربخ ثامدينث ن رِبَّة أها أمژخد س وامان نّس.
28 دغي جمع أينا ئقيمان ن لعسكر تدود تهجمث خف ثمدينث ثامژت حما أد ؤر تّامزخ نك ئيتّوسما ئسم ئنو غيفس».
29 ئجمع دَاوُد لعسكر كول ئدّو غر ثمدينث ن ربّة ئيهجم غغيفس يامژتيد.
30 يوسي تّاج ن-ؤݣلّيد نّسن خف ئيخف نّس أر ئتوزان تّاج نّا ربعا ؤ تلاثين كيلو ن دّهب ئلين غيفس ئسلون د ئسلّي ن ديماند يلي خف ئيخف ن دَاوُد د لمال نا د سّوفغن زݣ ثمدينث ئعدّا شيݣان.
31 ئد شعب نّا ديݣس ئلاّن ئيويثنيد أتسخدامن س لمناشر د صّابّاث د ئݣلزام ن لحديد د لخدمث ݣ ئيفرّان ن لياجور. أياتخ أيد ئݣا يي ثمدينين كول ن أيث عمّون، ئيعايد دَاوُد د لعسكر كول غر أُورُشَلِيم.