11
داوود د بيتشيبع (ئيلّيس ن تݣلّيت)
1 يلي ݣ ئيخف ن-ؤسݣاس، ثاوض لوقث ن-ؤفوغ ن-ئݣلدان غر ئمنغي، يازن دَاوُد يوآب د لعسكر د إِسْرَائيل كول دون هجمن خف أيث بني عمّون رّونثن زايدن حاصرن ثامدينث ن رِبَّةَ، ئد دَاوُد ئقّيما ݣ أُورُشَلِيمَ.
2 ݣ لوقت ن ثدݣات، ئيكّر دَاوُد زݣ ثيسي نّس أر ئيتدّو خف سطح ن تادّارث نس ينّاي ثامطوت ئغودان شيݣان دا تعوم ݣ سطح.
3 يازن دَاوُد ئسال غيفس نّاناس: «إد بَتْشَبَع ئلّيس ن أليعام ثامطوت ن-أُورِيَّا أحيثّي أيين؟»
4 يازن دَاوُد ئمزان أوينتيد غورس، ئيݣن ديدس تيلي أمشينا ثسزديݣ ئخف نس زݣ ثاردا ن وايور. ثعايد غر تدّارث نّس.
5 ثاسي ثمطّوط أر تّارو ثازند ثعلماس يي دَاوُد ثنّاياس: «نك دا تّاروخ».
6 يازن دَاوُد غر يوآب ئنّاياس: «أزنيد أُورِيَّا أحيثّي». يازند يوآب أُورِيَّا غر دَاوُد.
7 ئدّود أُورِيَّا غورس ئسالث دَاوُد خف لمان ن يوآب د شعب د لحرب.
8 ئنّاياس دَاوُد يي أُورِيَّا: «ݣز غر تادّارث نّش تسّيرت ئضارن نّش تسݣونفاث». ئفّغ أُورِيَّا زݣ ئغرم ن-ؤݣلّيد، ئسثفراس لهديث غر ثادارت نّس.
9 ئد أُورِيَّا ؤر ئدي غر ثدارث نّس، ئقيما ئݣن نتا د ئسمغان ن-ؤݣليد ݣ لباب ن لقصر.
10 علمناس يي دَاوُد نّاناس: «ؤر ئدي أُورِيَّا غر تادّارت نّس». داي ئسال دَاوُد أُورِيَّا: «ئس ؤر ئد زݣ لحرب أز تعايت؟ ماخ ألّيݣ ؤر ثديث غر تادّارث نّش؟»
11 ئنّاياس أُورِيَّا يي دَاوُد: «تّابوث د إسرائيل د يهوذا زدغن ݣ ئخامن، ئد يوآب د لعسكر ن سيدي لّان ݣ لخلا، داي دّوخ نك غر تادّارث ئنو أت تشخ سوخ ݣنخ د ثمطوت ئنو؟ ݣوليغاش س ربّي ؤر ݣيخ أوال نّا ثنيث».
12 ئنايّاس دَاوُد يي أُورِيَّا: «قّيم دا أسّا د واسكّا أر كّازنخ». ئقّيم أُورِيَّا ݣ لقدس أسنّا د واسكّا نّس.
13 ئغراس دَاوُد ئيتش دثاس ئسو ألّيݣ ئسكّر. ئيفغ ثدݣات ئدو أد ئيݣن غر ئسمغان ن داود، ؤر ياد ئدّي غر تادّارث نّس.
14 ݣ صباح يارو دَاوُد ثابرات يي يوآب يازنث خف ؤفوس ن أُورِيَّا.
15 يارو ياس ݣ ثبرات نّا ئينّياس: «ݣاث أُورِيَّا ݣ صف أمزوارو ن-ئيمنغان ئوعر ثعايدم غر ضراس أد ئيتّونغ.
16 داي ئعين يوآب أوريا ݣ لحرب ن ثمدينث، أد-ئنّال ئعداون وعرنين ݣ ؤدغار ن-ئمنغي.
17 داي فغند ئرݣزن ن ثمدينث حاربن يوآب ئمث شا زݣ لعسكر ن دَاوُد. ئيمّث أود أُورِيَّا أحيثي.
18 يازن يوآب أداس ئيعلم يي دَاوُد س لخبار ن ووال كول نّا ئجران ݣ ئمنغي.
19 ئوصّا أمزان ئنياس: «أداي اس تشمّلث أوال خف ئمنغي ئ-وݣلّيد،
20 داي مش ئقلّق ؤݣلّيد، ئنياش: "ماخ ألّيݣ نتقربم غر ثمدينث أتنّاغم؟ ئس ؤر ثسّينم ئس دّان أكنيد دوثن س-ئيد نبل زݣ نّيݣ ن-ؤݣادير؟
21 ماݣ وثن أبيمالك ممّيس ن يربوشث؟ ئس ؤر-ئد ثامطوت زݣ تَابَاص أيغيفس ئيشّيرن س-ؤوقشفو ن ثيسيرث زݣ نّيݣ ن-ؤݣادير ئيمث؟ ماخ ألّيݣ ثقربم غر أݣادير؟" مش كيسال ؤݣليد ثينيثاس: ئسمغ نّش أُورِيَّا أحيتّي ئمّوث ألّو».
22 ئدّو ؤمازان ياوضن ئيعلماس يي دَاوُد س-ؤينّا كول خف ثيُوزن يوآب،
23 ئنّاياس ؤمازان يي داود: «ئتخ جهدن غيفنخ ئرݣزن نّا فغند غورخ غر ئيݣر، نرار غيفسن أهجّوم غر لباب.
24 وثناخد ئعداون س-ئيد نبل زݣ نيݣ ن سّور، مّثن شان ئسمغان ن-ؤݣلّيد، أود أُورِيَّا أحيثّي ئمّوث.
25 داي ئنّاياس داود يي ومازان: «ئناياس يي يوآب: أد ؤر ئتخّو ݣ والن نّش واولا تّخ ئتخ سّيف ؤر دا يترحام أود يون. زيّر لحرب نّش خف ثمدينث خلوت، تشجعث».
26 تسل ثمطوت ن أُورِيَّا ئس ئمّوث ؤرياز نّس، داي ثوّث أݣجدور غيفس.
27 ألّيݣ زرين ؤسّان ن لحزن، يازن دَاوُد ياويتّيد غر ثدارث نّس، داي تݣ ثامطّوط نّس، ثاروياس (تيروياس) لعيل. ئخّو ؤينّا ئݣا دَاوُد داث ن والّن ن ربّي.