9
مفيبوشيت ممّيس ن يوناتان د ؤݣلّيد داود
1 ئسال دَاوُد: «ئس ئسول شان يون زݣ تدّارث ن شاول، أݣيتس ݣيخ لعاهد ن ثايمات ئخلصن خف ؤودم ن يوناثان؟»
2 يلي غر آيت تدّارث ن شاول يان ئسمغ ئسم نّس صِيبَا، غريناسد غر داود، ئسالث: «ئيد شݣ أيد ئݣان صِيبَا؟» ئنّياس: «ييه أسيدي».
3 داي ئنّاياس: «ئيس ؤر ئقّيمي شان يون زݣ تدّارث ن شاول أݣيتس ݣّخ لعاهد ن ثايري ئيصفان ن ربّي». ئنّاياس صِيبَا يي ؤݣلّيد: «ئسول عاد ممّيس ن يوناثان ونّا ئݣان أحيزون زݣ ئيضارن».
4 ئّيسالث ؤݣلّيد: «مانيݣ ئلّا؟» ئنّاياس صِيبَا يي ؤݣلّيد: «هاثين ئلاّ ݣ تدّارث ن ماكير ممّيس ن عمّيئيل ݣ ثمدينث ن لُودَبَار».
5 يازن غورس ؤݣلّيد دَاوُد، أوينثيد زݣ تدّارث ن ماكير ممّيس ن عمّيئيل زݣ لودبار.
6 ئدّود مَفِيبُوشَث ممّيس ن يوناثان ممّيس ن شاول غر دَاوُد ئحودر خف ؤودم نّس غر أشال س صواب داث ن دَاوُد ئسالث: «ئد شݣ أݣان مَفِيبُوشَث؟» ئنّاياس: «نك أسيدي».
7 ئنّاياس دَاوُد: «أد ؤر تݣّد، دّيخ أديك ݣخ لخير خف وُودم ن با نّش يوناثان، أداش رارخ تمازيرت كولت ن شاول جد نّش، أر تتشّاث ؤتشي خف طبلا نو كّوياس».
8 ئسجد مَفِيبُوشَث ئينّا: «ماݣ مس ئسمغ نّش ألّيݣ ثريث أت تهلاث ݣ ئدي ئيمّوثن أم نك».
9 ئغراسد ؤݣلّيد يي صيبا أخدام ناݣ كان غر شاول ئينّياس: «كول أينّا يكّان ئݣا وين شاول د تدّارث نّس كول شيخث يي ممّيس ن يونثان».
10 أداس ثخدمث أشال شݣ د ورّاو نّش د ئسمغان نّش، خدماث أشال أد ييلي غورس رزق أد ياف ماس ئعيش. إد مفيبوشث ممّيس ن يونثان أد-يتش دايمن غوري ݣ طبلا». ئد صيبا لان غورس خمسطاعش ن لعيل د عشرين ن-ئسمغ.
11 ئنّاياس صيبا يي ؤݣلّيد: «كول أينّا س-ئوصّا سيدي ئدا ئسمغ نّش أتيݣ». إد مَفِيبُوشَث إدا أد يتتشا خف طبلا ن داود أم يون ݣ وراو نّس.
12 يلي غر مَفِيبُوشَث يان لعيل أمژيان ئسم نّس ميخا، د كول أيت تدّارث ن صيبا ݣان ئسمغان ن مَفِيبُوشَث.
13 داي ئزدغ مَفِيبُوشَث ݣ ثمدينث ن أُورُشَلِيمَ إتخ ليتتا ديما خف طبلا ن-ؤݣلّيد ديما يلي ئݣا أحيزون زݣ ئيضار سين.