6
1 ئجْمَعد دَاوُد ديخ ألثو ثلاثين ن والف ن-ؤرݣاز نّا ئخثار زݣ إسرائيل.
2 ئكّر دَاوُد ئدّو د شعب نّا ݣيتس ئلاّن زݣ بعلة يهوذا، أد سّالين تّابوث ن لعاهد ن ربّي نّا مي دا قّار س-ئسم ن ربّي ن لجيش ن لملايكا ئقّيمان ئنݣر لكروبيم.
3 أسين تّابوث ن ربّي خف لكرّيصا ثوجديت، أسينثيد زݣ تادّارث ن أبيناداب، ئلاّن ݣ ثيشّوث. يلي عوزّا د أخيُو، أرّاو ن أبيناداب أر حرّين لكرّيصا ثوجديت.
4 حرينتيد زݣ تادّارث ن أبيناداب ئلاّن ݣ ثيشّوث د تّابوث ن ربّي. ييلي أخيو دا ئتدّو داث ن تّابوث،
5 ئبدو دَاوُد د آيت تادّارث ن-إسرائيل ناݣ ئس مون فرحن أر تلعابن داث ن ربّي س كول س-ئيد لكمنجاث د لوطراث د والّون د طبل د تعوّاديين نا ئتوعدلن زݣ ؤكشوظ ن-ئثݣل.
6 أليݣ ن ئوضن غر أنرار ن ناخون، توث لعثرث ئزيار ناݣ زوغر لكريصا، ياژض عوزّا أفوس نّس غر تّابوث ن ربّي يامژث ئتخ ئݣد أد ئتّوتي.
7 ئحمو لغضب ن ربّي خف عوزّا، ئوّت ربّي ديس خف لغلاط نّس، ئمّث تاما ن تّابوث ن لعاهد ن ربّي.
8 داي ئحرّاص لحال يي داود خف ثيثي نّا ئوّتا ربّي عوزّا، خف ؤينّا دا قّار يي ودغار نّا: "فارص عوزّا" أر أسّا. لمعنا نّس ثيثي ن عوزّا.
9 داي ئݣد دَاوُد زݣ ربّي ݣ واسّ نّا داي ئينّا: «ميمش تݣّاخ أد أويخ تّابوث ن ربّي غوري؟»
10 داي ؤر ئري أد ياوي غورس تّابوث ن ربّي غر ثمدينث نس، ئسضورث غر تادّارث ن يون ؤرياز ئسم نّس عوبيد أدوم أجيتّي.
11 ئقيم تّابوث ن لعاهد ن ربّي ݣ تادّارث ن عوبيد أدوم أجيتّي شراض ن وايور. ئبارش ربّي عوبيد أدوم د آيت تادّارث نّس كول.
12 ئتّوعلماس يي ؤݣلّيد دَاوُد، نّانّاس: «ئبارش ربّي تادّارث ن عوبيد أدوم د كول أينّا ئݣان وينس خف تّابوث ن ربّي». ئدّو دَاوُد ئسّاليد تّابوث ن ربّي زݣ تادّارث ن عوبيد أدوم س-ؤفراح غر ثمدينت نّس.
13 ييلي أدّاي شمّل وينّا يوسين تّابوث ن ربّي ستّا ن-ئيحوريفن، دا غرصن يي ؤزݣر د-ؤعجلي ئعلفن.
14 ئبدو دَاوُد أر ئتشطّاح س لجهد داث ن ربّي، ييلي ئلسا ئعبان ن-ئكهّان.
15 س-ؤياد أس د-ئسّالي داود د أيت تادّارث ن-إسرائيل كول تّابوث ن ربّي س-ؤهلّل د صّوت ن لبوق.
16 أليݣ ن ييوض تّابوث ن ربّي غر ثمدينث ن داود، تسوݣرد ميكال ئلّيس ن شاول زݣ شرجم، ثانّاي أݣلّيد داود دا ئتشطّاح داث ن ربّي، ثحݣرث ݣ وول نّس.
17 سّيوضند تّابوث ن لعاهد ن ربّي، سيرسنث ݣ-ؤدغار نّس ݣ وامّاس ن ثخامث نّا ئبنا داود. ئغرص ثيمغراص ئتغوسن د تمغراص ن لمان داث ن ربّي.
18 ئشمل داود ثاغرسا ن ثمغراص ئيتغوسن د تمغراص ن لمان ئبارش شعب س-ئسم ن ربّي ن لجيش ن لملايكا.
19 ئبضو يي شعب كول ن-إسرائيل زݣ ؤرياز أر ثامطوت كّو يون س توغريفث ن-ؤغروم د يون ؤخومّيش ن ثييني د يان ؤخومّيش ن زبيب، داي ئعايد شعب كو يون غر تادّارث نّس.
20 ئعايد دَاوُد أد ئبارش أيث تادّارث نّس. تفغد ميكال ئلّيس ن شاول أت تمجماع د داود ثنّاياس: «شحال أݣ ژيل ؤينا ثݣيث أسا أياݣليد ن-إسرائيل، والايني ثعرّاث ئخف نّش داث ن والن ن تسمغين د-ئسمغان نّش أم شا ن يون نّاݣ ؤر ئلّي لحيا».
21 ئنّاياس دَاوُد يي ميكال: «أياد كول ݣيخث خف نّيرث ن ربّي ناݣ خثار خف بّانم، د خف كول أيت تادّارث نس، ئختاريي أد حشمخ خف شعب نّس نامي شطحخ داثاس.
22 أد ستوتّيخ زݣ وادّور ئنو ؤݣار ن-ؤينّا. شم لام تبيانخ مزّييخ ݣ والّن نّم، ئد داث ن والن ن تسمغين ئنو نا س-ئثعايرد ئزايد وادّور ئنو».
23 ئد ميكال ؤر دجّين ثورو أليݣ ثمّوث.