5
1 دّوند ثقبيلين ن-إسرائيل كول غر دَاوُد ݣ حبرون، نّناس: "هاياخ نكني زݣ ئغص نّش د ئدامن نّش.
2 زݣ ما ݣلا شاول ئݣا أݣلّيد غيفنخ، شݣ ثكيث ثݣيث أخثار ن لعسكر ن-إسرائيل، ئينّاش ربّي، شݣ أيد ئكسّان شعب ئنو إسرائيل تݣت غيفسن أݣليد.
3 جمعند ئيمغار ن-إسرائيل غر داود غر حبرون إمشفا ئتسن لعاهد ݣ حبرون داث ن ربّي خثارنث أد ئݣ أݣلّيد خف إسرائيل.
4 ييلي داود ݣ لعمر نّس تلاثين ن-ؤسݣاس أليݣ ئݣا أݣلّيد، ئقّيم ݣ لحوكم ربعين ن-ؤسݣاس.
5 ݣ حبرون ئحشم خف يهوذا سبعا ن-ئسݣاسن د ستّا ن وايور ݣ لقدس ئحشم ثلاثا و ثلاثين ن-ؤسݣاس خف إسرائيل كول د يهوذا.
6 داي ئفّغ ؤݣليد س لعسكر نّس غر أُورُشَلِيمَ غر ئيابوسين ئيمزداغ ن تمازيرت نّناس: "ؤر تغيث أت تهجمث خف ثمدينث، ئتخ غاس ئدرغال د ئحيزان دان أك ژعن زييس.
7 ئعايد يامژ دَاوُد لقشلا ن صهيون ثاغول ثتياسن س ثمدينث ن دَاوُد.
8 ئينّا دَاوُد ݣ واسّ نّا، كول ونّا ݣران أد ئهجم خف ئيابوسين أد يسخدم ثاروا ن وامان ئصّوادن غر ئحيزان د ئدرغال ئعداون ن دَاوُد، أينّاخ أخف دا تّينين: "أدرغال د ؤحيزون ؤر كشمن غر تادّارث ن ربّي".
9 ئيزدغ داود ݣ لقشلا ئسمّاس ثامدينث ن داود ئبنو صّور ئضور يي يغرم زݣ جاج.
10 يلي داود غاس دا يتمغور شّان نّس، ئتخ ئلا أݣيتس ربّي.