4
1 أليݣ ئسلا ئشبوشث ممّيس ن شاول ئس ئيمّوث أَبْنَيْر ݣ حبرون، داي ئدهش نتّا د-إِسْرَائِيل كول.
2 ئلين غر ممّيس ن شاول سين لكمندراث ن-ئيد لبطايون، يون ئسم نّس بَعْنَة ئسم ن ويسّين رَكَاب، أرّاو ن رمون أبئيروثي زݣ ورّاو ن بنيامين ئتخ أود بئيروث تّوحاسب خف ثقبيلث ن بنيامين.
3 رولن أيت قبيلث ن بَئِيرُوت غر جتّايم عيشن دينّا غوربن أر أسا.
4 يلي غر يوناثان ممّيس ن شاول يان لعيل ئسم نّس ميفيبوشث، ثلّا غورس خمسا ن-ئسݣاسن، ئدود لخبار ن لموث ن شاول د يوناثان زݣ يزرعيل. ثوسيث ثنّا ثيسݣمان ثرول ئس، ئيتّوتياس داي ئݣ أحيزون.
5 دّون ورّاو ن رمّون أبئيروثي ركاب د بعنا غر ثدارث ن ئشبوشث، أوضنن ݣ وماس ن واس ثحما ثافوشث. ئد نتّا ئلّا ئݣن.
6 نيتني كشمن غر أمّاس ن تدّارث أمّي ران أد-اسين ئردن،
7 ئد ئشبوشث ئلاّ ئݣن ݣ لبيت ݣ ثيسّي، وثنث، نغنث، بّيناس ئخف أها أوينث. دّون ݣ ؤبريد ن تمازيرت ن عربا ئض مايد ئيلا.
8 داي أويند ئخف ن إيشبوشث غر دَاوُد ݣ حبرون، نّاناس يي ؤݣليد: «هياش ئخف ن ئشبوشث ممّيس ن شاول، أعداو نّا دا ئتقلاّبن أداش ياوي رّوح، يومز ربّي لحق يي سيدي أسّاتخ زݣ شاول د زريعث نّس».
9 ئجاوب دَاوُد ركاب د بعنا ݣماس، أرّاو ن رمّون أبئيروتي، ئنّاياسن: «ئدّر ربّي نّا ئفوكّان تودرت ئنو زݣ لمحاين كول.
10 ئتخ ونّا يي ئعلمن ئنّايي: "هاثين ئيمّوث شاول: ئغال ݣ ئخف نّس ئس-أخ ئيبشّر س لخير، أمزخث نغخث ݣ صقلغ ثيلي لموث أݣان لخلاص نّس.
11 ماي تݣاخ دغي س-ئرݣزن ؤر ئحلين نّا ئنغان أرݣاز نّا ؤر ئݣين شا ݣ تدّارث نّس ݣ ثيسي نّس؟ ئوا ئس ؤر تترخ لحق ن-ئدامن نّس زݣ ئيفاسن نّون أها محوخكن زݣ وشال؟"»
12 ئيش داود لامر يي يعرّيمن نغينثن، بّيناسن ئيفاسن نّسن د-ئيضار نّسن، أݣلنثن ݣ ؤݣلمام ݣ حبرون. ئد ئخف ن ئيشبوشت ؤسينث مضلنث ݣ تمضلث ن أَبْنَيْر ݣ حبرون.