21
1 داي ئدود داود غر أخيمالك، أكهان ن تمدينت ن نُوب، نتا يانّاي أخيمالك داود ئ-وول نّس بلا ئعسّاسن ئقلّق، أها ئنّاياس: «ماخ أليݣ تديد غاس شݣ ؤر أݣيك ديمّون أݣد يون؟»
2 ئجاوب داود أخيمالك أكهان: «يوزنيي ؤݣليد غر شا ؤسكين ئنّايي: "ئخصّا ؤر-ي تّسين أݣد يون أسكين-اد"، ئد ئرݣزن ئنو ݣيخ أݣيتسن أنسا نّاݣ ن تجماع.
3 دغي، مايد-يلّان غورش زݣ ؤتشي؟ وشيي خمسا ن ثوغريفين غد أينّا غورش ئلّان».
4 ئجاوب ؤكهان داود، ئنّاياس: «ؤور غوري شان ؤغروم ياضن، والاينّي غوري أغروم ن ربّي مش ئرݣزن نّش ؤر ݣنين د ثعيّالين.
5 داي ئجاوب داوود أكهان ئنّاياس: «ئد ثيعيالين تومنعن غيفنخ سݣ واسنّاط د قبل، أم لعات أداي فغخ غر شا وسكين، ئد ئرݣزن ئنو ديما دا سزديݣن ئخفاون نّسن واخّا نفّغ غاس غر شا وسكين ئوهنن، لومعنّا تيكّلت-اد أسكين-اد ئوعر».
6 داي ئشاس ؤكهان أغروم ن ربّي، ئتخ ؤر ئلّي غورس غاس أغروم ن ربّي نّا ئتوهزّان زݣ داث ن ربّي حما أد-يتوسيرس أغروم ئحمان ݣ وانسا نّس أداي ثاسين.
7 ماشان ݣ واسّ نّا س-يخف نّس، ئلّا دينّا يان ؤرياز زݣ ئسمغان ن شاول دا ئتژالّا يي ربّي، ئسم نّس "دواغ الأدومي"، أخاثار ن-يمكساون ن-وݣلّيد شاول.
8 داي ئنّا داود ألّو يي أخيمالك: «ئيس ؤر-يلي غورش داد شا وحريش نغد شان تفروت، ؤر ؤسيخ تافروت ئنو ؤلا شان سلاح ياضن، ئتخ ئصّيفضيي ؤݣلّيد س زّرب.
9 داي ئرار غيفس ؤكهان: «هان تافروت ن جليات أفلسطيني نّا ثنغيث ݣ تالات ن لبطم، هاثين لايتل ݣ لكتّان فّير ن-يعبان. مش تريث أويث، ئتّخ ؤر غوري غاس نتات. داي ئنّاياس داود ؤر تّافاخ أم نتاث.
10 داي ئكر داوود ئرول ݣ واسّ نّا زݣ داث ن شاول ئدو غر أخيش أݣلّيد ن جتّ.
11 داي نّاناس ئسمغان ن-أخيش: «ئيس ؤر ئد واد أيد ئݣان داوود أݣلّيد ن تمازيرث؟ ئس ؤر ئد واد أخف مي أر تّينينت ثعيالين ئزلان لّيݣ نّانث: «ئنغا شاول لولوف ئد داوود عشرا ن لولوف؟».