20
يوناثان ئفوكّا داود زݣ لموث
1 داي ئرول داود زݣ تمازيرت ن نَايُوت ݣ رّاما، ئدّود ئينّا داث ن يوناثان: «ماخ مايد ݣيخ؟ ماخ ئݣان لمعصيث ئنو؟ د ماتّا دّنب نّا ݣيخ داث ن باب نّش ألّيݣ داغيفي ئيتقلاّب أد-ينغ؟»
2 ئنّاياس يوناثان: «شان لباس ؤر ئلّي ؤر تمثاث والو! هاثين ؤر دا ئتݣا بّا شان لحاجث ئيخاثر ولا شان لحاجت ئيمژّين بلا ما أداس سلاّخ سيمجّان ئينو. ماخ أد غيفي ئيفّر بّا أوالا تخ؟ أوال-اد ؤر ئصحي».
3 داي ئݣّال داود ديخ أها ئنّا: «ئسين ئس ئسّن بّا نّش ئس ؤفيخ رحمث ديݣش ئينّا أد ؤر تاجّاث يوناثان أد يسين أياد حما أد ؤر ئتحزان والاينّي ݣوليخاش س ربّي ئدّرن د تودرث نّش مش ئيبضي د لموت غاس أحوريف».
4 ئنّاس يوناثان يي داود: «أينّاش ئيرا وُول أداش تݣخ».
5 داي ئنّاس داود يي يوناثان: «هاش زّردا ن-ئيخف ن وايّور ؤجديد أسكّا نك ئيخصّايي أد قيمخ د-ؤݣلّيد غر ؤتشّي والاينّي شݣ أدجّي أد فّرخ ݣ-ئيݣرأر تادݣات ن واسّ ويس شراض.
6 مش ديݣي يوّث بّا نّش أنفا ئنياس: "توترا ئسدّرفن أيزديݣي ئتر ئيخف نّس داوود أد يازل غر بيت لحم تمدينث نّس حما أد ݣين تيمغراص دينّا ݣوسّا نّا آيت ئغصن نّس كول نّسن".
7 مش ئنّا شان واوال ئيغودان ئسين ئس ئلا لمان يي ومدّاكل نّش. ئد مشاس ئحرّا لحال ئسين ئس ئنوا تخّوت أتّيدي تك.
8 سدام رحمث يي ومداكل نّش قيم ݣ لعاهد ن ربّي ثاويد أمداكل نّش ئدك مش ديݣي ئيلاّ شا ؤر ئحلين نغي شݣ، ماخ أدي تاويد غر بّا نّش؟»
9 داي ئنّا يوناثان: «شال لباس ؤر ئلي! ئتخ مر سّنخ ئس ئنوّا بّا شا ؤر-يحلين أداش تيݣ، ئس ؤراش علمخ؟»
10 ئنّاس داود يي يوناثان: «مايدي ئعلمن، نغد مايد ئيتّيلين مش شي ئجاوب بّا نّش س شان واوال ئقسحن؟»
11 داي ئنّا يوناثان يي داود: «أدّود أنفّغ غر ئيݣر». داي دُّون سّين نّسن غر ئيݣر.
12 ئنّاس يوناثان يي داود: «أربّي ن-إسرائيل، ستسّا بابينو أم لوقثا أسكّا ئيݣان أس ويس شراض دينّا مش ئيلاّ وينّا ئغودان يي داود، مش والو دّيخ أنّازنخ أها أدجخش أتسفلد س-ئيمجان نّش.
13 أديش ربّي يي يوناثان أها ئزايداس مشاس ديوسا شا ؤر ئيحلين يي بّا أداشث ئݣ، دّيخ أداش تسفروخ س-ئيمجان نّش أها أزنخش ثدّود ݣ لمان يلي أݣيدش ربّي ئيمشينّا ئيكّا ئيلا د بّانو.
14 مش قيميخ دّرخ قيمي لعاهد نّا نݣا خف وراو-ئنو.
15 ئد مش موثخ ئلي أݣيدسن أر أبدا هان ربّي أد ئمحو ئعداون نّش زݣ دّونيت».
16 ئيݣ يوناثان لعاهد دايت تادّارث ن داود أها ئينيّاس: «أش ئيعاقب ربّي س-ئفاسن ن-ئعداون نّش مش ثفّغد لعهد يامژ ربّي لحق ݣ ئيعداون نّش».
17 داي ئعاود يوناثان ئسݣيلا داود س ثايري نّس، ئتّخ ئݣاث أم ݣماس.
18 داي ئنّاس يوناثان: «أسكّا ئيخف ن وايور، ئدّا أداخ ئينغ ؤومارݣ نّش لكرسي نّش ئدّا أد ئيخوُو.
19 ݣ واسّ ويس شراض، أدي تݣزد أر لحد تدود غر أدغار نّاي تفرد دينّا ݣ واسّ ن لمجريت تدّيد أتقيمد طرفت ن تژروت ن بطّي.
20 ئد نك دّيخ أد وثخ س شراض ن نبل طرفت نّس أمّي دا كّاثخ شا ؤوسكّين.
21 دينّا دّيخ أنّازنخ لعيل أن ئدّو أد-يجمع نبل مشاس نّيخ يي لعيل هان ئد نبل تما نّش دينّا أسيثنيد، داي تعايدد غورخ ئتخ س ربّي ؤر يلّي والو غاس لمان.
22 ئد مش نّيخ يي لعيل هان ئد نبل داثاش د ضراش، دّو ئتخ شݣ ئصّيفض ربّي.
23 أوال نّا نّيخ نك د شݣين هاثين ئيلاّ ربّي ئنݣراخ أر أبدا.
24 ئفّر داود ݣ ئيݣر. تاوض زردا ن-ئيخف ن وايّور ئيقّيم ؤݣلّيد غر ؤتشّي أديتش.
25 ئقّيم ؤوݣلّيد أم لعادا خف لكرسي نّس ئيقّيم يوناثان منيداس ئد أَبْنَيْر ݣتسݣا ن شاول ئد أدغار ن داود ئيقيما يورا.
26 داي ؤرئينّي شاول شان لحاجث ݣ واسّ خف داوود ئتخ ئينّا شان لمجريت أيا ئتخ ؤرئزدّيݣ.
27 أس ويسّين ضارت ن-ئيخف ن وايّور يورا ؤدغار ن داود ديخ ئنّاس شاول يي يوناثان ممّيس: «ماخ ألّيݣ ؤر ديدّي ممّيس ن يسّى أسناط د واسّا غر ؤوتشّي؟»
28 ئجاوب يوناثان شاول: «فيساع ئتّر داوود ئيخف نّس زݣ ديݣي تاودا غر بيت لحم.
29 ئنّا: «رزميي عفاش ئتخ دا-غرصن أيت ئغص نّخ ݣ تمدينث ئتخ ئيوصّا ݣما دغي مش ثريث أدجّي أدفغخ عفاش حما أد أنّايخ أيث ما، أينّاخ سور ديدّي غر طبلا ن-ؤݣلّيد».
30 داي ئحمو لغضب ن شاول خف يوناثان، ئنّاياس: «ممّيس ن توفريغث ئحردن! ئس ؤر سيّنخ ئس ثخثارد ممّيس ن يسّى يي لعار نّش د لعار ن لعرا ن مايش.
31 ماحد ئسول ممّيس ن يسّى ئدّر ؤسّان تخ كول خف وشال ؤر تنّيد أتّيليد شݣ ولا تاݣلّيت نّش، دغي أزن غورس ثاوتيد غوري ئتخ ثداد غورس لموث».
32 ئيجاوب يوناثان شاول باب نّس ئينّاياس: «ماخ أديمث؟ مايد ئيݣا؟
33 داي ئيݣرشوول أحريش غيفس أد تيوّث. داي ئسّن يوناثان ئد دغي ئرا بّا نّس أد ئينغ داود.
34 داي ئكر يوناثان زݣ طبلا، ئهيج لغضب نّس داي ؤر يورم أغروم ݣ واسّ ويسّين ن-ئيخف ن وايور، ئتخ ئحزن خف داود، د ؤوشحشم نّاس ئݣا بّا نّس.
35 ݣ ثيفاوت، ئفغ يوناثان غر ئيݣرݣ لميعاد نّا ئيݣا د داود د لعيل أمژيان ئيتس.
36 ئنّاس يي لعيل: «أرول أف عفاش ئد نبل نّا دّيخ أد أوثخ نك». لعيل ئرول نتّا ئيوث نبل أتّيزري سورين.
37 ياوضن لعيل غر أدغار ن نبل نّا ئيوث يوناثان، ئغر يوناثان يي لعيل، ئنّا: «ئيس ؤر لّين ئد نبل داثاش؟»
38 داي ئغر يوناثان يي لعيل: «فيساع أد ؤر تعطّار». داي ئلاقض لعيل ئلاّن د يوناثان ئد نبل ئعايد غر سيدي نّس،
39 ئد لعيل ؤر ئسّين أود ياث لحاجث غاس يوناثان د داود أيد ئسن أوال نّا.
40 داي ئشاس يوناثان سلاح نّس يي لعيل نّا غورس ئلّان أها ئنّاياس: «دّو أويثن غر ثمدينث».
41 لعيل ئدّا، داود ئكرد زݣ ثما ن تژروت أها ياتّوي خف وُودم نّس غر أشال ئسجد شراط تيكّال ئسّودم كو يون أمداكل نّس ئيرو كو يون يي ومداكل نّس ئد داود يولّا شيݣان.
42 داي ئنّا يوناثان يي داود: «دّو مّون د لمان نّا خف نݣولاّ سّين نّخ نكني ݣيسم ن ربّي ننّا: "ربّي أد ييلي ئنݣراخ د-ينݣر ثاروا نو د ثاروا نّش أر أبدا ن-ئبيدان"». ئيكّر داود ئدّو ئد يوناثان ئدّا غر تمدينث.