18
1 غاس أينّاس ئيشمل داوود أوال د شاول ئكجم لخاضر ن-يوناثان يريث أم ؤݣماس.
2 ياويث أݣيدس شاول ݣ واسّ نّا أها ؤورث يودجّي أد ئيعايد غر تادّارث ن بّا نّس.
3 ئيݣ يوناثان د داوود لعاهد خف تايري نّس ئ-داوود أها ئݣيث أم ݣماس.
4 ئكّس يوناثان أژنّار نّس نّا ئلسا ئشاسث ئ-داوود ئشاس أود ئعبان د سّيف د ؤوحريش نّس أود سمطا نّس.
5 أر ئيتفغ داوود غر أينّا غر ثيوزن شاول كول أها أر ئتنجاح ئيݣث شاول د أنبّاض خف ئرݣزن ن-لحرب داي ئيعجباس لحال ئ-شعب د ئسمخان ن شاول.
6 ألّيݣ دعايدن ئيعايد أود داوود زݣ منغيوث ئيݣا ئ-جوليات أفيليسطيني، فّغند تعيّالين زݣ ثمدينين كول ن-إسرائيل أد غنّانت شطحنت ئ-ؤمجماع نّسنث د ؤوݣلّيد س ثيلّونا د لݣيتارات م شراض ئيفيلان س لفراحيث.
7 غنّانث تعيّالين أرتلاهان نّانث: «ئينغاهن شاول س لولوف ئد داوود س-ئيد عشرا لاف».
8 ئحرّوياس لحال يي شاوول أر لحد ئوراس ئيعجيب لحال خف واوال نّا أها ئنّا: «شانث يي داوود ئد عشرا لاف نك شانتي لولوف! غاس ثاݣلديت أيداس ئيراحن.
9 داي ئظلم شاول داوود أر تيتحقّا س-وراعا ن شك زݣ واس نّا، تدّود غر داث.
10 غر أسكّا نّس، يوزند ربّي رّوح ؤر ئحلين ئكجم ݣ شاول ئقّيم أر-ئتجداب (ئترداح) ݣ ومّاس ن تادّارت. ئد داوود أراس ئكّاث لݣيطار أم كوياس، ييلي ؤوحريش ݣ ؤفوس ن شاول.
11 ئيݣر شاول أحريش ئينّا يي يخف نّس: «أد ؤوتخ داوود أتين سمّرخ ݣ ؤݣادير». ئيخّوياس داوود سناث تيكّال.
12 داي يݣد شاول زݣ داوود ئتخ ئيلاّ ربّي أݣيدس أها ئبضو أݣيدس.
13 ئسبعديث زّيكس شاول، ئعينيث د أخاثار ن-والف ن-ؤعسكري، أدّاي تيلي لحرب، داوود دا ئتدو داث ن-يعسكرييين كول.
14 ديما داوود دا ئتّنجاح ݣ ؤوينّا ئتݣا، ئتخ ربّي ئلّا أݣيدس.
15 يانّاي شاول ئس ئصخّر ربّي أينّا دا-يتݣّا ديما داوود، داي ئݣّد شيݣان زّيكس.
16 ماشان داوود ئعز غر ئمزداغ كول ن تمازيرت ن-إسرائيل د تمازيرت ن يهوذا، ئتخ نتّا أݣ تدّون دات-اسن ݣ لحرب.
17 يان وّاس، ئنّا شاول ئ-داوود: «ثاتخ ئلّي ثاخاثارث ميرب، دّيخ أداش تّوشخ أتݣ ثامطّوط نّش والينّي أد تݣد أخاتار ن لعسكر، ؤر-ي تغضّرد أها تامّود ݣ لحرب ن ربّي». ماشان شاول ئنّا أياد ݣ لخاضر نّس: «ييف مش تنغان ئفليسطنييين ؤلا نغخث نكّين».
18 داي ئنّا داوود يي شاول: «ماي مسخ نك د ماتّا لاصل ئنو، تمژّي تاقبيلت ن بّانو ݣ إسرائيل أك أدݣخ أضݣّال ن-وݣلّيد؟
19 والاينّي ألّيݣ ثيوض لوقث نّاي ئتّاول داوود ئلّيس ن شاول، ثتواوش أتݣ ثامطّوط ئ-عَدْرِيئِيل لْمَحُولِي.
20 مِيكَال ئلّيس ن شاول ثامژيانث دا تّيري داوود، داي يوض لخبار شاول، داي ئعجباس لحال.
21 داي ئنّا شاول ݣ ئخف نّس: «أداس تّوشخ ريخ أداس ثݣ ثاسقّورث أد-يتّوتي ݣ-وفوس ن-ئفليسطينين أها نغينث». ئعاود ئنّا شاول يي داود تيكّلت تيسنات: «أنݣ ئضولان أسّاد».
22 داي يامر شاول ئسمغان نّس أد سيولن يي داود غاس ئنݣراسن أها ئنيناس: «داش ئتّيري ؤݣلّيد لخير د-ايت ؤخام نّس كول داش تّيرين، دغي، كّر أتّاولد ئلّيس».
23 داي سيول ئسمغان ن شاول يي داود س-وخزّون. ماشان داود ئنّاياسن: «ئيس تغالم ئوهن أد ݣخ أضݣّال ن-وݣلّيد؟ نكّين غاس يون ؤرياز لمسكين ئتّوحقّرن أيد ݣيخ».
24 داي دّون ئسمغان قّيسن أينّا ئنّا داود ئ-شاول.
25 داي ئنّا شاول: «ئنياثاس يي داود: أݣلّيد ؤر ئري شان صداق زّيك، والينّي ئرا أد تنغث ميا ن-وفلسطيني ثاويد ليمارث ن-ؤزين نّسن. ئد شاول ئرا غاس أد-يݣر داود ݣ-وفوس ن-ئفلسطينيين.
26 نتا قّيسن ئسمغان يي داود أينّا ئنّا شاول، داي ئعجباس ووال أد-يݣ أضݣّال ن-وݣليد. تسول ؤر تيويض لوقت نّا اݣّيتس ئݣا ؤݣلّيد،
27 أليݣ ئدّا داود د-لعسكر نّس، نغين ميثاين ن-وفلسطيني، ياوياسند ليمارث ن-ؤزين-نّسن ئحاسباست يي ؤݣليد أك اد ياول ئلّيس. داي ئوشاس شاول ئلّيس ميكال.
28 يانّاي شاول ئس ئلاّ ربّي د داود أها دا-ثتيري ئلّيس ميكال شيݣان.
29 ياغول شاول أر ئتݣّد زݣ داود ؤݣار، أها ئݣ أنضليب ن داود ثودرت نّس كول.
30 داي ماني ݣ فّغن ئفلسطينيين غر لحرب، دا-ئنقّا زّيكسن داود ؤݣار ن-يخاتارن ن لعسكر ن شاول ياضن، أها ياغول ئتّواسّن شيݣان.