15
ربّي يكس شاول زݣ لمولك
1 ئنّاس صَمُوئِيل يي شاول: «نكّين أيد يوزن ربّي حما أش خضارخ أتݣد أݣلّيد خف شعب نّس أيت إسرائيل. دغي سفلد ئ-صّوت ن-ئواليون ن ربّي.
2 أياتخ أيدّاي ئتيني ربّي ن لجيوش ن لملايكا: روريخ لبال غر أينّا ݣان عماليق يي إسرائيل أينّا ݣان ݣ-ؤبريد ألّيݣ دولين زݣ مصر.
3 دغي، دّو هجم خف لعماليق، ثخلود كول أينّا ئݣان وينسن، أدورهن ترحام، ثخلودهن زٍݣ مݣان أرياز أر تامطوت زݣ لعيل أر تسلميا زݣ ؤزݣر أر ثيخسي زݣ ؤولغم أر أغيول».
4 داي ئغرد شاول يي شّعب ئيشاسن تاغضفث ݣ تمازيرت ن طلاييم، ميثاين ن والف ن-ؤعسكري زݣ وينّا ئتدّون س-ئضار د عشرا لاف زݣ يهوذا.
5 داي ئدّو شاول غر تمدينت ن عماليق، داي ئيفّراسن ݣ يات تالات.
6 ئنّا شاول يي تقبيلث ن-ئقنيين: «دّوياث فغاث زݣ ومّاس ن-ئعماليقيين، أكّا ؤر تمثاثم ئدسن، كونّي ثقيمام ݣ لعاهد د ورّاو ن-إسرائيل كول نّسن ألّيݣ ديفغن زݣ مصر». داي فغن ئقينيين زݣ ومّاس ن-ئعماليقيين
7 داي ئهجم شاول خف ئعماليقيين زݣ تمازيرت ن حـوِيلة أر تامازيرث ن شور نّا ئمقابال د مصر.
8 يامژد شاول أݣلّيد أجاج ن عماليق ئسول ئدّر ئد شعب كول ن عماليق ئيخلاث س سّيف.
9 ئيرحم شاول د لعسكر أجاح د وينّا ئغودان ن-وُولّي د ئزݣار د ئحوليين د خف ؤوينّا ئيغودان كول أها ؤر رين أتن خلون ئد أينّا حقّر د وينّا ؤر ئحلين خلانث.
10 داي ياوض واوال ن ربّي غر صَمُوئِيل ئنّاس:
11 «ندمخ ألّيݣ ݣيخ شاول د-أݣلّيد، ئتخ ئفّغ أبريد-ئنو أها ؤر-يݣي س واوال ئنو». داي ئيحرّاس لحال ئ-صَمُوئِيل، أر ئسغويّو يي ربّي ئييض مايد ئيلا.
12 ئكر صَمُوئِيل زيك، أد-ئمجماع د شاول ثيفاوث نّا ئتيينّاس يي صَمُوئِيل: «ئدّا شاول غر تمازيرت ن لكرمل، دينّا أݣ ئيعدل يي يخف نّس تّمتال أها ئيضور ئنضو أها ئيݣز غر تمازيرت لجلجال».
13 ئدّود صَمُوئِيل غر شاول، ئنّاس شاول: «أك ئبارش ربّي! هاتين ݣيخ أينا ئنا ربّي».
14 ئنّاياس صَمُوئِيل: «ئما تّا صّوت تخ ن-ووُلّي مي سلّيخ س مجّان ئينو د صّوت ن-ئزݣار نّا مي دا تسلاّخ نك؟»
15 ئنّاس شاول: «نيويتنيد زݣ ئعماليقيين، أينّا ئيرحم لعسكر زݣ ؤينّا ئغودان ن-وُولّي د ئيزݣار حما أتن غرصن يي ربّي نّش ئد أينّا ئيقّيمان نّخلاث».
16 داي ئنّاس صَمُوئِيل يي شاول: «فسث! دّيخ أداش ئنيخ مايد ئنا ربّي ئضا تخ». ئنّاياس: «سيول».
17 ئنّاياس صَمُوئِيل: «ئيس ور تكّيد أر تحقّار ئخف نّش ئيش ربّي خف ئخف ن تقبيلين ن-إسرائيل أها ئخطارش ربّي أتنبط خف إسرائيل،
18 يازنش ربّي ثاوادا أتدّود أها ئينّاش خلو ئمعصان ن عماليق أمز يتسن ئمنغي أر دهن تخلود؟
19 ئوا مّاخ أليݣ ؤر تسلّيد يي واوال ن ربّي، تزربد غر سّيعيث ثيد أينّا ؤريحلين ن داث ن والن ن ربّي؟»
20 داي ئنّاياس شاول ئ-صَمُوئِيل: «هاثين سلّيخ يي ووال ن ربّي دّوخ تاوادا نّا يي يوزن ربّي، أويخد أجاج أݣلّيد ن عماليق آيث عماليق خليخثن.
21 ئيخثار لعسكر زݣ سّيعيث ؤولّي د ئيزݣار ئيغودان، أينّا مي ئخصّا أتخلون، ران أت-نغرصن يي ربّي نّش ݣ لجلجال».
22 داي ئنّا صَمُوئِيل: «ئيس دا يفرّح ربّي س تمغراص ئتغوسن ميد س تمغراص ئيمشينّا دايفرح س-ؤوسفلد يي صّوت نّس؟ هاثين يوف ؤسفلد تامغروصت د ؤرارا ن لبال يوف تادونث ن-ئحوليين.
23 ئتخ ونّا ئتعصون ربّي لخطا نّس أم بو تحريا د ونّا ئحردن أم أونّا ئتعبادن لاصنام ئتخ ؤر ثقبيلد أوال ن ربّي، ربّي ؤر ئيقبيل ثاݣلّيت نّش».
24 داي ئنّاس شاول يي صَمُوئِيل: «خضيخ، ئتخ سّورفخ أينّا ديفغن ئيمي ن ربّي د ؤوينّا ثنّيد ئتخ ݣدخ يي شّعب أها سفلدخ يي ووال نّسن.
25 دغي، عفاش سامحيي خضيخ، عايد ئدي أدعبدخ ربّي».
26 ئنّاياس صَمُوئِيل يي شاول: «لا، ؤر تعايدخ شا ئيتش. تݣريد س-ووال ن ربّي، ربّي ئيݣرا س لمولك نّش ؤورياد تدّيد أتملكد خف إسرائيل».
27 داي ئيضور صَمُوئِيل أد ئدّو، داي يامژتيد شاول س لجهد زݣ ؤشضّور ن-ؤزنّار نّس ئبّياست.
28 داي ئنّاياس صَمُوئِيل: «ئبّي ربّي ثاݣليت نّش خف إسرائيل ئكساشت أسّاتخ، ئشت يي وادجّار نّش ونّاش يوفن.
29 ربّي لعزّ ن-إسرائيل ؤر دا-ئسحيلّيل ؤلا ئمݣراژ، ئدّخ نتّا ؤر ئݣي بنادم حما أد-ئمݣراژ».
30 داي ئنّاياس شاول: «هاتين خضيخ، دغي سمغوري عفاش دات ن-ئمغار ن-شعب ئنو د داث ن-إسرائيل عايد ئدي أد عبدخ ربّي-نّش».
31 داي ئعايد صَمُوئِيل ضارث شاول أها ئسجد يي ربّي.
32 داي ئنّاسن صَمُوئِيل: «قرباثيد أجاج أݣلّيد ن-ئيعماليقيين». داي ئدّود غورس أجاج س-ؤفراح، ئنّا أجاج: «ستيت ئدّا لحر ن لموث ئيبردان نّس».
33 ئنّاس صَمُوئِيل: «ئمشينّا ئكس سّيف نّش أرّاو-نسنث ئ-تعيّالين مايش أتقّيم بلا لعيل أمّاس ن تعيّالين». داي ئيبّي صَمُوئِيل أجاج ئݣت تيقديدين داث ن ربّي ݣ لجلجال.
34 داي ئدو صَمُوئِيل غر راما. ئد شاول يولي غر ثادّارث نّس ݣ جبعا شاول.
35 ؤورياد ئيعاود صَمُوئِيل أدينّاي شاول أرأس ݣ ئيمّوث، ئتخ ئحزن صَمُوئِيل خف شاول أود ربّي ئيندم ئتخ ئيݣا شاول دا أݣلّيد خف إسرائيل.