14
ثيروݣزا ن يوناثان.
1 يان واس، ئنّا يونثان مّيس ن شاول ئيوعرّيم نّا يوسين سلاح نّس: «أدّود أن-نضو غر لقشلا ن ئيفلسطينيين نّا ئلاّن ݣ ثمناطين ياضن». أها ؤر ئيعليم ئبّا نّس.
2 ئد شاول ئقّيما ݣ نّواحي ن-جبعا دّاو ن تارمّانت ئيلاّن ݣ مِغْرُون ئد شّعب ئيتس ئيلاّن أم ستميا ن-ورݣاز.
3 د أخيّا مّيس ن-أخيطوب ݣماس ن-ئيخابود مّيس ن فينحاس مّيس ن عالي، أكهّان ن ربّي ݣ تمدينت ن-شيلوه، ئيلسا لأفود (تيمنسا ن-ئكهّان)، أها ؤر ئسّين شّعب ئس ئدّا يوناثان.
4 ئنݣر ئبردان نّا يوفا يوناثان أد زيديكسن ئينضو غر لقشلا ن ئفليسطينيين، يان ئنݣرسنات ئسليون مواشيون كو يوت زݣ يات لجيهث يات ئسم نّس بُوصَيْص ئد تايض ئسم نّس سَنَه،
5 يات تيشوت ن-تزروت ثيا ثارسلث ئيروران ئيخف س-أفلاّ غر أمغبال د مخماس تايض س-ئزدار غر أمغبال د جبعا.
6 ئنّا يونثان ئ-ؤعرّيم نّا دا ئتّاسين سلاح نّس: «أدّود أنضو غر لقشلا ن ويتخ ؤر ئزݣّين، بار أذاخ ئسعاون ربّي، ئتخ ؤر ئوعير خف ربّي أداخ ئنصر نعدّا نغد نذروس».
7 أها ئنّاس ونّا يوسين سلاح نّس: «أݣ أينّاش ئيرا وُول نّش دّو غر داث. ها نكّين أݣيدش أرداخ ئينصر ربّي».
8 داي ئنّاس يونثان: «هاياخ ندّا أننضو غر ئيرݣزنا أها نّسنعثاسن ئخفاون نّخ».
9 مشاخ نّان: «ݣونيثاخ أرد كونين نقرب. أنقّيم ݣ وانسيون نّخ أها ؤر نتّالي غورسن.
10 ئد مشاخ نّان ألياد غورخ داي نالي غورسن ئتخ ئيشاختن ربّي غر ئيفاسن نّخ هان تاتخ أيد ئييّان تمتارت نّخ».
11 داي سنعثن ئخفاون نّسن سّين نّسن ئ-يعسكريين ن-لقشلا ن-ئفلسطينيين. داي نّان: «ها ئعيبرانيين دا تفغن زݣ ئخبا نّاݣ فرن».
12 داي نّان ئعسكريين ن لقشلا يي يوناثان د ونّا يوسين سلاح نّس: «ألياد غورخ أتّيسينم أوال مايت ئݣان». داي ئنّا يونثان يي ونّا يوسين سلاح نّس: «تفوري ئتخ تن ئيشا ربّي يي ؤفوس ن-إسرائيل».
13 ئد يوناثان د ونّا يوسين سناح نّس مروردن خف ئضار د-ئفاسن نّسن داي ئيهجم يوناتان خف ئيفيليسطسنينن أر توتوين دات-اس، ئد ونا ئس ئلان دات ئينقّا.
14 ݣ تيتي ثامزواروت نّا ئيوث يوناثان د ومساي ن سلاح نّس نغان ديݣس أم عشرين نورݣاز ݣ أم نّص ن تݣورت ن-ئݣر.
15 داي تكر تر ݣاݣيت ݣ وينّا ئيلاّن ݣ لموخيّام نيفيليسطينيين ݣيݣر، د شّعب كول ن لقشلا، أود ئهدّامن أرترݣيݣين ئرݣيݣ وشال ثارݣاݣيت زݣ غور ربّي.
16 أنّاين ئمراقبن ن شاول ݣ جبعا بنيامين ئس فسين ئيشابار ن-ئفيليسطينيين أها مزلاّعن.
17 داي ئنّا شاول يي شّعب ئيتس ئلاّن: «عافاون! جمعاد تحقّام مايد ئدّان زݣ ديݣنخ». جمعند أفينن يوناثان د ؤمساي ن سلاح نّس ؤر لّين.
18 داي ئنّا شاول يي وكهّان أخيّا: «أويد تّابوث ن لعاهد ن ربّي». ئتخ ئيلاّ تّابوث ن ربّي أسّ نّا د ورّاو ن-إسرائيل.
19 داي ألّيݣ أر ئساوال شاول يي ؤكهّان داي عدّون ئغويّان ئيكر ݣ لموخيّام ن-ئفليسطينيين زايدن ݣ ؤغويّي ئنّاس شاول ئ-وكهّان صافي أد-ور غورس تاژض أفوس نّش.
20 ئسغويي شاوُل د شعب ئيتس ئيلاّن داي دّوند غر أنسا ن-ئمنغي دينّا ؤفانن سّيف ن كو أفليسطيني ئيكشم ݣ ؤمدّاكل نّس يات تيريت ئيخاتر شيݣان.
21 ئد ئعبرانيين نّا ئلان أيد ئيفليسطينيين مشتا أيا وينّا يولين ئيتسن غر لموخيّام د-وينّاس ئيضور عايدن أود نيتني د-إِسْرَائِيل د مدن ئلاّن د شاول د يوناثان.
22 كول ئرݣزن ن-إسرائيل نّا ئفرئخفاون نّسن ݣ عاري ن-أفرايم سلّان ئس دا روݣلن ئفلسطينيين، داي شاشانتن أود نيتني أزلين ضراسن ݣ ئمنغي.
23 ئيفوك ربّي ݣ واسّ نّا إسرائيل أها ئينضو ئمنغي غر بّيت آون.
24 ئيرݣزن ن-إسرائيل تّوژيّرن شيݣان ݣ واسّ نّا ئسݣيلا شاول شّعب يامر ئنّا: «دامنعول أرݣاز نّا ئدّان أد-يتش أغروم أسّا كول أر ثادݣات أر د سخسيخ ؤل ئينو ٍݣ ئيعداون ئينو أها ؤر يورم شّعب كول نّس أغروم.
25 ئدود العسكر كول غر لغابث ثلي لتقطار س ثامنت خف وُودم ن وشال ن-ئݣر،
26 والاينّي أود يون ؤر يوزض أفوس نّس غر ئمي نّس، ئتخ ئݣّذ شّعب ئثݣالّيت نّا ݣولاّن.
27 ئد يوناثان ؤرئلي أها ؤر ئسلّي ئتݣالّيت أينّا ٍݣ ئسݣيلاّ بّا نّس شّعب، يازض ئخف نومرعاض نّا ئيلاّن ݣو فوس نّس ئيزوت ݣوغرو ن ثامنث ئيرارد أفوس غر ئيمي نّس داي أنّاين ئس شانث والن نّس أسيد.
28 ئيجاوبد يان ؤرݣاز زݣ شّعب ئنّا: «س-ونّا ئيصحان ئسݣيلاّ باب نّش شّعب ئنّا: دامنعول أرݣاز نا ئيتشّان أغروم أسّا ئسّوحل شّعب س-وينّا».
29 ئنّاس يوناثان: «ئيسخوب بّا أضو يي دّونيت حقّاث عفاون ئسور سّودينث والن ئينو ئتخ ؤورمخ أيا ن شوي ن ثامنث،
30 ستيت مور ئتشّي شّعب أسّا زٍݣ سّعيث ن يعداون نّسن نّا يوفان ئس ؤورندّي دغي أنيلي نوت ئيفليسطينيين س تيتي تختارت؟»
31 ݣ واسّ ناّ تدّا تيتي ٍݣ ئيفليسطينيين زݣ مخماس أرأيلون، أها ئيوحل شّعب شيݣان.
32 ئيزرب شّعب خف سّيعيث أمزند أولّي ديزٍݣار ديعجليين، غرصناسن خف واشال تشين أكسوم س-ئدامن نّس.
33 خبّرن مدن شاول نّاناس: "هاياش شّعب ديتخ داتعصون ربّي دا تتشّان أكسوم س-يدامن نّس ئنّاسن: «ثغضرم لعاهد، دغي سكنونياتيد يات تزروت تختارت».
34 يامرثن شاول: «زلعاث أمّاس ن شّعب، ثنيماسن: كو يون ديݣون أدياوي أزݣر نّس د كو يون أحولي نّس تغرصماسن يودغاراتخ تشّيمتن أدور تعصوم ربّي سوُوتشّي نوكسوم سيدامن نّس». ياويد شعب كو يون أزݣر نّس يوفوس نّس ئيض نّاخ غرصناسن دينّا.
35 داي ئبنو شاول يان ؤسغرص يي ربّي. أها نتّا أيد ئيبدان لبني ن-ؤسغرص يي ربّي.
36 ئنّاسن: «شاول ݣزاتاخ ضارث ئيفليسطينيين ئيضا أد ناوي سّيعيث زّيݣسن أنقّيم أرد ئسّاد لحال ؤر نتدجّا أود يون ؤورݣاز زّيݣسن ئدّر». داي نّاناس مدن: «كول أينّاش ئيضهر ݣوالن نّش ئيغودا ݣت». ئد أكهان ئناسن: «قرباد غر ديتخ أنسال ربّي».
37 ئسال شاول ربّي: «ئيد أد ݣزخ ضارث ئفلسطينيين؟ ئد أدهن سلمد غر ئيفاسن نّخ نكني آيت إسرائيل؟» أها ؤر ثيجاوب ربّي ݣ واسّ نّا.
38 ئنّاسن شاول: «أدّوياد غر ديتخ أيودماون ئيخثار ن شّعب أنيسين أها ننّاي مانيمش ألّيݣ تجرا لمعصيث-اد أسّا.
39 ݣوليخ س ربّي نّا ئفوكّان إسرائيل، مش ئتيوفا آود ممّي يوناثان ئيتمتات». أها ؤر ثيجاوب أود يون ݣ شّعب.
40 داي ئنّا ئ-إِسْرَائِيل كول: «ثدّام أتيليم ݣ ياث لجيهث، ئد نك د ممّي يوناثان ݣ يات لجيهث». ئنّاس شعب يي شاوُل: «أينّاش ئيضهر ئيغودا ݣث».
41 داي ئتّر شاول يي ربّي ن-إسرائيل ئنّاياس: «أربّي سبايند لحق ن-ونّا ؤوريدنيبن». داي أسند ئلان ݣ يوناثان د شاول ئد شعب فغند ؤور دنيبن.
42 ئنا شاول: «ݣراث ئلان ئنݣري د ممّي يوناثان». داي أسند ئلان ݣ يوناتان.
43 داي ئنا شاول يي يوناثان: «ئينيي مايثݣيت». ئنّاياس يوناتان: «ستيت ئيرم أيد ؤورمخ سيخف ن تغريت نّا ئيكّان يوفوس ئينو شان شوي ن ثامنث ئيوا هايي دّيخ أدمثخ!»
44 داي ئنياس شاول: «أينّاخ أيد ئدّا ربّي أديݣ أها ئيݣ أو ݣارئتخ لموث أيتنّيد أتمد أيوناثان!»
45 ئينّا شّعب يي شاول: «ئد أد يمث يوناثان ناّ ئيݣان ثافحليث تختارت أها ئيفوكّا إسرائيل؟ حاشا، نݣولاّ س ربّي ؤر ئيتوتّوي ينزض زݣ ئخف نّس غر أشال ئتخ ئخدم د ربّي». أها ئيفوكّا شعب يوناثان ئيراح ؤر ئيمّوث.
46 ئيعايد شاول زݣ ضارث ئفلسطينيين داي عايدن غر أنسيون نّسن.
47 يامژ شاول لمولك خف إسرائيل ئيحارب ئيعداون نّاس ئيضور كول: ئموائبيين د آيت عمون د أدوم ديݣلّيدن ن صوبا ديفيليسطينيين، أينّا غر ئيضور ئيرّو.
48 داي ئيخدم س لقوّا ئيرّو ئيعمالقيين ئيفوك إسرائيل زݣ ئيفاسن نوينّا أرهن ئيتكشّاضن.
49 داي ئلين وراو ن شاول: يونثان د يشوي د ملكيشوع، ئسم ن سناث ن تشيرّاتين نّس: تمنزوت نّس ميرب د ئسم ن تمزيانت ميكال.
50 ئد ئسم ن ثمطّوط ن شاول أخينوعم ئلّيس ن-أخيمعص، ئد ئسم ن-ونبّاض ن لعسكر نّس أَبْنَيْر ممّيس ن نير، عمّيس ن شاول.
51 ئد قيس بّا نّس ن شاول د نير بّا نّس ن-أَبْنَيْر يوروهن أبيئيل.
52 داي ئيجهد ئمنغي خف ئفليسطينييين أوسّان ن لحشام ن شاول كول. يانّاي شاول كول ئرݣزن ئيجهدن د كول تاروا ئيجهدن كول ئجمعتنيد غورس.