13
شاول ئيزري أوال ن ربّي
1 ئزري شاول أسݣاس ݣ لمولك نّس د ݣ ؤسݣاس و سين ݣ تلّا غورس ثانباطّ خف إسرائيل،
2 ئخثار شاول ئيخف نّس شراض والفن ن-ؤرݣاز زݣ إسرائيل، يلي ئيتس ألفين دينّا ݣ مخماس د ݣ عاري ن بيت ئيل، د ألف لاّن د يوناثان ممّيس ݣ تمازيرت ن جبعا ن بنيامين. ئد أينّا ئقّيمان زݣ شّعب يوزنثن كو أرياز غر ثخامث نّس.
3 أليݣ ئهجم يوناثان خف لقشلا ن-ئفليسطينيين ئيلاّن ݣ جبع سليناس ئيفليسطينيين ئسغويي شاول ݣ لبوق ݣ تمازيرت كول، ئينّا: "سفلداث أ-يعبرانيين".
4 سّفلدن كول أيت إسرائيل كول نّس أوال ن-ئيس ئيهجم شاول خف لقشلا ن-ئيفليسطينيين داي ئخمج ووال ئنݣراسن د إسرائيل، ئجمعد شّعب ضارت شاول ݣ لجلجال.
5 أها جمعند ئفلسطنييين أد حاربن إسرائيل، س تلاتين ألف ن لكرارس نيسان، د ستّا لاف ن-ؤمناي د شّعب أم رملا ن طرفت ن لبحر ݣ لعدّيت بنون ئخامن ݣ مخماس ݣ تسݣا ن-ؤنقّر ن تافوشت ن تمازيرت ن بيت آون.
6 أنّاين ئيرݣزن ن-إسرائيل ئسثن ثاغ لمصيبث، ئتخ ئيتّوژيّر شعب فّر ئخفاون نّسن ݣ ئفران د تابغوين د ئنݣرتژروثين د تسرفين د ونّا.
7 نضون ئعبرانيين أسيف ن الاردن ݣ تمازيرث ن جاد د جلعاد ئد شاول ئيقيمان ݣ لجلجال د شعب كول نّسن أر ثرݣيݣين ضراس.
8 أر ئتݣانّا شاول سبعا ن-ؤسّان لوقت نّا ئس ئݣا صَمُوئِيل أها ؤر ديدّي صَمُوئِيل غر جِلْجَالْ أها ئيرول شّعب زيݣس،
9 ئنّاسن شاول: «قرباثيد ثامغروصت ئتغوسن د ثمغراص ن لهنا» أها ئسّالي ثامغروصت ئتغوسن غاس نتّا.
10 يلي غاس أينّا س-ئيشمّل أسّلي ن-ثامغروصت ئتغوسن ها صَمُوئِيل يوض دينّا ئفغد شاول أد ئتس ئمجماع حما أت تيبارش.
11 ئنّاس صَمُوئِيل: «مايد ثݣيد؟» ئراراس شاول: «ئتخ أنّايخ شّعب ئرول غيفي شݣ ؤر ديتدّيد ݣ لميعاد ن-وُوسّان نݣا أود ئفليسطينيين جمعند ݣ مخماس،
12 داي نّيخ: «دغي أد ݣزن ئفلسطينيين غيفي ݣ لجلجال ؤدم ن ربّي ؤر ثيتّيرخ ژيّرخ ئخف ئنو داي سّاليخ ثامغروصث ئتغوسن».
13 داي ئنّاس صَمُوئِيل يي شاول: «أينّا ثݣيد ؤر ثيري ربّي! أها ؤر ثݣيد س لوصيث نّس، لوصيث نّا خفش ئوصّا ئوا دغي ئيكّا ئيتبّث ربّي ثاݣلّيت نّش خف إسرائيل أر أبدا.
14 ئد دغي، تاݣلّيت نّش ؤر ثنّي أتدوم، يوفا ربّي ئخف نّس أرݣاز أس ئيرا وُول نّس، ئݣت ربّي د ؤونبّاض خف شّعب نّس ئتخ ؤر ثݣيد س لوصيث نّا خفش ئوصّا ربّي.
15 ئيكر صَمُوئِيل يالي زݣ لجلجال غر جبعا ن بنيامين ئوث شاول أنفا ݣ شّعب نّا ئيتس ئلاّن يافن أم ستميا ن-ؤرݣاز
16 شاول د ممّيس يوناثان د شّعب نّا ئتس ئلاّن، قيمان ݣ جبعا بنيامين. ئد ئفلسطينيين بنان ئخامن ݣ مخماس.
17 فغند ئخوّان ن-ئيفليسطينيين س شراض ئجمّوعن ياث ؤجمّوع ثضور غر لجيهث ن عفرا غر تمازيرت ن شوعال.
18 يان ؤوجمّوع ثضور غر لجيهث ن بيت حورون. د يات لكبّانيّا ثضور غر لجيهث ن لحد ئسّيݣان خف ثالات ن صبوعيم ݣ صّحرا.
19 لوقت نّا ؤر ؤفين أود يان ؤومزيل ݣ تمازيرت ن-إسرائيل، نّان ئفلسطينيين حما أد ؤر عدلن ئيعبرانيين سلاح.
20 ݣزن أيت إسرائيل كول نّسن غر ئفليسطينيين أد شوُون كو أرݣاز ثاݣرسا نّس د ثينزيمت نّس د شّاقور نّس د ؤمݣر نّس.
21 ئد لخلاص ئكّا ئݣا سين لاتلات ن-شّاقل (أم تمانيا ن لݣرامات ن نقرت) ئتݣرسا د تينزيمين د تيزار ئدم شراض واشّيون د شواقر د ؤسطمنو ن-ئيد لمنغاز.
22 ݣ واسّ ن-ئمنغي، ؤر ئتواف سّيف ولا أحريش ݣ ئفاسن ن شعب كول نّسن لا وينّا ئيلاّن د شاول ولا د يوناتان غاس أينّا ئتييفان غر شاول د يوناتان.
23 ثفغد لقشلا ن-ئفيليسطينيين غر تيزي ن مخماس.