10
صَمُوئِيل داي مسّح شاول أديݣ أݣلّيد
1 ياسي صَمُوئِيل لقرعا ن زّيت أها ئفرّغت خف ئخف ن شاول، ئسّودمث أها ئنّاس: «ئيس ؤر ئد ئتخ شيمْسَح ربّي أها ئيخثارش أتحكمد خف لورث نّس؟
2 أدّاي ثدّود أسّا زيݣي، أتّافد سين ئرݣزن ثاما ن تمضلت ن راحيل (تامطوت ن يعقوب) ݣ تمازيرت ن بنيامين ݣ تمدينت ن صلصا، دّان أداش ئنين: «تيافانث تغيال نّا خف ثدّيد أر تنداث! دغي بّا نّش ئيزري أوال نينيدان خف ثغيال ئدّا أد غيفون ئيقلق، أد يني مايد دّيخ أديخ يي ممّي؟
3 ثزريد زݣ دينّا تدّود غر داث ثاوضن أسكلو ن تاسافث تاختارت ن طابور، أش أفين دينّا شراض ئرݣزن دّان غر تادّارث ن ربّي ݣ بيت إيل، يون يوسي شراض ئغجذن، يون يوسي شراط تمضلعين ن-ؤغروم، يون يوسي أݣدّيد ن شراب،
4 دّان أد غيفش سلمن شناش سناث ن توغريفين ن-ؤغروم، ثدّيد أتنت تامزد زݣ ئيفاسن نّسن.
5 ضارث ن ؤوينّا أد تدّوت غر جبل ن ربّي جبعا دينّا نّاݣ ثلاّ لقشلا ن لعسكر ن-ئيفيلسطينيين. ثدّيد غاس أنتاوض دينّا غر تمدينت أها تمجمعاد د يون ؤربّيع ن لانبيا ݣزند زݣ تيشّوت، ؤوسين دثاسن لوطار د تالّونث د تعوّاديت د لعود داي أر تكشافن،
6 ئدّا أد غيفش ديٍݣز رّوح ن ربّي، ثدّيد أدتكشافد ديتسن، أها تبدلد أتّيد يان ؤرݣاز ياضن.
7 داي أدّاياش جرونث تميتاراتخ، ئيݣ أينّا مي تسند هان ربّي ئيلاّ أݣيتش.
8 ثدّيد أتݣزد داثي غر تمازيرت ن لجلجال دينّا أݣ دّيخ أنݣزخ غورش أديخ ثيمغراص ئتغوسن انغرص ثيمغراص ن لهنا سبعا ن-وُوسّان أيد تݣنّايد أرد غورشن ندّوخ أها سنعتخاش مايد تدّيد أتّيد.
9 غاس ئيشاس شاول سيغير يي صَمُوئِيل، ئبدل ربّي ؤل نّس ئيشاس ؤل ياضن، جرونث ثميثار تّخ ݣ واسّ نّا نّيث.
10 دّوند غر جبل ن جبعا دينّا ئيمجماع د يان ؤربّيع ن لانبيا ئيݣزد غيفس روح ن ربّي، أريتكاشاف أمّاس نّسن.
11 داي كول وينّا ثيسّن زݣ شحال أيا أنّاينث دينّا أيد لانبيا أريتكاشاف نّان مدن ئنݣراتسن: «مايد ئيجران يي ممّيس ن قيس؟ ئد أود شاول ئيݣا نبي؟»
12 داي ئرار غيفسن يون ؤرݣاز زݣ دينّا ئينّا: «مايد ئمس بّاسن؟ أينّاخ أس دايتّيني لمتال: «أود شاول ئيݣا نبي».
13 داي ئشمّل شاول أكاشف، ئدّود غر تيشّوت.
14 ئسالثن عمّيس، نتّا دو خدّام نّس: : «ماني ثكّام؟» ئنّاس: «أرنتقلاّب خف ثغيال». داي ننّاي ئس ؤر لّينث داي ندّو غر صَمُوئِيل.
15 داي ئنّاسن عميس ن شاول: «ئنياتي عفاون مايد أون ئينّا صَمُوئِيل؟»
16 داي ئنّاس شاول يي عمّيس: «أوال ئصحان ئنّاياخ هاثين تيوفانث ثغيال». ئد أوال ن ثݣلّيت نّاس ئينّا صَمُوئِيل ؤوراست ئينّي.
17 داي ئغرد صَمُوئِيل ئ-شّعب أد جمعن داث ن ربّي ݣ لمصفاة.
18 ئنّاسن يي وراو ن-إسرائيل: هان أينّا ئينّا ربّي نّخ: «نكّين أيد ئسوفغن إسرائيل زݣ مصر، أها فوكّاخكن زٍݣ ئميصريين د زݣ ئيفاسن ن ثݣلّيدين نّا أر غيفون ئتعدّان».
19 كنّي أسّا، تزضم ربّي نّون، ونّا كون ئفوكّان زݣ لمصايب د لمحاين نّون كول أها ثنّاماس: «ئيݣ غيفنيخ أݣلّيد». دغي أدّوياد غر ذاث ن ربّي س تقبيلين نّون د لاهل نّون.
20 داي ئقربد صَمُوئِيل غر تقبيلين كول ن-إسرائيل أسند ئيلان ݣ تقبيلت ن بنيامين.
21 ئقربد غر تقبيلت ن بنيامين د أيت لاهل نّسن، أسند ئيلان ݣ ئغص ن مطري أسند ئيلان ݣ شاول مّيس ن قيس قلبن غيفس ؤر ثوفين.
22 داي سال ديخ ربّي: «ئيس ديدّا ؤرݣاز غر ديتخ؟» أها ئنّاسن ربّي: «هاثا ديتخ ئفّر ئخف نّس ئنݣرن ئقشوشن».
23 أزليند أسينثيد زݣ دينّا، أها قدمنثيد غر أرماس ن شّعب. أها ئغزيف شاول ؤݣار ن شعب كول ياݣرثن زݣ ئغاريون نّس سافلاّ.
24 داي ئنّا صَمُوئِيل يي شّعب كول: «ئيس تانّايم ونّا ئيخثار ربّي؟ ؤر ئلّي أم نتّا ݣ شّعب كول». داي سغويّن كول س لفراحيت نّان: «ئيحيا ؤوݣلّيد!»
25 ئسيول صَمُوئِيل يي شّعب خف لحق ن-ؤݣليد، ياريت ݣ لشتاب ئسرسث داث ن ربّي. داي يازنتن صَمُوئِيل كو أرݣاز غر تادّارث نّس.
26 ئدو أود شاول غر تادّارث نّس ݣ جبعا أها دّوند ئيتس ن-ئيرݣزن نّا جهدنين وينّا مي ئسّاغ ربّي ؤولاون نّسن.
27 ئد تاروا تار لاصل نّان: «ئيد واتخ أيداخ ئيتفوكّون؟» داي حقرنث أها ؤراس شين لهذيث. ئد شاول ئفستا أم ؤوعنزول.