9
صَمُوئِيل ئيجمع د شاول
1 ئيكّا يون ؤرݣاز زݣ تقبيلت ن-بنيامين، ئسم نّس قيس مّيس ن-أبيئيل مّيس ن-صرور ميس ن بكورة مّيس ن-أفيح، مّيس ن يان ؤرياز أبنياميني ئجهدن مّي ئيمقّور وادّور،
2 يلي غورس يان لعيل ئسم نّس شاول، أعرّيم ئيݣان زّين ؤر ئيلّي مايد ئيݣان أم نتّا ݣ وارّاو ن-إسرائيل، زݣ ئغاريون نّس س-افلاّ ئيغزّيف أوݣار ن شّعب كول.
3 داي زلنت تغيال يي قَيْس بّا نّس ن شاوُل، ئنّاس قَيْس يي ممّيس شاول: «عفاش أويي أݣيك يان زݣ ئعرّيمن كّر دّو قلّب خف ثغيال».
4 ئيك خف تمازيرت ن توريرين ن-أفراييم ئيك خف تمازيرت ن شليشا، ؤرتنث يوفي، ئيك ديخ خف تمازيرت ن شعاليم أود دينّا يوفي شا، ئيك ديخ خف تمازيرت ن بنيامين أود دّيس ؤورهنث يوفي،
5 داي دّوند غر تمازيرت ن صوف، ئنّاس شاول ئ-ؤخدّام نّس نّا ئيتس ئيلاّن: «أدّود أنعايد ئيبردان نّخ أد ؤر ئزري بّا أقلّب خف ثغيال أها ئعايد أد ئيحرق غيفنخ نكني».
6 ئنّاس ؤخدّام نّس: «عفاش ئلاّ يان ؤرݣاز ن ربّي ݣ ثمدينت-اد أرݣاز ئيبورزن، أينّا ئينّا كول دا يتجرو، دغي كراخ أد غورس ندّو ئسوراخ ئيتيني أبريد نّا نتكّا».
7 ئنّاس شاول ئ-وخدّام نّس: «واخّا هياخ ندّا غورس، مايد نتّاوي ئ-ؤرݣاز؟ أغروم ݣ صّيكان نّخ ئقضا، شان توكّي نّا ناكّا يي ؤرݣاز ن ربّي ؤورد تّيد نيوي مايد غورخ ئيلاّن؟»
8 ئيعاود ؤوخدّام ئيجاوب شاول ئينّاياس: «هايّي أوفيخ ݣ أوفوس ئينو رْبع ن شّاقل (أم شراض ن لݣرامات ن لفضا) أتشخ يي ؤرݣاز ن ربّي داي ئسنعثاخ أبريد نّخ».
9 زمان ݣ إسرائيل، ئمشيدخ أدّاي تّيني ؤرياز أدّاي ئدّو أد-ئيمشاوار د ربّي: أدّود أندّو غر أمكاشف ئتخ نّبي أسّا أر-اس قّار زمان أمكاشف.
10 داي ئنّاس شاول ئ-وخدّام نّس: «ئيغودا ووال نّش كراخ أندّو غر ثمدينت نّاي ئيلاّ ؤرياز ن ربّي».
11 ألّيݣ دولين ثساونت ن ثمدينت أفينن دينّا ئيتسنت ن تعرّيمين دّانث أداݣمنت أمان نّاناسنث: «ئيس ئيلاّ شان أومكاشف ݣ ؤودغارا؟»
12 داي جاوبنثن نّا نثاسن: «ئيلاّ ديتخ، دات-اون. دغي سرباث ئتخ أسّا أيد ئدّا غر ثمدينث أديݣ ثامغروصث يي شّعب ݣ تيشّوت.
13 غاس أثكشمم غر تمدينت-ادخ، ثدّام أتثافيم داث ن ما ݣ ئيتّالي غر تيشّوت أد-ئيتش ئتخ ؤر ئدّي شّعب أد-ئيتش أرد نياوض أد ئبارش ثامغروصت ثفّير ن-ؤوينّا دّان أد تشّين وينّا ئيتّوعرضن دغي ألياث أسّا أتثافيم».
14 ألين غر ثمدينت دّوند غر أمّاس ن ثمدينت. هاياش صَمُوئِيل! ئيفغد أديتسن ئيجمع أدالين غر تيشّوت.
15 ئيلاّ ربّي ئيرزم ئيمجّان ن صَمُوئِيل داث ن ما ݣ ديدّا شاول س يان واس، ئينّاياس:
16 «أسكّا أم لوقثا، دّيخ أنّازنخ يان ؤرݣاز زݣ تمازيرت ن بنيامين. أتدهند س زّيث أد ئحشم خف شّعب ئينو إسرائيل، أها ئيفوك شّعب ئينو زݣ ئيفاسن ن-ئيفليسطينيين، ئتخ أنّايخ شّعب ئينو، أها أوضند ئغويّان نّسن غوري».
17 ألّيݣ ينّاي صَمُوئِيل شاول. ئجاوبث ربّي: هان أرݣاز نّا خفاش ساولخ. واتخ أيد ئدّان أد ئحشم شّعب-ئنو.
18 ئيقربد شاول غر صَمُوئِيل ݣ لباب ن تمدينث: ئنّاس: «ئنيي عافاش، ماني تادّارث ئنو أمكاشف؟»
19 ئجاوب صَمُوئِيل شاول ئينّاياس: «نكّين أيد ئيݣان أمكاشف. ألياث داثي غر تيشّوت، أتتشّم ئدي أسّا، أزنخكن أسكّا تيفاوت، كول أينّا ئيلاّن ݣ ؤلاوون نّون دّيخ أد-اون ثينيخ.
20 ئد ثغيال نّاش يوشكان أسّا ويس شراض ن-وُوسّان أد ؤورش ئينقّا وُول نّش غيفسنث، ئتخ تيافانث. وين مي أيد ئيݣّا كول ؤينّا ئغودان ݣ-إسرائيل؟ ئس ؤر ئد وينش د وين تادّارت ن باب نّش كول».
21 ئيجاوبث شاول ئينّاياس: «ئيس ؤر ئد أبينياميني أيد ݣيخ، زݣ ثقبيلت ثامزيانت ݣ-إسرائيل؟ د-ئيغص نّخ أيد ئݣان أمژيان كول ݣ تقبيلين ن بنيامين، ئوا ماخ ألّيݣ دايي تّينيد أوال تخ؟»
22 ياوي صَمُوئِيل شاول د ؤخدّام نّس ئسكشمتن غر تادّارت، ئيݣاسن أدغار ݣ ئيمزوُورا ن-وينّا ئيتّوعرضن ئلين أم ثلاثين ن-ؤرݣاز.
23 ئينّاياس صَمُوئِيل يي بووسنوي: «شيد أمور نّا مي أش نّيخ أدجث غورش».
24 ئيهزّاد بووسنوي أضار ن-ؤكسوم د ؤوينّا غيفس ئيلاّن ئسرست داث ن شاول. ئنّاس صَمُوئِيل: «أينّا ئيقّيمان أيا سرست دتاش ثتشّت، ئتخ أش ؤدجّيخ لميعادا تّخ زݣ مايد نّيخ غريخ ئشعب». داي ئتش شاول د صَمُوئِيل ݣا واس نّا.
25 داي سرّحن زݣ تيشّوت غر تمدينت. ئسيول صَمُوئِيل ذ شاول خف سضوح ن تادّارت.
26 كّر زيك غاس أينّاس د يولي لفجر، ئغراس صَمُوئِيل يي شاول ئيلاّن خف سضوح ئنّاس: «كر أش سّيفضخ». ئيكر شاول فغن سّين نّسن نتّا د صَمُوئِيل غر برّا.
27 سرحن غر برّا ن تمدينت، ئنّاس صَمُوئِيل يي شاول: «ئنياس يي وخدّام نّش أد ئدّو دثاخ أها ئزوراخ ئد شݣ قّيم دغي حما أداش ئينيخ أوال ن ربّي».