8
1 داي ألّيݣ ئيوسّير صَمُوئِيل ئيوكّل ثانباط ن لحكام ن-إسرائيل يي وارّاو نّس.
2 أمنزو نّس ئسم نّس يوئيل ئذ ويسّين ئسم نّس أبيّا، ݣان ئحكّامن ݣ بئر سبع.
3 والاينّي ؤر دّين ݣوبريد ن-ئيبّاتسن، ثفور طمع، أر تّامژن رشوا أها ݣّين ثودماوين ي لحكام.
4 داي جمعند ئيمغار ن-إسرائيل كول نّسن، أها دّوند غر صَمُوئِيل ݣ رّاما،
5 داي نّاناس: «ها شݣّين توسّيرد، هان أرّاو نّش ؤوردّين ݣوبريد نّش، دغي عيّن غيفنخ أݣلّيد حما أد غيفنخ ئنبض أم ؤوينّا ئيلّان غر لݣنوس كول.
6 داي ئسطيراست واوال نّا ئ-صَمُوئِيل، ألّيٍݣاس نّان عيّن غيفنخ أݣلّيد أد غيفنخ ئينبض داي ئيژّال يي ربّي،
7 ئنّاس ربّي ئصَمُوئِيل: «سفلد يي واوال ن شعب يي كول أينّا دّان أداش ئينين هاثين ؤوريد شݣ أيد ؤررين والاينّي نكّين أيدوررين أذ ݣخ أݣلّيذ نّسن.
8 أم لخدايم نّا ݣان زݣ واس نّاݣ هنيد سّوفغخ زݣ تمازيرت ن مصر أر أسّا نّيث زريني دّون أرتعبادن ئد ربّي ياضن ئيمشيس أدّاش تݣن أود شݣ.
9 دغي سفلد يي واوال نّسن ثݣثاسن س رّاي ولاينّي علماسن أها ثينيثاسن لحق نّا غيفسن ئيلا أوݣلّيذ نّا ئدّان أد غيفسن ئيحشم.
10 داي ئنّاسن صَمُوئِيل أوال كول أس ئينّا ربّي يي شعب نّاس ئيترن أݣلّيد،
11 ئنّاسن: «هان أينّا غيفون ئيلا أوݣلّيد نّا ئدّان أد غيفون ئيحشم: ئدّا أد ياوي أرّاو نّون ئيݣثن ئيخف نّس ديعسكريين يي لكرارس نّس ديمناين نّس أها أرهن ئسازلا داث ن لكرارس نّس.
12 ئيݣثن ئخف نّس د لقيّاد ن-لولوف د لقيّاد ن-ئيد خمسين نوعسكري أد كرزن ئݣران نّس مݣرن صّابث نّس د ئصنايعين ن-سلاح د لعدّا ن لكرارس نّس.
13 أها ياوي تشيرّاتين نّون أداس عْدَّلـنث رّيحا، سنون ؤتشي نّس أها سنون أغروم نّس،
14 أينّا ئيژيل ݣ ئيݣران د دّاليات د وُورثان ن زّيثون ئدّا أتياوي أتيش ئسمخان نّس.
15 ئدّا أديتّاسي لعشور زݣ زرّيعث نّون، د دّيليت نّون أها ئيشت يي ئد ريّاس نّس د ئسمخان نّس.
16 ياوي ئسمخان نّون د تسمخين نّون د مايد ئژيل ݣ ئعرّيمن نّون دئغيال نّون أثن ئسخدم ݣ لخدايم نّس.
17 أها ياسي لعشور زݣ لمال نّون ثݣيم ئسمخان نّس.
18 تسغوييم ݣ واسّ نّا يي ربّي، داث ن-ؤݣلّيد نّا تخطارم يي ئخفاون نّون، ولاينّي ؤر ئدّي ربّي أداون ئسفلد ݣ واسّ نّا.
19 أها ؤر ئيري شعب أد ئسفلد يي ووال ن صَمُوئِيل نّاناس: «لا! أݣلّيد أيد غيفنخ ئيتنباضن».
20 داي نيلي أود نوكني أم لݣنوس ظنين، ئحكم غيفنخ ؤوݣليد نّخ ئدّو غر داث دثاخ ئيحارب لحروب نّخ».
21 ئسفلد صَمُوئِيل يي واوال كول ن شعب أها ئيعاودت يي ربّي،
22 داي ئنّاس ربّي: «سفلد يي ووال نّسن أها تخطارثسن أݣلّيد». ئنّاسن صَمُوئِيل ئيرݣزن ن-إسرائيل: «كّو يون أد ئدّو غر ثمدينث نّس».