7
تّابوث ن لعاهد ن ربّي ݣ تادّارث ن-أبيناداب
1 داي دّوند أيت قريات يعاريم أسين تّابوث ن لعاهد ن ربّي أها أوينث غر تادّارت ن-أبيناداب نّا ئلّان خف تيشّوت، أها فرزن أليعازر، ممّيس ن-أبيناداب أديݣ أعسّاس خف تّابوث ن لعاهد ن ربّي.
2 زرين شيݣان ن-وُوسّان خف تّابوث ن لعاهد ن ربّي ݣ قريات يعاريم، عشرين ن-ؤسݣاس أيد ديݣس ئيكّا تّابوث، داي موغين ؤلاون أيت تادّارت ن-إسرائيل كول نّسن خف ربّي.
3 داي ئينّا صَمُوئِيل يي أيت تادّارت ن-إسرائيل كول نّسن: «مش ثرام أتعايدم غر ربّي زݣ ؤلاوون-نّون، أد-ؤور تعبادم ئد ربّي ئبرّانيين زݣ ومّاس-نّون ثكسم صّنم ن عشتاروت، ثراريم ؤولاون نّون غر ربّي تعبدمت غاس نتّا. بار أكن ئيفوك زݣ ئيفاسن ن-ئي-فيلسطينيين».
4 داي كسن وارّاو ن-إسرائيل ﻻصنام ن-ئيد لبعل د عشتاروت، أها عبدن ربّي وحدو.
5 داي ئينّا صَمُوئِيل: «جمعاد أيت إسرائيل كول ݣ لمِصفاة حما أذژّالّخ يي ربّي زݣ تنيلا-نّون».
6 داي مجماعند ݣ لمِصفاة أها أݣمند أمان نغلينثن ݣ أشال دات ن ربّي، أزومن ݣ واسّ نّا، نّان: «نعصا ربّي». داي ئحشم صَمُوئِيل خف ورّاو ن-ئسرئيل ݣ لمِصفاة.
7 نتا سلّان ئيفلسطينيين ئس جمعن وارّاو ن-إسرائيل ݣ ثامدينث لمِصفاة، أليند ئخاتارن ن-ئفليسطينيين أثن حاربن. داي ألّيݣ دييوض لخبارغر أرّاو ن-إسرائيل ݣّدن زݣ ئيفلسطينيين،
8 داي نّاناس ئ-صَمُوئِيل: «أد ؤر تفستا سغُوي غر ربّي-نخ، بار أداخ ئيفوك زݣ ئيفاسن ن-ئيفليسطينيين.
9 داي يامژ صَمُوئِيل يان ؤعلّوش ئݣث كول نّس د تامغروصث ئيتغوسن يي ربّي، أها ئسغُوي صَمُوئِيل غر ربّي زݣ ثنيلا ن-ورّاو ن-إسرائيل، أها ئواجباس ربّي.
10 ألّيݣ ديدّا صَمُوئِيل أد ئيش ثامغروصث ئيتغوسن، دّوند ئيفلسطينيين أد حاربن أرّاو ن-إسرائيل، أها ئسضيقس ربّي تيݣنوث ئجهدن خف ئيفلسطينيين ݣ واسّ نّا ئيوتن ربّي أها ثيارّان داث ن وارّاو ن-إسرائيل.
11 داي فغند ئرݣزن ن-إسرائيل زݣ لمصفاة أها ژّعن ئيفلسطينيين أر دّاو ن يون ن وانسا ئسم نّس: بيت كار.
12 داي ياسي صَمُوئِيل يان ئسلّي داي ئسيرسث ئنݣر لمصفاة د ونسا نّسن، داي ئسمّاث "بن عازر" (لمعنى نّس ئسلّي ن لعوان). ئينّا: «أر داتخ ئسعاوناخ ربّي».
13 داي أوحل ئيفيلسطينيين أها ؤر دجّين عاودن أد زرين ئيبضان ن تمازيرت ن-إسرائيل، ئتخ ؤر ئكّيس ربّي أفوس نّس غيفسن ؤوسّان ن تودرث ن صَمُوئِيل كول.
14 عايدند ثمدينين نّا ئيوين ئيفليسطينيين يي وارّاو ن-إسرائيل، زݣ تمدينت ن عقرون أر تمدينت ن جت فوكّانت أيت إسرئيل زݣ ئفاسن ن-ئيفليسطينيين، أها يِلي لهنا ئنݣر إسرائيل ذ تقبيلت ن-أمُوريين.
15 داي أرئحشم صَمُوئِيل خف إسرائيل ؤوسّان ن تودرت نّس كول،
16 كو أسݣّاس دايتدّو ئنݣر بيت ئيل ذ-لجلجال ذ-لمصفاة حما أذ-يحشم ئنݣراتسن ݣ ئدغارّا-تخ كول.
17 أها ئعايد غر رّامة نّاݣ ثلاّ ثادّارث نّس دينّا أݣ أر ئيحكّم يي أيت إسرائيل. أها ئبنو ديݣس يان ؤوسغرص يي ربّي.