5
تّابوث ن لعاهد ن ربّي ݣ أشدود
1 أسين ئيفلسطينين تّابوث ن لعاهد ن ربّي أها أوينث سݣ تمازيرث ن بن عازر غر تمدينث ن أشدود،
2 داي أوينثيد غر تادّارت ن صّنم نّسن داجون أها سرسنث تما نّس.
3 سا سكّا نّس كرن آيت أشدود زيك، أفينن صّنم نّسن داجون ئݣان ربّي نّسن ئيتّوتي غر أشال خف وُذم نّس داث ن تّابوت ن لعاهد ن ربّي، هزّانث سبدّينث ݣ ؤدغار نّس.
4 كرن زيك ديخ ݣ تيفاوت ن واسّ ويسّين أفين داجون ئتّوتي غر أشال دات ن تّابوث ن لعاهد ن ربّي ئخف نّس د ؤوراون نّس تّوݣران غر لعتبت أها ؤوراسن ئقّيمي غاس لݣنازث ن داجون.
5 خف أوياد، ؤوردا تعفاسن ئكهّان دوينّا ئكشمن غر ثادّارث ن داجون لعثبث ن لباب ن تادّارث ن-داجون ݣ أشدود أر أسّا.
تّابوث ن لعاهد ن ربّي ݣ جت ذ عقرون
6 داي ثوعير ثيثي ن-ؤفوس ن ربّي خف آيت أشدود ئيوّتن ربّي ئيخلاتن س لبّاسر ݣ أشدود دمايت ئدجّار كول.
7 ألّيݣ أنّاين مدن ن أشدود أينّاتن ياغن نّان: «أور-يتغيما تّابوث ن لعاهد ن ربّي ن-إسرائيل غورخ، ئتخ ئيقسح أوفوس نّس غيفنخ د خف داجون ربّي نّخ».
8 أها غريند ئيْيخاثار ن-ئيفلسطينيين كول أها نّاناسن: «مايد نتݣّا يي تّابوث ن لعاهد ن ربّي ن-إسرائيل؟» جاوبنثن: «أويات غر تمدينت ن جت». داي أويند تّابوث ن لعاهد ن ربّي ن-إسرائيل،
9 ألّيݣ تيدسّيوضن ئيوّث ربّي سوفوس نّس تمدينت داي خلعن شيݣان ئيوّث مدن ن تمدينث ئمزيان ديخثار داي ابضينث ديݣسن لبّاسر كول نّسن.
10 داي أزن تّابوث ن لعاهد ن ربّي غر تمدينت ن عقرون. ماشان غاس يوضن تّابوث ن ربّي عقرون، سغويين: «أوزنّاخد تّابوث ن لعاهد ن ربّي ن-إسرائيل حما أداخ خلون كول، خلون شعب نّخ».
11 داي أزن جمعند ئيخثار ن-ئيفليسطينيين كول نّان: «سبعداثاخ تّابوث ن لعاهد ن ربّي ن-إسرائيل رارات غر أدغار نّس أدور نخلو نكني د شعب نّخ»، ئتخ ثومز لخلاعيث مدن ن ثمدينث كول أها ثوعير ثيتي ن-ؤفوس ن ربّي غيفسن شيݣان،
12 ميدن نّا ؤر ئمّوثن تّوثن س-لبّاسر، ؤلين ئغويّان نّسن يي ماي ثن ئيتفوكّون غر ئݣنّا.