Te Tbꞌay Uꞌj Stzꞌibꞌen Waꞌnch
1
Ntzani Jun Tpakbꞌalil Aj Qebꞌen Bꞌanꞌax Tiꞌj Te Aj Owok Qena Tukyꞌi Kykabꞌil Qwitz
1 Qetza [nqet qtzꞌibꞌaꞌna etetz] tiꞌj te aj atqet tuq bꞌan tbꞌay-el,* bꞌix tiꞌj te aj owok qchaꞌoꞌna, bꞌix aj owok qeꞌeꞌna tukyꞌi kykabꞌil qwitz. Oje tzꞌok qena bꞌix owok qmakoꞌna tukyꞌi jqꞌabꞌ. A tetz [Jesukrist]* aj swal qanqꞌin.* 2 Tetz obꞌet twitz ja txꞌoꞌtxꞌni bꞌix qetza owok qena, bꞌix nxik jqꞌumaꞌna bꞌanꞌax tiꞌj tetz bꞌix nxik qpakbꞌaꞌna exol etetz, tetz itzꞌoj te jun-eleꞌx, atqet tuq tukyꞌi Qtata Dios bꞌix ajnaꞌl oje tzul tzan tok qen. 3 Kyaqil aj oje tzꞌok qchaꞌoꞌna bꞌix aj oje tzꞌok qena tiꞌj, nxik qpakbꞌaꞌna etetz tzan qokslan tiꞌj tetz parej qkyaqil, bꞌix bꞌanꞌax qotzqiꞌ te Qtata Dios bꞌix te Jesukrist aj Tkꞌwaꞌal. 4 Kyaqil ntzani nqet qtzꞌibꞌaꞌna te etetz tzan qchalaj bꞌan byenech.*
Te Qtata Dios Chꞌinwt Nyaꞌtx Galan Tiꞌj Bꞌix Bꞌaꞌn Tzan Tqet Tnajsaꞌ Qchoj
5 Bꞌix aj ntzani te tpakbꞌalil aj owok qchaꞌoꞌna tukyꞌiꞌl bꞌix nxik qpakbꞌaꞌna te etetz tiꞌj te Qtata Dios: Tetz bꞌan galana bꞌix tiꞌj tetz chꞌinwt nyaꞌtx galan.b 6 Ntons qetz, qa oxeꞌl jqꞌumaꞌ qa galan atoꞌ tukyꞌiꞌl, bꞌix qa tzunx nqobꞌet tuj te nyaꞌtx galan,c ikxji cha nqonikꞌon, nyaꞌtx bꞌanꞌax qitzaꞌ, bꞌix kꞌontiꞌl nqet njkꞌuluꞌ iktzaꞌ te tumeꞌl bꞌanꞌax. 7 Per qa qetz nqobꞌet tuj tumeꞌld iktzaꞌ tetz tuj tumeꞌl nkꞌulun kyaqil, ntons galan atoꞌ qxolx bꞌix te [tkamiky aj telen] xhchikyꞌel te Jesukrist nꞌel tin kyaqil qchoj. 8 Qa qetz oxeꞌl jqꞌumaꞌ kꞌontiꞌl qchoj, ntons aꞌoꞌxk qetz nqet qeqꞌiꞌ qibꞌ, bꞌix kꞌontiꞌl jun bꞌanꞌax qukyꞌiꞌl; 9 per yatzun qa ojawetz jqꞌumaꞌ qchoj, ntons te Qtata Dios jun yolin bꞌix oqtel tkꞌuluꞌ tumeꞌl, oqtel tnajsaꞌ te qchoj bꞌix owelal tin kyaqil aj nyaꞌtx galan tuj qanim. 10 Qa qetz oxeꞌl jqꞌumaꞌ kꞌontiꞌl maꞌtx qojoyon choj, ntons ikxji qetz nxik jqꞌumaꞌ iktzeꞌxtzun te Qtata Dios jun laꞌj, bꞌix ikxji kꞌontiꞌl nqoꞌokslan te Tyol.*