Te Tpakbꞌalil Galan Tiꞌj Te Qajaw Jesukrist Aj Oqet Stzꞌibꞌaꞌ Matey
1
Kye Tijajil Aj Jaꞌ Owel Te Jesukrist Tiꞌj Te Tnan
2 Ntons, te Abran a tetz kꞌwaꞌlon tiꞌj Isak, bꞌix te Isak kꞌwaꞌlon tiꞌj Jacob, bꞌix te Jacob kꞌwaꞌlon tiꞌj Juda bꞌix kyiꞌj kye txqꞌanky aj titzꞌin. 3 Te Juda otzaj tkꞌwaꞌliꞌ tiꞌj Tamar te Pars bꞌix Sar.a Bꞌix te Pars kꞌwaꞌlon tiꞌj Esrom, bꞌix te Esrom kꞌwaꞌlon tiꞌj Aran. 4 Te Aran kꞌwaꞌlon tiꞌj Aminadab, bꞌix te Aminadab kꞌwaꞌlon tiꞌj Naxhon, bꞌix te Naxhon kꞌwaꞌlon tiꞌj Salmon. 5 Te Salmon otzaj tkꞌwaꞌliꞌ tiꞌj Rakab te Boxh, bꞌix te Boxh otzaj tkꞌwaꞌliꞌ tiꞌj Rut te Jobed, bꞌix te Jobed kꞌwaꞌlon tiꞌj Jesay.b 6 Te Jesay kꞌwaꞌlon tiꞌj Dawid aj twitzaleꞌ kꞌulul mandad, bꞌix te Dawid otzaj tkꞌwaꞌliꞌ te Salomon tiꞌj te [Betsabe] aj txuꞌjel tuq Uriys. 7 Te Salomon kꞌwaꞌlon tiꞌj Roboam, bꞌix te Roboam kꞌwaꞌlon tiꞌj Abiys, bꞌix te Abiys kꞌwaꞌlon tiꞌj Asa. 8 Te Asa kꞌwaꞌlon tiꞌj Chospat, bꞌix te Chospat kꞌwaꞌlon tiꞌj Joran, bꞌix te Joran kꞌwaꞌlon tiꞌj Osiy.c 9 Te Osiy kꞌwaꞌlon tiꞌj Jotan, bꞌix te Jotan kꞌwaꞌlon tiꞌj Akaꞌxh, bꞌix te Akaꞌxh kꞌwaꞌlon tiꞌj Esekiy. 10 Te Esekiy kꞌwaꞌlon tiꞌj Manases, te Manases kꞌwaꞌlon tiꞌj Amon, bꞌix te Amon kꞌwaꞌlon tiꞌj Josiy. 11 Te Josiy kꞌwaꞌlon tiꞌj Jekoniys bꞌix kyiꞌj kye txqꞌanky aj titzꞌin, tuj aj tyemp aj kxik in kye aj tijajil Israel tuj Babilony.* 12 Aj akyeqet tuq tuj Babilony, te Jekoniys tetz otzaj tkꞌwaꞌliꞌ Xhlatyeꞌl, bꞌix te Xhlatyeꞌl kꞌwaꞌlon tiꞌj Xhbabeꞌl. 13 Te Xhbabeꞌl kꞌwaꞌlon tiꞌj Abyuxh, bꞌix te Abyuxh kꞌwaꞌlon tiꞌj Elyakim,d bꞌix te Elyakim kꞌwaꞌlon tiꞌj Asor. 14 Te Asor tetz kꞌwaꞌlon tiꞌj Chok, bꞌix te Chok tetz kꞌwaꞌlon tiꞌj Akim bꞌix te Akim tetz kꞌwaꞌlon tiꞌj Elyu. 15 Te Elyu kꞌwaꞌlon tiꞌj Elyaꞌxh, bꞌix te Elyaꞌxh kꞌwaꞌlon tiꞌj Matan, bꞌix te Matan kꞌwaꞌlon tiꞌj Jacob. 16 Bꞌix te Jacob kꞌwaꞌlon tiꞌj Chep aj tichmil Liy, bꞌix tiꞌj te Liy owitzꞌjik te Jesus, aj nꞌok qꞌumaꞌ Te Koloyon Aj Qꞌumankaj Oqtxiꞌ.e
17 Ntons ojetq tuq kyꞌik kajlajuj chmanbꞌaj kxol te Abran bꞌix max te Dawid. Bꞌix yaji okyꞌik junky kajlajuj chmanbꞌaj kxol te Dawid max aj kxik in kye aj Tijajil Israel tuj Babilony, bꞌix yaji junky kajlajuj chmanbꞌaj okyꞌik atx aj kxiklen in kye tijajil Israel tuj Babilony max aj titzꞌjik Te Koloyon Aj Qꞌumankaj Oqtxiꞌ.f
Titzaꞌ Owitzꞌjik Te Jesukrist
18 Ntons, te Jesukrist owitzꞌjik ikxjani: Te Liy aj tnan te Jesus, ojetq tuq qet stzaqꞌbꞌeꞌ tzan tok junan tukyꞌi Chep;* per aj minaꞌ tuq kyok junan te Liy okaj kyꞌaqwaj tzan [tajwalil] te Txew Dios. 19 Te Chep, komo tetz jun bꞌan galan xjal tuq, kꞌon tgan tuq tzan tel tpakbꞌaꞌ tiꞌj te Liy, astilji oqet tbꞌisuꞌ tzan tkaj tsiꞌ tuq te Liy ewj. 20 Bꞌix tzunx tuq tetz nqet tbꞌisuꞌ ikxji, yaji jun ángel tmandader Qajawil ojaw kanet twitz tuj twitzikꞌ bꞌix oxik tqꞌumaꞌ tetz ikxjani: “Chep, yatz aj tijajil Dawid aꞌich, kꞌon chbꞌisun tzan tjaw axujelaꞌ te Liy, tzan tpaj te tal aj owitzꞌjel, tkꞌwaꞌl Txew Dios. 21 Te Liy owitzꞌjel jun tal bꞌix yatz owokel asiꞌ tbꞌi Jesus* tzan tpaj tetz [tbꞌi telponx] okoloyon kyiꞌj kye tijajil tiꞌj te kchoj.”*
22 Kyaqil ntzani okyꞌik tzan tponkix te aj ojetq tuq tzaj tqꞌumaꞌ te Qajawil tukyꞌi te [Chay] aj yolil tyol oqtxiꞌ aj txik tqꞌumaꞌ ikxjani: 23 “Jun xuj aj minaꞌ tok ten twitz ichan owokelten tal, bꞌix otzajel jun tal ichan aj owokel siꞌ tbꞌi Exhweꞌl aj telponx te Qtata Dios atqet qukyꞌiꞌl.”*
24 Ya ma tzaj kꞌasik te Chep tiꞌj te twitzikꞌ, oqet tkꞌuluꞌ iktzaꞌxkix ojetq tzaj tqꞌumaꞌ te ángel aj tlajen Qajawil bꞌix ojaw txujelaꞌ te Liy. 25 Per kꞌontiꞌl oqet witan tukyꞌiꞌl maxkix aj titzꞌjik te tal, bꞌix te Chep owok tsiꞌ tbꞌi Jesus.*