NJAKUBU
Mantû ma baarûa îno
Baarûa îno ya Njakubu aandîkîîre yo Ayaundi bara baarî Akîrîstû.
Baarûa îno yonthe i mataaro marî ku. Njakubu augîîte agîkinyagîîria atî, mantû mara muntû wonthe ûra eebîtaga Mûkîrîstû arûthaga nwa mwanka magwatanîre na wîtîgio bwa gîîkîrîstû. Mûkîrîstû wegua ûtirî mûtongu, bûbu t'ûntû. Wagerua wîtîgio bwaku, ûmia mûno ûtikaaye kûgwa magerioni. Mûkîrîstû mûthûûro ti mwega. Ûtikoonere nkîa wenda bara batongu bonka. Rûthîra muntû ûra ûngî bûra wana woû wenda ûrûthîrwa. Ûtikeende kwathwa i mawîrirîîria ma mwîrî, na menyagîîra rûrîmî rwaku. Îînenkanîre kîrî Ngai, ûmwîrîgîre we wenka akwe ûûme. Rega mantû ma Nkoma. Ûtigeekumîrie mantû mara ûbangîîte kûrûtha. Na wegua ûrî Mûkîrîstû ûmûtongu, teethia bara batarî na bio. Tuîka mûûmîîria, îgagua bara bangî kîao, na rombagîra antû bonthe bara bakwenda ûteethio bwa Ngai.
Gwookubî baarûa îno îkari ûûgû:
Nkeethi (1:1)
Gûtûûra na wîtîgio na ûûme (1:2-18)
Kwîgua na kwathîkîra ntûmwa ya Ngai (1:19-27)
Ûtikoone itonga na bara barî îgweta tabo barî gîtûmi nkûrûki ya nkîa (2:1-13)
Wîtîgio na mantû mara muntû arûthaga (2:14-26)
Kûmenyeera mîgambo (3:1-12)
Ûûme bwa kuuma îgûrû na bwa nthîgûrû (3:13-18)
Ûtikeende mantû ma nthîgûrû (4:1-5:6)
Ûûmîîria, kîao na maromba (5:7-20)