Tito i

TITO

Mantû ma baarûa îno

I Paûrû aandîkire baarûa îno na aandîkîîre yo muntû eetagwa Tito. Tito aarî Mûkîrîstû eerutîîte gûteetheeria Paûrû gûtambia ntheto îmbega ya Yiesû Kîrîstû. Aarî Mûngiriki. Tito akîandîkîrwa baarûa îno aarî gîcîgîîrioni kîa îria gîetagwa Kiriti. Aatigîîtwe naagu gîcîgîîrioni gîku arûngamîîrîîte gûkûra gwa kanica.

Baarûa îno îrî na mantû mathatû. Ûntû bwa mbere, Paûrû nakûririkania Tito bûra mûkarîre wa mûtongoria wa kanica ûbatîîrue wîgua ûkari. Na mûno mûno, Paûrû eerîîte Tito amenye antû ba Kiriti akubî bonthe baarî mûkarîre ûtaagîrîte. Ûntû bwa maîrî nabu, Paûrû narutanîîte Tito kaingo Tito n'we akaarutana antû bonthe kûringana na ûkûrû bwao, wegua n'akûrû bara bakûrû, ntindiri (kaingo nacio irutana eekûrû baîthî), antû baîthî, na nkombo. Na ûntû bwa mathatû bûra Paûrû eerîîte Tito n'atî, Mûkîrîstû abatîîrue eegua arî muntû wa ûkiri na wa wendo, atarî rûmena, atakûthetania na antû, kana areeta kwathûkana.

Gwookubî baarûa îno îkari ûûgû:

Nkeethi (1:1-4)

Bûra atongoria ba kanica babatîîrue beegua bakari (1:5-16)

Bûra Mûkîrîstû abatîîrue eegua akari (2:1-15)

Mûtûûrîre wa gîîkîrîstû (3:1-11)

Mantû ma mûthia (3:12-15)