PIREMONI
Mantû ma baarûa îno
I Paûrû aandîkire baarûa îno. Na wata ûgu îgwîtwa, aandîkîîre yo muntû eetagwa Firemoni. Firemoni akîonoka i Paûrû aamûtûmîîrie, na akwonoka baatuîka acoore.
Firemoni naarî na nkombo yeetagwa Onesimas. Îgiita rîmwe Onesimas aatoorooka aathi eebitha taûni înene. Taûni înu îkîthûgaanîrua yarî Rooma, n'ûntû i noogo boonanîîre Paûrû athaîkîîtwe nceera. Bakwonana Paûrû amûtûmîîria oonoka. Paûrû eenda Onesimas mûno, mwanka aakara ûû ta mwana wake wengwa.
Gîtûmi kîongwa gîa Paûrû kwandîkîra Firemoni, neendaga kûmwîra, kwa wendi bwake, eenda eetîgîîrie Onesimas acooke gwake. Na bwa maîrî, Paûrû eendaga kûmûmenyithia agîîtîgîîria Onesimas amenye Onesimas nagarûkîîte, na i mwanya mûno na rîra aamwiyî. Kwoogu eendaga Firemoni atikoone taka akwenda akî kûmwîra arekere nkombo, amîîtîgîîrie îcooke gwake. Eendaga mûno Firemoni amenya Onesimas îîndî atuîkîîte mûruagina ûmwonoku.
Paûrû ateenda gûkinyîîria Firemoni mûno. Ariuga naiyî bûra wîtîgio na wendo bwake bwagana. Na kwoogu naiyî bûra bunthe aamwîraga arûthe akaarûtha kana kinya arûthe nkûrûki.
Gwookubî baarûa îno îkari ûûgû:
Nkeethi (-1-3)
Gûkumia Firemoni (-4-7)
Bûra Paûrû eendaga Firemoni arûtha (-8-22)
Kûthiria (-23-25)