2 TIMOTHEO
Mantû ma baarûa îno
Gûntû kûra kûnene baarûani îno, Paûrû eerîîte Timotheo mantû mara abatîîrue arûtha n'ûntû baarutaga ngûgî îmwe n'we arî ûmûniini akîmûteethagîîria. Mworooto wa baarûa îno i kûûmîîria. Paûrû eerîîte Timotheo atigaatige gûkûûyîîra Yiesû Kîrîstû arî na mma nkorooni yake. Amwîrîîte akarage arikîîtie ûrutani bûra bûrî bwa mma bwa ntheto îmbega, na bwa *Kîrîîkanîro Gîîkûrû. Kaîrî Paûrû amwîrîîte atikaariganîrue i ngûgî yake ya kûrutana na ya gûtûmîîria. Îndî akîmenyaga kûthîîna na kûmenwa kûrî oogo.
Paûrû eerîîte Timotheo amenyagîîre mûno ûgwati bwa kûgwetanîrua na nkarari cia waa, n'ûntû ititeethagia, i kwînyangia ciînyangagia bara baciaragia. Na kîrî mama monthe, Paûrû amwîrîîte athûkie ngerekano na mûtûûrîre wake, gîtûmi kîa wîtîgio bwake, weteera, wendo, kûûmîîria na kûnyamaarua.
Gwookubî baarûa îno îkari ûûgû:
Nkeethi (1:1-2)
Ûtikeegue ngûgî ya Mwathani îgi (1:3-18)
Bûra ûûmba gûtuîka mûcikaarî ûmwega wa Kîrîstû (2:1-26)
Bûra antû bakeegua bakari ntugû cia mûthia (3:1-9)
Karaga ûrî mwîtîgua (3:10-4:8)
Mantû ma mûthia na nkeethi (4:9-22)