1 TIMOTHEO
Mantû ma baarûa îno
Timotheo aatuîkire Mûkîrîstû arî muntû ûmwîthî. Gina aarî Mûyaundi, na îthe aarî Mûngiriki. Timotheo aathiiyanagia na Paûrû akîthi gûtûmîîria.
Baarûa îno îrî na mantû mathatû. Ûntû bwa mbere bûra Paûrû agweteete, i kwîmenyeera îgûrû rîa ûrutani bwa ûrongo makanicaani. Ûrutani bûra bwarî oogo bwarî bwa Kîîyaundi bungeene na bûtarî bwa Kîîyaundi. Bwarî ûrutani bwa wîtîgio bwa kuuga atî, nthîgûrû n'ya wîyia. Na kwoogu gûtirî muntû aûmba kwonoka arî gûkû nthîgûrû, nwanga na njîra ya ûmenyo bwa ciri nna, kana muntû akîrûthaga mantû mamwe ta kûrega kûrîîyaga irio bia mûthemba mûnna, kana kûrega kûgûrana, kana kûgûrwa.
Ûntû bwa maîrî bûra Paûrû agweteete baarûani îno i mantû ma wathani bwa kanica. Na kaîrî aacooka aagweta njîra îra îbatîîrue ya kûrombaga Ngai. Noonanîîtie bûra mîkarîre ya atongoria ba kanica na ateetheeria baao îbatîîrue îîgua îkari. Na ûntû bwa mathatû bûra Paûrû athirîîtie nabu baarûa îno i kwîra Timotheo arûthage mantû meega ta mûruti ngûgî wa Yiesû Kîrîstû. Na aririkanage mûrigo ûra arî na uu kîrî nthuke cionthe, bara barî eetîgîri.
Gwookubî baarûa îno îkari ûûgû:
Nkeethi (1:1-2)
Îmenyeereeni kîrî aarimû ba ûrongo 1:3-11
Ûtugi bûra Paûrû eetwe (1:12-20)
Rîra antû bakûromba kanicaani (2:1-15)
Atongoria ba kanica (3:1-16)
Bûra Paûrû eerire Timotheo arûthage (4:1-16)
Ntigwa na antû bara bangî ba kanica (5:1-6:2)
Mantû ma mûthia (6:3-21)