NAUMU
1
1 Îno i ntûmwa ya gûkaania antû ba Ninebe. Îra yaandîkirwe kîrî kîoneki kîra kîoniirue kîroria Naumu wa kuuma Erikosi.Mûthûûro wa Ngai kîrî Ninebe
2 Mwathani i Ngai wa rûriitho na wa kûrîia;
n'eereagîria na nwa athûûre mûno.
Mwathani neereagîria kîrî anthû baake
na nwa akaanûkie anthû baake na mûthûûro.
3 Atithûûrangaga na mpwî na arî inya înene;
na atiirega gûkaanûkia ûra arî na îbîtia.
Njîra yake îrî ruuoni na kîbuubaniini,
matu namo i tîîri ya mbayo ciake.
4 Aathaga îria na agatûma rînyaara;
agaatûma miuro yonthe yûûma.
Ndîîthia ya rûriî rwa Mbasani na ya karîma gîa Karimeri îkanyaara,
na marao ma Rebanoni makanyaara.
5 Irîma ibithetemaga mbere yake,
na tûrîma tûgakanjûka.
Nthîgûrû iinainaga mbere yake,
nthîgûrû na bionthe bira bitûîre ku.
6 N'ûû ûûmîîria mûthûûro wake ûmûnene?
N'ûû ûûmîîria mûthûûro wake ûgwankana ta mwanki?
Mûthûûro wake ûtûûragwa ta mwanki,
na njara cia maiga i ciatûkangaga mbere yake.
7 Mwathani n'ûmwega,
i wîbitho îgiita rîa thîîna;
n'amenyagîîra bara bamwîtîgagia.
8 Îndî akaathiria anthû baake cwe
na îkondoria rîînene;
akeengatia bara bamûthwîre mwanka mwinduuni.
9 Bûra bunthe babaangaga îgûrû rîa Mwathani
akabûkinyithia mûthia;
thîîna îtiiya rîa maîrî.
10 Bagaakoorua i mîîgua
na batogoone i ndibei yao;
bakaarûngûrua ta rûûa rûûmo.
11 Kuuma kîrî woû, woû Ninebe, ikuumîîte ûmwe
ûra abaangagîra Mwathani ûthûûku
na eeyanaga mataaro ma ûthûûku.
12 Mwathani ariuga ûûgû:
“Wana wegua barî na inya mûno na barî baingî,
bakaathirua na barimîrie cwe.
Wana wegua ndarakûthîînia, woû Njunda,
ntikûnyamaaria kaîrî.
13 Îîndî nkaunanga îcoki rîao kuuma nkingo cienu
na ntuîkangie nyororo cienu.”
14 Mwathani n'arutîîte watho îgûrû rîaku, woû Ninebe, ariuga,
“Ûtiîgua ûrî na nciarwa cia gûtiga nacio riîtwa.
Nkeenyangia mîbuanaano ya gûcaa na ya gûtura
îra îrî nyomba ya ngai cienu.
Nkaathuuranîra nthiko yenu,
n'ûntû bûrî ba mana.”
15 Raitha, naara irîmaani,
mûtûmwa ûra areetaga ntheto îmbega n'ayîîte,
ûra atûmagîîria mantû ma ûkiri!
Kûngwîraani biatho bienu, biû Njunda,
na bûûyûrie mîthiîtio yenu.
Athûûkia batikooro babwithûkîra kaîrî;
bakaathirua kûrû.