Mwathani arî na îgamba na Isiraeri
6
1 Thikîîriani bûra Mwathani akuuga:“Woû kîroria, îthi wîtheteere mbere ya irîma,
na tûrîma twîgue kayû gaaku.”
2 Thikîîriani mathitango ma Mwathani biû irîma,
thikîîriani biû mîcingi ya tene na tene ya nthîgûrû!
Mwathani arî na îgamba na antû baake,
We nathitaangîîte antû ba Isiraeri.
3 Mwathani ariuga ûûgû:
“Biû antû baakwa, ka mbûrûthîîte ata?
Mbûnogeetie na mbi?
Ncookeriani!
4 N'ûntû i niû ndaabûrutire nthîgûrû ya Miisiri;
ndabwonokia kuuma ûkombooni;
ndabwaa Musa, Arûni na Miriamu babûtongoreeria.
5 Biû antû baakwa,
ririkanaani mîbango îmîthûûku ya Mbaraki mûnene wa Moabu,
na bûra Mbaraamu mwana wa Mbeori aamûcookeerie.
Ririkanaani bûra gwakarîkire njîraani gatîgatî ga Sitimu na Girigari,
kaingo bûciûkîrwa i ngûgî ya Mwathani ya kwonokania!”
Kîûria gîa antû
6 Nthengeere Mwathani na mbi,
kaingo ngonga Ngai ûra ûrî îgûrû?
Nthi kîrî we na kîgongwana gîa kûbîîthua,
gîa kayaû ga ûkûrû bwa mwanka ûmwe?
7 Anga Mwathani agaakeneera
ndamûrutîra magiri ma ntûrûme,
mwe miuro ngiri na ngiri ya maguta?
rûciaro rwa nda yakwa
n'ûntû bwa meeyia maakwa.
Îcookio rîa kîroria
8 Ngai n'akwoneetie bûra kûbatîîrue, woû muntû;
bûra Mwathani eendaga kîrî woû n'ûgû:
kûrûtha mantû ûtakwendanîîra,
kwenda kwîgua ûrî na kîao,
na gûtûûra na kwînyiia mbere ya Ngai waku.
Mabîtia na îkaanûkia rîa Isiraeri
9 Mwathani n'agwîta atûûri ba taûni,
na ibamûtîîye wegua ibaûgî:
“Thikîîriani, biû antû ba Njunda;
thikîîriani biû bwîthîreene taûni.
10 Anga, nkaûmîîria moothûûku
mara maûyûrî mîciî kwao,
ûtonga bûra bwonekanire na njîra ya kwenania,
na gûtûmîra ithimi bia ûrongo?
Ûntû bûbû i mûgiro.
11 Anga, ndaûmba kuuga gûtirî mabîtia
antû bagîtûmagîra ithimi bia ûrongo
na maiga ma kûthima matarî ma mma?
12 Itonga bia taûni biûyûrîîtwe i kwinyanîîria,
atûûri baayo baaragia ûrongo,
ûntû bunthe bûra tûnyua twao twaragia n'ûrongo.
13 Kwoogu, nkwanjîîria kûbûgwîthia nthî,
na kûbûthiria n'ûntû bwa meeyia meenu.
14 Bûkaarîîyaga îndî bûtiibaa;
yûûra rîtiuma gatîgatî keenu.
Bwagîa ûtonga bûtiikarakaraanga,
na bwaiga gîntû ingakîînyangia na ndûa.
15 Bûkaandaga, îndî bûtiiketha.
Bûgaakamûraga nceituuni, îndî bûtiitûmagîra maguta mamu.
Bûkaabibaga ncabiibû, îndî bûtiinyuunyaga ndibei înu.
16 Biû bûthiingatîîte njîra inthûûku cia mûnene Omuri
na ngerekano ya mûciî wa mûnene Aabu.
Na ngerekano ya mûciî wa mwana wake, Aabu,
n'ûntû i bwathiingatîîra mataaro maao,
nkaabûthiria kûrû.
Na muntû wonthe akabûbûthîîria,
antû bakabûthekeera gûntû kunthe.”