Îromba rîa Njona arî nda ya îkûyû
2
1 Njona arî nda ya îkûyû aaromba Mwathani Ngai wake.2 Auga, “Ndî thîînaani i ndeetire Mwathani,
na aambîtîga.
Kuuma mborokerooni cia nthiko, i ndaakûrombire,
na wathikîîria kîrîro gîakwa.
3 Wandiamiirie ndiani ûkona,
naagu nkorooni ya îria,
mîkumbîîrî ya rûûyî îgînturûkaga mbarî cionthe,
mîkumbîîrî yaku yonthe na makûmbî monthe,
biaturûkîra îgûrû rîakwa.
4 Naani ndauga, ‘Ndî ûmûte
ndauma meethooni maaku,
îndî nwa nkaaraitha kaîrî
mbone Nyomba yaku i ntheru.’
5 Rûûyî rûra rwanthiûrûkîrîîte rwamakia,
ndia yanthîûrûkîîra,
matî ma îria mankunîka kîongo.
6 Ndeendamire mwanka ndaariama ruungu nkona cia irîma,
nthîgûrû înu ya ruungu na mîrango yayo yambingîîria tene na tene.
Îndî waruta mwoyo wakwa kuuma îrinyaani,
woû Mwathani Ngai wakwa.
7 Rîra ndaarî nkwîgua taka ûtûûro bwakwa bwakinya mûthia,
i ndaakûririkanire Mwathani,
na îromba rîakwa rîakinya kîrî wou,
ûrî Nyomba yaku întheru.
8 Bara beegwatagia ngai cia ûtheri,
beebathûranaga na ûtugi bûra bûbatîîrue bwîgua bûrî bwao.
9 Îndî niû, nkiinaga rwîmbo rwa nkaatho,
ngakûrutîra kîgongwana,
na mbûyûrie mîthiîtio yakwa. Woû ûrî na inya.
Wonokio buumaga kîrî Mwathani.”
10 Na Mwathani aaria na îkûyû, narîo rîataîka Njona nthîgûrû îmbûmo.