Gûtaîgwa gwa Isiraeri na wîrane bwa gûcookanîîrua
3
1 Rîru Mwathani ambîîra, “Îthi wonie mwekûrû waku wendo kaîrî. Wana kinya wegua arî na mûnyaanya ûngî na i mûthûûngîîri. Mwende wa ta bûra mbendeete antû ba Isiraeri, wana wegua ibaantigire baathingata ngai ciingî, bagîcirutagîra biegwa bia tûmîgaate twa ncabiibû.” 2 Kwoogu ndaarîa sekeria îkûmi na itaano cia fetha, na kiro îgana rîa mîrongo îtaano cia sayiri.b 3 Ndacooka ndamwîra, “Ûgaakara ûrî wakwa na nwa mwanka ûkare ûrî mwîtîgua kîrî niû kwa îgiita rîîraaya na ûtikaaringe ûmaraaya, naani nkeegua ndî mwîtîgua kîrî woû.” 4 Ûûgû i ta kwonania antû ba Isiraeri bagaakara ntugû inyingî batarî na mûnene kana mûtongoria, na gûtarî Nyomba ya Ngai ya kûrutîra igongwana kana kwîgua kûrî na itugî bia maiga bia kîthînjîro, athînjîri ba Ngai, kana Ngai abaarîria na njîra nwa îrîkû! 5 Îndî îgiita rîgaakinya aana ba Isiraeri bacooke kîrî Mwathani Ngai wao na kîrî mûnene wa rûrîîyo rwa Ndaundi. Bakaaya kîrî Mwathani wao bakiinainaga n'ûguaya ntugûûni cia mûthia na boone bûra ithaarimo biake bigana.