Ngerekano ya mûcabiibû
15
1 Mwathani aaria naani ambîîra, 2 “Mwana wa muntû, n'ata mûtî wa mûcabiibû ûrî mwega nkûrûki ya mîtî îra îîngî yonthe ya mûthitû? 3 Mûtî wau nwa ûrûthe nwa mbi? Nwa uume tûtugî twa gûcuuragia into? 4 Gwekîrwa mwankiini rûrî rûkû na mwanki gwabîîthia mîthia, kîthirîkîra gîa gatîgatî rî, kûrî bu ûrûtha nakîo? 5 Mbere ûbîîthua ûtaarî na gîtûmi, n'ata ûkeegua ûrî wa mana ûntû ûtaûmba gûtûmîka gwabîîthua watuîka makara?”6 “Kwoogu ûûgû i bu Mwathani Mwene Inya akuuga, wa ta bûra mpeeyanîîte mîtî ya mîcabiibû mûthitûûni îrî nkû cia mwanki, nwa ta bu nkaarûtha antû bara batwîre Njerusaremu. 7 Nkoonana nabo. Wana baakuthûka mwanki, mwanki nwa u ûkaababîîthia. Ndabakaanûkia, i rîo bûkaamenya niû ndî Mwathani. 8 Ngaatuîkithia nthîgûrû înu îganjo n'ûntû i baregeete kûrû gûtuîka eetîgua. I bu Mwathani Mwene Inya akuuga.”