Ntûmwa kîrî Mbaruku
45
1 Ûûgû i bu kîroria Njeremia eerire Mbaruku mwana wa Neria mwankaani wa înna wa wathani bwa Njeoyakimu mwana wa Njosia mûnene wa Njunda, nyuma ya Mbaruku akwandîka îbukuuni biugo bira Njeremia aamwandîkithagia. 2 “Mbaruku, ûûgû i bu Mwathani Ngai wa Isiraeri agûkwîra, 3 Woû waugire, ‘Niû nkoona thîîna! Mwathani akûmbongeera kîeba kîrî ûrûrû bwakwa, nkûthira na nkwinya i gûkaya, na kwaga kûnogoka.’ ”4 Îîndî mwîre, “Mwathani ariuga ûûgû: ‘Nkoomborania kîra mbakîîte, na nkûûre kîra mbaandîîte nthîgûrû yonthe. 5 Woû rî i ka ûûmba kwîgua wîrîgîîrîîte mantû maanene ma gûkûguna? Ûtikaarûthe ûgu, n'ûntû nkaareetera antû bonthe kînyamaara îndî woû wa ara ûkaathi ngakûrekeeria wonokie mwoyo waku,’ i bu Mwathani akuuga.”