Rwîmbo rwa gûcookia nkaatho na gûkumia
12
1 Ntugû înu, antû bakaina bakiugaga,“I ngûkûgonga Mwathani,
n'ûntû kûrî rîo wathûûri i niû.
Îndî wathûûrûka
na watua kûmbûmîîria;
2 Inya na kûûmbana gwakwa,
biumaga kîrî woû,
n'ûntû i woû Mwathani ûmbonokeetie.
3 Wa ta bûra antû banyuunyaga rûûyî rwega,
bakaringa bûûta bakagwîrua,
n'wabu antû ba Ngai bakenaga,
rîra aboonokagia.”
4 Ntugû înu antû bakaina bakiugaga,
“Cookeriani Mwathani nkaatho!
Na tûmûgonge!
Menyithiani mîgongo mantû mara arûthîîte,
na bûmenyithanie ûkumio bwake.
5 Inîraani Mwathani,
n'ûntû bwa mantû maanene mara arûthîîte,
mwinîreeni mwanka nthîgûrû yonthe îmenye.
6 Antû ba Sayuuni, kururaani na inya na bwine i gîkeno,
kenaani na bûgwîrue mûno,
n'ûntû bwa Mwathani Ûra Mûtheru wa Isiraeri.
Nwe atûûraga gatîgatî ga antû baake.”