4
1 Îgiitaani rîru aka mûgwanja bakaagwata muntû mûrûme ûmwe bamwîre, “Tûkaarîyaga biakûrîa bietû twingwa na nguo twîgûrîre. Bunka akî twîtîgîîrie tûgwetanagîrue naawe, kaingo îgi rîetû rîthira.”Njerusaremu îgaacookanîîrua
2 Ntugû înu rwong'i rwa Mwathani rûkaathongama na rûgîte mwago, na maciaro ma nthîgûrû makeegua marî meega na matuîke gîntû gîa gwîkumîrua i matigari ma Isiraeri. 3 Bara baatigirwe Sayuuni na bara baatigarire Njerusaremu, na muntû wonthe ûra agûtarwa arî mwoyo Njerusaremu ageetwa ûmûtheru. 4 Mwathani akaathambia na atherie cwe rûko rwa aarî ba Sayuuni na atherie marooro ma nthakame mara marî Njerusaremu gûkûrûkîîra Kîrundu wa kûgambithania na wa mwanki. 5 Rîru îgûrû rîa kîrîma gîa Sayuuni na îgûrû rîa bonthe bara beethîreene oogo, Mwathani agaatûma îtu mûthenya na gîtugî kîa mwanki ûtugû. Ûkumio bwa Mwathani bûgaakunîka na gûkaria taûni yonthe. 6 Ûkumio bwa Mwathani bûkaagwîkîra taûni îno îtikaabîe i mwathû mûthenya na bûmîtuîkithie bantû a kwîyûûaga kîbuubani na kinya mbura.