Bara baatûûrire Njerusaremu
11
1 Atongoria ba antû batûûraga Njerusaremu. Antû babu bangî baaringa kuura kaingo kuuma kîrî antû îkûmi kûthuurwa muntû ûmwe aaya gûkaraga Njerusaremu, taûni întheru, na kaingo babu bangî kenda bathi gûtûûra taûni inu ingî. 2 Antû babu bathaarima bonthe bara beerutire gûtûûra Njerusaremu.3 Atongoria bara baatûûrire Njerusaremu baarî Aisiraeri bamwe, athînjîri ba Ngai, Arawi, aruti ngûgî Nyomba ya Ngai na nciarwa cia aruti ngûgî ba Soromoni, woora muntû na ûtonga bwake taûniini yao. 4 Antû bara bangî ba kuuma mwîrîgaani wa Njunda na Benjameni batûûra Njerusaremu.
Kuuma rûrîîyooni rwa Njunda baarî Athaya mwana wa Usia, Usia mwana wa Sakaria, Sakaria mwana wa Amaria, Amaria mwana wa Sefatia, Sefatia mwana wa Maarareri, wa rûrîîyo rwa Peresi. 5 Na Maaseya mwana wa Mbaruku, Mbaruku mwana wa Koro-Ose, Koro-Ose mwana wa Asaya, Asaya mwana wa Andaya, Andaya mwana wa Njoyaribu, Njoyaribu mwana wa Sakaria wa rûciaro rwa Siro. 6 Nciarwa cia Peresi cionthe ira ciatwîre Njerusaremu ciarî ncamba cia ndûa magana mana ma mîrongo îthanthatû na banaana.
7 Kuuma rûrîîyooni rwa Benjameni baarî, Saru mwana wa Mesuramu, Mesuramu mwana wa Njoendi, Njoendi mwana wa Pendaya, Pendaya mwana wa Koraya, Koraya mwana wa Maaseya, Maaseya mwana wa Ithieri, Ithieri mwana wa Njesaya, 8 na bara baamûthingatîîte, Ngabai na Sarai baarî antû magana kenda ma mîrongo îîrî na banaana. 9 Njoeri mwana wa Sikiri n'we aarî mûrûngamîîri wao, na Njunda mwana wa Asenua nwe aarûngamîrîîte gîteere kîa biîrî gîa taûni.
10 Kuuma rûrîîyooni rwa athînjîri ba Ngai baarî Njendaya mwana wa Njoyaribu, Njakini, 11 Seraya mwana wa Irikia, Irikia mwana Mesuramu, Mesuramu mwana wa Sandoki, Sandoki mwana wa Merayothi, Merayothi mwana wa Aitubu ûra aarî mûrûngamîîri wa Nyomba ya Ngai, 12 na bara baarutanagîria nabo ngûgî Nyomba ya Ngai baarî magana manaana ma mîrongo îîrî na baîrî. Nabo baarî Andaya mwana wa Njeroamu, Njeroamu mwana wa Peraria, Peraria mwana wa Amusi, Amusi mwana wa Sakaria, Sakaria mwana wa Pasiuri, Pasuuri mwana wa Marikiya, 13 na bara baarutanagîria nabo ngûgî, bara baarî atongoria ba mîciî, baarî antû magana maîrî ma mîrongo îna na baîrî. Nabo baarî Amasai mwana wa Asareri, Asareri mwana wa Aasai, Aasai mwana wa Mesiremothi, Mesiremothi mwana wa Imeri, 14 na bara baarutanagîria n'we ngûgî, antû arûme ncamba, îgana rîmwe rîa mîrongo îîrî na banaana. Mûtongoria wao aarî Sabundieri mwana wa Agendorimu.
15 Arawi baarî Semaya mwana wa Asubu, Asubu mwana wa Asirikamu, Asirikamu mwana wa Asabia, Asabia mwana wa Buni. 16 Sabethai na Njosabandi bara baarî atongoria ba Arawi baarûngamîîrîîte ngûgî ya ome ya Nyomba ya Ngai. 17 Matania mwana wa Mika, Mika mwana wa Sabundi, Sabundi mwana wa Asabu, ûra aarî mûtongoria wa gûcookia nkaatho na îromba. Bakibuku ûra aarî mûteetheeria wa Matania, na Abunda mwana wa Samua, Samua mwana wa Garari, Garari mwana wa Njenduthuni. 18 Arawi bonthe bara baakaraga Njerusaremu mûciî ûra mûtheru baarî magana maîrî ma mîrongo înaana na bana.
19 Akaria ba mîîrîga baarî Akubu, Tarimoni na bara baarutanagîria nabo ngûgî, bara baakaragia mîîrîga baarî antû îgana rîmwe rîa mîrongo mûgwanja na baîrî. 20 Aisiraeri bara bangî, barî na athînjîri ba Ngai na Arawi, ibaarî ntûûraani cia Njunda cionthe, woora ûmwe na rûgai rwake. 21 Îndî bara baarutaga ngûgî Nyomba ya Ngai baatûûraga gîteere kîa Njerusaremu kîra gîetagwa Oferi, barûngamîrîtwe i Sia na Gisipa.
22 Mûtongoria wa Arawi bara baarî Njerusaremu aarî Usi mwana wa Bani, Bani mwana wa Asabia, Asabia mwana wa Matania, Matania mwana wa Mika. Usi aarî ûmwe wa nciarwa cia Asabu, bara baarî aini bara baraithagîra ngûgî Nyomba ya Ngai. 23 Aini baarî ruungu rwa watho bwa mûnene bûra bwonanagia ngûgî yao yagwa îra ntugû.
24 Pethaya mwana wa Mesesaberi, ûmwe wa nciarwa cia Sera mwana wa Njunda, aarî mûtaari wa mûnene mantûûni monthe meegiî antû.
Bara baatûûrire taûni ira ciingî
25 Mantûûni ma ntûûra na mînda yao, antû bamwe ba Njunda batûûra Kiriathi-Ariba na ntûûra ira ciamîthiûrûkîrîîte, Ndiboni na ntûûra ciayo, Njekabuseeri na ntûûra ciayo, 26 Njesua, Moranda, Bethi-Pereti, 27 Asari-Suari, Beeriseba na ntûûra ira ciamîthiûrûkîrîîte, 28 Sikiragi, Mekona na ntûûra ira ciamîthiûrûkîrîîte, 29 Eni-Rimoni, Sora, Njarimuthi, 30 Sanoa, Anduramu, na ntûûra ira ciamîthiûrûkîrîîte, Rakisi na mînda yayo, Aseka na ntûûra ciayo. Kwoogu baatûûraga kuuma Beeriseba mwanka kîbondeeni kîa Inomu.