10
1 Bara beekîîre mûûni baarî:Neemia ûra warî ngabana, mwana wa Akaria
kinya Sendekia.
2 Athînjîri bara bangî baarî:
Seraya, Asaria, Njeremia,
3 Pasiuri, Amaria, Marikiya,
4 Atusi, Sefania, Maruku,
5 Arimu, Meremothi, Obandia,
6 Ndanieri, Nginethoni, Mbaruku,
7 Mesuramu, Abiya, Miyamini,
8 Maasia, Birigai na Semaya.
9 Arawi bara beekîîre mûûni baarî:
Njesua mwana wa Asania, Binui wa nciarwa cia Enandandi, Kandimieri,
10 na aruagina Sefania, Ondia, Kerita, Peraya, Anani,
11 Mika, Reobu, Asabia,
12 Sakuri, Serebia, Sefania,
13 Ondia, Bani na Beninu.
14 Atongoria ba antû bara beekîîre mûûni baarî:
Parosi, Paathi-Moabu, Eramu, Satu, Bani,
15 Mbuni, Asigandi, Bebai,
16 Andoniya, Bigibai, Andini,
17 Ateri, Esekia, Asuri,
18 Ondia, Asumu, Besai,
19 Aribu, Anathothi, Nebai,
20 Magipiasi, Mesuramu, Esiri,
21 Mesesaberi, Sandoki, Njandua,
22 Peratia, Anani, Anaya,
23 Osea, Anania, Asubu,
24 Aroesi, Piria, Sobeki,
25 Reumu, Asabuna, Maaseya,
26 Aiya, Aanani, Anani,
27 Maruku, Arimu na Mbaana.
28 Antû bara bangî, athînjîri ba Ngai, Arawi, akaria ba mîîrîga, aini, aruti ngûgî ba Nyomba ya Ngai na antû bonthe bara beebathûrire kuuma mîgongo kaingo bathingata mawatho ma Ngai, amwe na aka baao, nthaka ciao cionthe na aarî baao bonthe bara bakîûmba kûgwata mantû, 29 beengîrana na aruagina na anene baao, bathiîtia kûthingatîîra mawatho ma Ngai mara anenkanîîre gûkûrûkîîra mûruti ngûgî wake Musa, na kûthingata mawatho na maathana ma Mwathani Ngai wao. Bauga,
30 “I tûkûthiîtia tûtiinenkanîra aarî beetû bagûrwa n'antû bara batûthiûrûkîrîîte, kana nthaka cietû igûra aarî baao. 31 Antû babu bakareta irio kana into bia kwendia ntugû ya Sabatû, tûtibagûrira ntugû înu ya Sabatû kana ntugû îîngî întheru. Mwanka wa mûgwanja tûtiirîma mîînda na marandû monthe tûkaarekera.
32 Tûrîîbaigîra mawatho atî kwa mwanka tûkarutaga ngiramu itaano cia fetha kûrûngamîîra marîi ma ngûgî cia Nyomba ya Ngai, 33 n'ûntû bwa mîgaate îmîtheru, biewa bia irio bia wîthîre, igongwana bia wîthîre, biewa bia ntugû cia Sabatû, biatho bia kûyiûka kwa mweri, biatho biingî bira bitue, into biitheru, biewa bia kûtheria meeyia na kûgwatithania Aisiraeri bonthe na ngûngî ciingî cia Nyomba ya Ngai wetû.
34 Tiû athînjîri ba Ngai, Arawi na antû bonthe tûkaaringaga kuura kîra mwanka kaingo tûthuura mûciî ûra ûkaareeta nkû cia kûbîîthia igongwana kîthînjîrooni kîa Mwathani Ngai wetû ta bûra watho bûkari.
35 Woora mwanka tûkareetaga maciaro meetû ma mbere na matunda ma mbere ma woora mûtî Nyombaani ya Mwathani. 36 Wa ta bûra kwandîkîîtwe wathooni, tûkareeta woora mwana wa mbere wa kaîyî, na kuuma kîrî nyamû cietû cia ndîîthia kîrî athînjîri ba Ngai bara bakûruta ngûgî ku. 37 Tûkairîra athînjîri ba Ngai mûtu kuumania na maketha ma mbere ma mwanka na biewa bingî bia ndibei, maguta na mîthemba yonthe ya matunda. Tûkaaruta gîcuncî gîa îkûmi gia into bia mînda yetû kîrî Arawi n'ûntû i bo beethîranagia gîcuncî gîa îkûmi taûni cionthe. 38 Mûthînjîri wa Ngai, nciarwa cia Arûni na Arawi bakaaretagîrwa gîcuncî gîa îkûmi. Arawi babatîîrue bareeta gacuncî kamwe ga îkûmi Nyombaani ya Ngai na biandaani na kîgîînaani. 39 Antû ba Isiraeri, na Arawi bakaareeta maruta maao ma irio, ndibei na maguta biandaani na kîgîînaani naara into bira bitheru bimenyagîîrwa, na naara athînjîri ba Ngai, akaria ba mîîrîga na aini barî na nyomba ciao. Tûtiitiganîria Nyomba ya Mwathani Ngai wetû.”