Aini ba Nyomba ya Ngai
25
1 Mûnene Ndaundi na atongoria ba Arawi, baathuura bamwe ba aana ba Asabu, ba Emani, na ba Njenduthuni, batongoria ngûgîîni ya kûroria bagîtûmagîra wandîndî cia ndigi inyingî, na inaanda na tamburini. Mama i mo mariîtwa na ngûgî ciao ira baarutaga, 2 Aana bana ba Asabu baarî Sakuri, Njosebu, Nethania na Asarera. Bo baarî ruungu rwa ûtongoria bwa Asabu ûra aaroragia kagiita konthe kûringana na watho bwa mûnene. 3 Aana bathanthatû ba Njenduthuni baarî Ngendaria, Seri, Yesaya, Simei, Asabia, na Matithia. Bo baarî ruungu rwa ûtongoria bwa îthe, na baaroragia bagîtûmagîra wandîndî, na gûcookia nkaatho na gûkumia Mwathani. 4 Aana ba Emani baarî Bukia, Matania, Usieri, Sebueri, Njerimothi, Anania, Anani, Eriatha, Ngindariti, Romamuti-Eseri, Njosibekasa, Marothi, Othiri na Maasiothi. 5 Ngai aaneenkera Emani, kîroria wa mûnene, nthaka inu îkûmi na inya na aarî bathatû wa ta bûra eeranîîte kaingo amûûkîîria. 6 Aana baake bonthe i bainaga na tamburini, wandîndî cia ndigi inyingî na inaanda, kûgongaani ndeeni ya Nyomba ya Mwathani barî ruungu rwa ûtongoria bwa îthe. Asabu, Njenduthuni na Emani, baarî ruungu rwa watho bwa mûnene. 7 Mûtari wao amwe na aruagina Arawi bara baarutanîîtwe kwinîra Mwathani, bonthe bara baarî nkûi, baarî magana maîrî ma mîrongo înaana na banaana. 8 Bonthe, mûnene na mûniini, arutani na arutwa, baatûmîîre kuura kûbanga ngûgî ciao.9 Kuura ya mbere yagwîrîîre Njosebu wa mûciî rwa Asabu, ya ciîrî yagwîra Ngendaria amwe na aruagina na aana baake, bonthe baarî îkûmi na baîrî, 10 ya ithatû yagwîra Sakuri amwe na aana baake na aruagina, bonthe baarî îkûmi na baîrî, 11 ya inya yagwîra Seri amwe na aana baake na aruagina, bonthe baarî îkûmi na baîrî, 12 ya itaano yagwîra Nethania, amwe na aana baake na aruagina, bonthe baarî îkûmi na baîrî, 13 ya ithanthatû yagwîra Bukia amwe na aana baake na aruagina, bonthe baarî îkûmi na baîrî, 14 ya mûgwanja yagwîra Asarera, amwe na aana baake na aruagina, bonthe baarî îkûmi na baîrî, 15 ya inyanya yagwîra Yesaya, amwe na aana baake na aruagina, bonthe baarî îkûmi na baîrî, 16 ya kenda yagwîra Matania, amwe na aana baake na aruagina, bonthe baarî îkûmi na baîrî, 17 ya îkûmi yagwîra Simei, amwe na aana baake na aruagina, bonthe baarî îkûmi na baîrî, 18 ya îkûmi na îmwe yagwîra Asareri; amwe na aana baake na aruagina, bonthe baarî îkûmi na baîrî; 19 ya îkûmi na ciîrî Asabia; amwe na aana baake na aruagina, bonthe baarî îkûmi na baîrî; 20 ya îkûmi na ithatû Sebueri; amwe na aana baake na aruagina, bonthe baarî îkûmi na baîrî; 21 ya îkûmi na inya Matithia; amwe na aana baake na aruagina, bonthe baarî îkûmi na baîrî; 22 ya îkûmi na itaano Njeremothi, amwe na aana baake na aruagina, bonthe baarî îkûmi na baîrî; 23 ya îkûmi na ithanthatû Anania; amwe na aana baake na aruagina, bonthe baarî îkûmi na baîrî; 24 ya îkûmi na mûgwanja Njosibekasa; amwe na aana baake na aruagina, bonthe baarî îkûmi na baîrî; 25 ya îkûmi na inyanya Anani; amwe na aana baake na aruagina, bonthe baarî îkûmi na baîrî; 26 ya îkûmi na kenda yagwîra Marothi, amwe na aana baake na aruagina, bonthe baarî îkûmi na baîrî, 27 ya mîrongo îîrî Eriatha, amwe na aana baake na aruagina, bonthe baarî îkûmi na baîrî, 28 ya mîrongo îîrî na îmwe Othiri; amwe na aana baake na aruagina, bonthe baarî îkûmi na baîrî; 29 ya mîrongo îîrî na ciîrî Ngindariti; amwe na aana baake na aruagina, bonthe baarî îkûmi na baîrî, 30 ya mîrongo îîrî na ithatû Maasiothi; amwe na aana baake na aruagina, bonthe baarî îkûmi na baîrî, 31 ya mîrongo îîrî na inya Romamuti-Eseri; amwe na aana baake na aruagina, bonthe baarî îkûmi na baîrî.